ممكن مساعدة فى الميجان 2005

**tamerfantom** · 11-05-2010 07:18 PM

شاشة العدادات ولمبة فرامل اليد تظل مضيئة حتى بعد قفل اليسيارة بالكامل

**samirayad** · 12-05-2010 12:50 AM

كده فيه مشكله فى الضفيره

وغالبا فى تلامس كهربى بين ضفيرة السنتر والضفيره اللى رايحه للعدادت

ومنطقة التلامس دى غالبا حتلاقيها جوه قايم باب السواق اللى جنب التابلوه

**tamerfantom** · 12-05-2010 08:53 AM

جزاك الله خيرا
طب اعملها عند كهربائى عادى ولا هيبوظها التوكيل فتح عليا فتحة كبيرة

**farahat** · 12-05-2010 11:51 AM

هو حضرتك تقصد شاشة العدادات يعني التابلوه بالكامل ولا الشاشة إلي في نص العدادات إلي بتبين حالة الأبواب ولا إيه بالضبط ؟؟
و هل لمبة فرامل إليد هي الوحيدة المضيئة في التابلوه كله ولا فيه حاجة تانية ؟

**tamerfantom** · 13-05-2010 01:23 AM

الشاشة الصغيرة الى فوق العدادات فقط و لمبة فرمل اليد فقط

**farahat** · 13-05-2010 02:16 AM

دي شكلها مشكلة عدادات مش مشكلة ضفيرة ، هل العربية دي مع حضرتك من الزيرو ؟
و العدادات دي عملة كم ألف لحد دلوقتي ؟

**tamerfantom** · 13-05-2010 10:08 AM

بصراحه كلام استاذ سمير اقرب للصواب لان انا غيرت العدادات و طقم الدوارة وبرده مافيش فايدة و الأهم ان الباب بتاع السواق بيطءطء وانا بفتحه وده ممكن يكون دليل ان كان فى شغل فى المكان ده لان العربيه مستعمله مش معايا من الزيرو
لو حد يعرف مركز صيانة نضيف و عنده ضمير يصلحلى المشكله دى يساعدنى

**farahat** · 13-05-2010 11:42 AM

طيب جربت تعمل الطست بتاع تبلوه العدادات و تشوف إذا كان العيب من داخل التابلوه أو من الخارج ؟

الفكرة بس إن العدادات دي واصلة بالعرييه عن طريق ما يسمى بال-"multiplex " و هي شبكة بيانات و ليس عن طريق أسلاك خاصة بكل وظيفة ، عشان كدة أنا مستبعد الضفيرة تكون السبب ، لكن ماقلتش انها مستحيلة ،
لا أظن إن أي كهربائي عادي هيعرف يشتغل فيها لأنه هيعتمد على فكرة التجربة و الخطأ ، و دي حاجة ممكن تجيب نتيجة صحيح لكن ممكن برضه تجيب مصيبة في عربية ذي دي ، فنصيحتي ليك ترجع لنفس إلي ركب طقم الدورة دة تاني و يراجع توصيلاته و أعتقد هتكتشف المشكلة إن شاء الله ، بس في الاول راجع العداد و اتأكد إن العيب مش منه داخلياً قبل ما تروحله