نصيحة فى الشراء (نيو سيراتو أم هيونداى إلنترا)

**hmostafaahm** · 11-05-2010 04:17 PM

ارجو من الأخوة الافاضل إعطاء النصيحة وذلك بناء على تجاربهم وخبراتهم الواسعة واكيد ان الفائدة من تبادل الأراء والتجارب أن تكون قرارتنا تتصف بالرشادة، أنا فى موقف الاختيار لشراء سيارة وقد انعقدت المقارنة بين السيراتو والإلنترا وذلك مع العلم بأنى فى السيارتين سوف اقوم بشراء الفئة أوتوماتيك مع abs وتكييف تاتش ، فى انتظار ردودكم ونصائحكم الغالية

تم النقل لقسم المقارنات
__________
مشرف الكورى والماليزى العام 4أ

**ابو ليلى** · 11-05-2010 04:29 PM

المشاركة الأصلية كتبت بواسطة hmostafaahm

ارجو من الأخوة الافاضل إعطاء النصيحة وذلك بناء على تجاربهم وخبراتهم الواسعة واكيد ان الفائدة من تبادل الأراء والتجارب أن تكون قرارتنا تتصف بالرشادة، أنا فى موقف الاختيار لشراء سيارة وقد انعقدت المقارنة بين السيراتو والإلنترا وذلك مع العلم بأنى فى السيارتين سوف اقوم بشراء الفئة أوتوماتيك مع abs وتكييف تاتش ، فى انتظار ردودكم ونصائحكم الغالية

ومين هيشهد للعروسة

حضرتك فى قسم كيا يعنى اكيد اى حد هيدخل هيقلك اشترى سيراتو وبرضه لو دخلت قسم هيواندى اى حد هيدخل هيقلك اشترى اللانترا نصيحة اطلب نقل الموضوع لقسم المقارنات واكيد هتلاقى راى محايد .

وفى اكتر من مقارنة موجوده للعربيتين ولو حبيت اجيبلك لنكات اطلب ولو عندك اى اسئلة مباشرة عن السيراتو تاكد اننا هنا لم نبخل على اى شخص باى معلومة بدون الدخول فى مقارنات مع اى سيارة اخرى .

وتقبل تحياتى .....

**Mshawky** · 11-05-2010 04:32 PM

انا سامع ان الالنترا الجديده نازله هتكسر الدنيا بشيب جديد خالص وموتور 140 حصان على حد قولهم فى الخبر

فمش عارف الكلام ده هل صح ولالا ؟ لو كده استنى لو تقدر لشهر 7 او 8 وهنشوف

**hmostafaahm** · 11-05-2010 04:34 PM

انا قريت فى المنتدى هنا عن نزول الالنترا بالتصميم الجديد لكن بالتاكيد هيكون فى فرق سعر بين الشكل الموجود حاليا والشكل الجديد يعنى الانتظار فى حالة الالنترا ممكن يطلعها خالص من المقارنة لما ينزل الشكل الجديد نظرا لفرق السعر

**ابو ليلى** · 11-05-2010 04:45 PM

المشاركة الأصلية كتبت بواسطة hmostafaahm

شكرا على ردك لو ممكن تبعتلى اللينكات دى

ده لينك مقارنة بالسيراتو الشكل القديم
http://www.nilemotors.net/Nile/22740-a.html

ودى احدث شويه واللى عملها ملك المقارنات حسام ابتراوى

http://www.nilemotors.net/Nile/81095-2010.html

ودى مقارنة من موقع سورى اللى نقله كبير السيرتاوية احمد اسماعيل
http://www.nilemotors.net/Nile/101662-a.html

ودى حاجه كمان برضه الاهلوى الصميم حسام ابتراوى

http://www.nilemotors.net/Nile/76882-ex-gls.html

لك حرية الاختيار وزى ما قلت لو عند حضرتك سؤال معين عن السيراتو هتلاقى رجالة كيا موجودين وتحت امرك

**Hosam_Optrawy** · 11-05-2010 05:37 PM

لو حضرتك مايفرقش معاك ان الالنترا هاينزل منها شكل جديد عشان هايبقى اغلى

يبقى ممكن تفكر فى الالنترا الحاليه

مع مراعاة ان

حضرتك قلت هاتجيب الفئه اللى فيها Abs و Air Bags وتكييف تاتش

ودى سعرها فى الالنترا 116 او 115.500

والسيراتو نفس الفئه بنفس السعر 116

مع مراعاة ان فى فرق كبير فى الاوبشنز

السيراتو تزيد الاتى

جنوط سبور 17 ( الالنترا طاسات )

باركنج سنسور

اوتو لايت

طاره جلد

المقابض الداخليه والخارجيه كروم

سى دى Mp3 اصلى بلت ان مع وحدات تحكم من الطاره ( ملتى فنكشن )

عدادات رياضيه وكمبيوتر سائق

دا بالنسبه للاوبشنز

الشكل الخارجى والداخلى دا حسب ذوقك وارتياحك النفسى

اخيرا الوكيل

وكيل كيا افضل كسمعه وفترة ضمان اطول 5 سنين او 100 الف لكن هيونداى 3 سنين او 100 الف

بالتوفيق