استفسار بخصوص فتيس الميجان والسي دي لوحوش الميجان

**porsche911** · 11-05-2010 07:04 PM

كنت قريت في المنتدى عن فتيس الميجان ولقيت في ناس بتشتكي من النتشه اللي بتحصل في الغيارات العكسية او لما بعمل kick down ، وعرفت ان الحل بتاعها سوفتوير بينزل في التوكيل ببلاش، طب انا عربيتي موديل 2005 وعامله 80000 كم ، هل كده هينزلوه برضو ببلاش ؟؟؟؟

كنت بسأل كمان بخصوص الaux في السي دي ، رحت انهاردة عشان اركبه ، واكتشفت ان السوفتوير بتاع السي دي مفيهوش aux بس الراجل قاللي ان مكان الجاك موجود ، فهل حد يعرف ممكن انزل السوفتوير اللي فيه aux ولا لأ ، ولا لازم اغير السي دي كله ؟؟؟؟؟؟؟

كنت بسأل كمان لو عايز اركب علبة دريكسيون ، ايه افضل مكان ممكن اركبها فيه ويكون سعره كويس ، انا مسألتش سعر التركيب كام في التوكيل فأرجو من وحوش الميجان الافادة

انا عارف ان اسألتي كتير ، بس انا لسه مشتري العربية قريب ، وفعلاً اللي خلاني اشتريها وانا مطمن هو المنتدى ، وكلام اعضاء المنتدى الكرام عن العربية ، وفعلاً الحمد لله لقيت عربية مستعمله بسعر كويس ، وبجد ما شاء الله طلعت جميلة جداً رغم كل الاشاعات المغرضة عن العربية الجامدة دي

**ghareeb** · 11-05-2010 08:40 PM

بص يا باشا انا مش معايا العربية بس ممكن اجاوبك لحد ما الوحوش يدخلوا و يقلولك على الخبر اليقين,
بالنسبة للسوفت وير بتاع الفتيس لو العربية كانت بتعمل الصيانات بتاعتها فى التوكيل يبقى أكيد إن شاء الله التوكيل عمل السوفت وير من غير حتى ما الراجل صاحب العربية يطلب,
اما بقى بخصوص ال aux انا مستغرب من موضوع السوفت وير ده لأن الى المفروض طالما الكاسيت فيه الجاك يبقى يقدر يشتغل,
و بخصوص علبة الدريكسيون انا من كلام الأعضاء هنا أعتقد الميكانيكيون العرب الناس هنا بتشكر فيهم و لو إن الناس بتفضل فى إنها تغير الحاجات الى زى ده فى التوكيل,
يارب تكون إفادتى صح لحين التاكد من الوحوش

**Hany Saad** · 11-05-2010 10:55 PM

المشاركة الأصلية كتبت بواسطة porsche911

كنت قريت في المنتدى عن فتيس الميجان ولقيت في ناس بتشتكي من النتشه اللي بتحصل في الغيارات العكسية او لما بعمل kick down ، وعرفت ان الحل بتاعها سوفتوير بينزل في التوكيل ببلاش، طب انا عربيتي موديل 2005 وعامله 80000 كم ، هل كده هينزلوه برضو ببلاش ؟؟؟؟

كنت بسأل كمان بخصوص الaux في السي دي ، رحت انهاردة عشان اركبه ، واكتشفت ان السوفتوير بتاع السي دي مفيهوش aux بس الراجل قاللي ان مكان الجاك موجود ، فهل حد يعرف ممكن انزل السوفتوير اللي فيه aux ولا لأ ، ولا لازم اغير السي دي كله ؟؟؟؟؟؟؟

كنت بسأل كمان لو عايز اركب علبة دريكسيون ، ايه افضل مكان ممكن اركبها فيه ويكون سعره كويس ، انا مسألتش سعر التركيب كام في التوكيل فأرجو من وحوش الميجان الافادة

انا عارف ان اسألتي كتير ، بس انا لسه مشتري العربية قريب ، وفعلاً اللي خلاني اشتريها وانا مطمن هو المنتدى ، وكلام اعضاء المنتدى الكرام عن العربية ، وفعلاً الحمد لله لقيت عربية مستعمله بسعر كويس ، وبجد ما شاء الله طلعت جميلة جداً رغم كل الاشاعات المغرضة عن العربية الجامدة دي

السوفت وير ممكن حضرتك تروح تعمل أى صيانة دورية و ليكن مضاعفات ال5000 علشان بتبقى مجانية و تقول للمهندس إنك حاسس بنتشة فى الفتيس و عايز تتأكد إذا كان الفتيس معمول له أبتديت للسوفت وير و لا لأ....و لو لأ غالبا هيعملوه مجانى......

بالنسبه لموديلات 2005 هتلاقى مكتوب على الكاسيت tuner list و ده صعب يتركب له وصله aux أو بمعنى أخر محتاجة converter معين معتقدش سهل تلاقيه أو تركبه....

عامود الدركسيون معنديش خلفيه...بس أكيد حد هيساعدك قريب.....

**Hany Saad** · 12-05-2010 12:07 AM

المشاركة الأصلية كتبت بواسطة porsche911

متشكر يا جماعة على ردودكم وعلى اهتمامكم

بالنسبه لموديلات 2005 هتلاقى مكتوب على الكاسيت tuner list و ده صعب يتركب له وصله aux أو بمعنى أخر محتاجة converter معين معتقدش سهل تلاقيه أو تركبه....

انا رحت انهاردة لواحد في ميدان سانت فاتيما وفعلاً فك السي دي وركب وصلة الaux وبعدين جه يقلب في السي دي ملقاش الaux في المنيو ، فقالي اسأل في التوكيل ع الموضوع ده عشان اتعمل في بيجو ونفع ونزل سوفتوير فيه الaux

على فكرة التوكيل معندوش أى سوفت ويير للكاسيت.....

موديلات كاسيت الميجان اللى مكتوب عليها update list هى دى اللى فيها فى المنيو aux و أول ما بتركب الوصلة و تعمل activation للaux....كله بيبقى تمام....

طبعا دى المعلومات اللى عندى....و أنا فى خدمة حضرتك....
للمرة التانية متشكر جداً على اهتمامكم وردودكم

**porsche911** · 12-05-2010 01:12 AM

متشكر يا باشا على تعبك واهتمامك
انا فعلاً معنديش الupdate list ، يا خسارة ، موضوع السي ديهات ده ممل اوي وعلى طول بتتجرح وتبوظ

**chato_eg** · 12-05-2010 07:07 AM

عيل جاهل إللى دب وصلة ال aux فى فتحة ال CD Changer ....قال يجرب و يمكن تشتغل و خلاص.....
على كل ال tunre list مافيش فيه مدخل aux ...
الحلول .....
CD Changer
تغير الكاسيت بواحد تانى من أى ماركة بس هاتخسر ذراع التحكم خلف الدركسيون
FM Transmitter بس صوته مش حلو

ال TunePoint ....حل غالى جدا و ما أعرفش حد عمله بس أروع ما يكون و ده وصف له
YouTube - TunePoint for Renault