الموضوع: ده مبقاش منتدى يا جماعة ......

فعلا انا متفق مع الحاج أحمد قوى ...

أنا من كام يوم حلمت إنى كنت فى حته عشوائية كده و المفروض عشان أروح أعدى زى خرابة ..
ففى الخرابة ناس طلعوا عليا و عايزين يسرقونى ... المهم بصيت لقيت عربيات كتير دخلت الخرابة و جايين ينقذونى ... قلت نايل موتورز جه ينقذنى ...

اولا: انا لله وانا اليه راجعون
ثانيا : مع انى عضوة جديدة جدا وكنت داخله المنتدى للسؤال فى السيارات واستغربت المنتدى الاجتماعى اول ما شوفنه
لكن لما دخلت ماقدرتش اخرج تانى او اخرجه من دائرة اهتماماتى
لسه فى ناس حلوة كدة لله فى لله من غير اى مصلحة
لسة فى ناس طيبة وخيرة ومحترمة بالصورة دى
ربنا يخلى لنا المنتدى ويخلى كل اعضاءه ويكرمهم اخر كرم
آمين يا رب العالمين

المشاركة الأصلية كتبت بواسطة أم حمـــاس

هوا انا ممكن اقول حاجة؟؟

اي الغرض من وضع صورة استاذ محمد فلتوقيع

او اي الاستفادة..

كل مشوفها واقارنها بالنهاردة بصراحة قلبي بيوجعني

البقاء لله وغفر الله له ولنا
اضم صوتى الى صوت الدكتوره التىرأيت حالتها بالمستشفى قبل لحظات واثناء وبعد الوفاه
من الممكن ان يكون هناك من لايعرفوا محمد شخصيا او عن قرب اوتعايشوا مع محنته واعتادواعليها بل من الممكن ان يكون هناك من لايعرفه اصلا سواء من مشاركاته او محنته اتفق معكم فماذا عن من عرفوه وتعايشوا معه وعاشوا محنته واعتادوا على رؤيته يوميا وشاهدوا تحسن حالته وابتساماته وبكائه وتألمه وقربه من الشفاء وانتكاساته وتقلبات سريعه متلاحقه ايجابيه وسلبيه اعتقد ان مثل هؤلاء يحق لهم ان نفكر فيهم من راه لاول مره على فراش المرض وراه اخر مره جسده الطاهر مسجى داخل نعش.
ارجوكم اكثروا من الدعاء له.رحمه ورحمنا الله وغفر له ولنا ولامواتنا جميعا.

المشاركة الأصلية كتبت بواسطة aif

ده فعلا مبقاش منتدي

..
..

ده بقى اكتر من كدة بكتير اوي ...
ازاي الواحد يرتبط بالشكل العجيب ده بناس عمره ما شافها ولا سمع صوتها ولا اتعامل معاها ؟
ازاي بقينا نحب ونتفاعل ونتعاطف ونحزن .... الكترونيا ؟
ازاي ناس بتسيب شغلها وحياتها وتفرغ نفسها علشان تروح تساعد زميل في محنة ..... وهما عمرهم ماشافوه؟
ازاي ناس تترك عملها واسرتها وتروح تتبرع بدمها وجهدها علشان زميل اول مرة يتعاملو معاه ؟
ازاي قلوبنا بتتعصر وتدعي الله بصدق ودموعنا بتذرف حزنا على زميل معظمنا كان اول مرة يسمع اسمه في هذه المحنة ؟
انا كنت دايما شايف ان عيوب النت اكتر كتير من مزاياه
لكن النت اللي كنت بأنتقده ..... طلع وسيلة مؤثرة للتقريب بين نفوس البشر ... طلع وسيلة فعالة لمساعدة الغير .... طلع اداة رهيبة ممكن تساعد على فعل الخير
محمد جمعة كامل على ...... انا مش بس كنت ما شفتهوش قبل كدة ..... انا كنت حتى ما شفتش مشاركات له في المنتدى .... المرة الوحيدة اللي شوفته كانت يوم ما زرته في المستشفى من حوالي 9 ايام
لكنني بكيت عليه كأنه واحد من اهلي ...... لما كنت عنده كنت انا بابكي وهو بيبتسم ويهزر ... كأنه بيضرب المثل في الصبر على البلاء والرضا بقضاء الله
كان نفسي اصلي عليه صلاة الجنازة .... ورتبت اموري على ان اكون هناك قبل العصر وعندما كنت اهم بالانطلاق تلقيت مكالمة من زميلنا العزيز هشام رمضان يخبرني باهم انهو اجراءات المستشفى بأسرع من المتوقع وصلو عليه الساعة الثانية والنصف وانطلقو سريعا لكي يذهبو به الى حيث سيدفن في المنيا ..... كان نفسي اكون معاهم في الصلاة والدفن .... هذا ابسط حقوقه على كأنسان وكمسلم وكزميل .... قدر الله وماشاء فعل
رحمة الله عليك يا محمد ...... اللهم اجعل الليلة هي اسعد لياليه وانقله من ضيق اللحود الى جنات الخلود يا رحيم يا ودود

لكن يا جماعة فعلا ...... ده مبقاش منتدي .... ده بقى بيت ..... اسرة .....قرية صغيرة ..... انا حاسس بيه كدة
وحاسس ان الناس اللي فيه دول زي اهلي ...... لو حد من زمايلي زعلان باكون زعلان لزعله .... وبافرح لفرحه
الزميلات الاعزاء باحس انهم اخواتي الصغيرات .... لو حد اتعرضلهم باي مضايقة ح اتخانق معاه .... كأنهن قرايبي او جيراني
هوا لسة فيه كدة في الزمن ده ؟؟ لسة فيه حب ومودة بدون اي مصالح ولا اغراض ولا استفادة ؟
والله تذكرت احاديث الحب في الله
عن ابي هريرة رضي الله عنه :قال قال رسول الله صلى الله عهليه وسلم "ان الله يقول يوم القيامة: اين المتحابون بجلالي اليوم اظلهم في ظلي لا ظل الا ظلي"
عن معاذ بن جبل رضي الله عنه قال : سمعت رسول الله صلى الله عليه وسلم يقول": قال الله عز وجل: المتحابون في جلالي لهم منابر من نور يغبطهم النبيون و الشهداء
موضوع محمد جمعة الله يرحمه اثار في نفسي تساؤلات كتير عن هذا المنتدى ....... مش لاقيلها اجابة

اخى الفاضل استاذ احمد
اعتذر لضيق الوقت عند صلاه الجنازه اعتذر لافتقادى صحبتك فى وقت احتياجنا الشديد لها مما لمسته من خلال مكالماتك الكثيره بعد خبر الوفاه وكذلك اصرارك على التواجد ولكنى سأقول لك شيئا كان هناك احد الاخوه الافاضل من المنتدى موجودا بصلاه الجنازه التى أمها والده -اعانه الله- ولم اعرف انه من المنتدى الا حينما انتهت صلاه الجنازه واستقليت تاكسى لذهابى مره اخرى للعمل ورأيت استيكر المنتدى على سيارته -فوق كوبرى الجامعه- واشرت له ان يفتح زجاج سيارته وسألته ان كان بالجنازه فاجاب بالايجاب فقلت له اننى اخذت عنوان البلد من والده وساقوم بوضعه الان بالمنتدى حتى لانبخس من يريد الذهاب لتقديم واجب العزاء حقه والح على واصر اصرارا شديدا ان انزل من التاكسى واستقل سيارته فرفضت لصعوبه عمل ذلك لتواجدنا على الكوبرى - اسرد لك هذا الموقف عله يكون اجابه عن سؤالك فهذا الاخ الكريم ذهب للمستشفى للوقوف مع اسره لم يعرفها وقابل شخص لم يعرفه -انا- وعرض عليه الركوب معه وهو لايعرف اسمه حتى.
اوليس لنا ان نفخر اننا ننتمى الى بلد صغير واحد اسمه - نايل موتورز؟؟
خلال معايشتى محنه اخونا محمد منذ معرفتى بها حتى توديعه الوداع الاخير بصلاه الجنازه وحملى جسده الطاهر الواهن تعلمت اشياء كثيره سوف تغير حياتى للافضل وكان افضل الدروس هو (البلد دى بخير مهما حصل فيها وليها)
فابتهج اخى العزيز فلقد ثبت اننا لازلنا نعيش فى بلد الخير مالى قلوب اهلها.