الموضوع: شفت Audi R8 و Ferrari و Aston Martin في مصر !!

المشاركة الأصلية كتبت بواسطة Mzeid

كان فيه كاريرا gt في مصر



أكيد اللي بتقول عليها انزو دي ال 430 لأن الأثنين شبه بعض جدا من الخلف
لدرجة أن الناس بتتلخبط فيهم

لا ياباشا ... انزو بنت انزو انا متأكد !!

طاب اسمحولي احكي موقف عجيب جدا حصل معايا من زمان
كنت شغال في فندق و كان معايا مرسيدس w114 280 (خنزيرة ) كانت بتاعت والدي من زمان و كنت رايح الشغل فا بركن في البرك لقيت عربية بورش boxster جمرك لونها فضي و فرش احمر و انا بعشق العربية دي و اللون دا ركنت جنبها و لما خلصت الشغل نازل اخد عربيتي لقيت واحد مش مصري و واحدة واقفة جنبوا و هوا بيبص علي عربيتي و قاعد يلف حولها و يبص علي الصالون فرحت اشفوا دا بيعمل ايه لقيتوا و بيقولي شايف دي صناعة بلدي دي قلتوا دي عربيتي لقيتوا فرح جدا و اعد يسال عن العربية(موديل كام و كلام من دا ) و قالي ممكن اصورها قلتلوا صورها عادي و اركب فيها كمان لو عايز و رحت فتحلوا العربية راح داخل جوها و اعد يلعب فيها و هوا سعيد جدا و انا مش فاهم هوا مندهش ليه يعني دا مفيش اكتر من المرسيدس القديمة عندنا قلتلوا سوقها لو عايز عادي يعني لقيتوا بيبصلي قالي بجد قلتلوا ايه عادي المهم هوا ساب البنت و انا اعدت اتكلم معاها و الراجل خد لفة كده و رجع بسرعة و قالي عربية حالتها نضيفة و تحفة قيمه جدا قلتلوا انها كانت بتاعت والدي و انا بحبها و العربية مفهاش مسمار مش اصلي (انا كنت لسه غاسل العربية و بتلمع و كله تمام) قالي ممكن تصورني انا و بنتي عليها و ادني الكاميرا صورتوا و خالص و ركبت العربية و بظبط المرايا و لسه حطلع
لقيت الراجل راح مطلع من الجاكت مفتاح و قرب من العربية البورش و راح فاتح العربية البورش ركب و بنته جنبوا فتح السقف و راح رفعلي ايده و طلع انا مش مصدق ايه اللي بيحصل قدامي و مش مستوعب الموقف انو صاحب العربية البورش ...و قلت سبحان الله معاه بورش و فرحان بمرسيدس موديل 68 و اربعة باب يعني ولا كوبيه و مثلا ولا كشف و لا حتي نادرة ....و لو كنت اعرف انو هوا صاحب البورش و كنت خدت لفة او حتي ركبتها و هيا واقفة
كانت عذاب بالنسبة ليا الشغلانة دي كل ما ادخل اركن الاقي عربيات من دي و انا داخل بالخنزيرة و اركنها جنبوهم يمكن تتعدي و لا حاجة