تنبيه هام : رادارات جديدة على طريق 6 اكتوبر بعد ميدان جهينة...

طبعا كل اللي ساكن في اكتوبر شاف تظبيط الطرق اليومين اللي فاتو وتجديد الخطوط البيضاء وتجديد اللافتات ودهان المطبات

المهم التجديد ده له ضريبة للاسف . وانا جاي من ميدان جهينة ومتجه ناحية هايبر والصحراوي على طريق 6 اكتوبر ( امتداد المحور) تم وضع لافتات تحذيرية مكنتش موجودة ابتدأءا من بعد ميدان جهينة

اللافتات عبارة عن ( السرعة مراقبة بالرادار ) ومكنش في رادارات قبل كده
والمشكلة ان السرعة القصوى للملاكي 60 كم/س !!!!!!!!!!!

والله حرام طريق محترم ونظيف زي ده الواحد يمشي في 60 يبقى مش هنقضي مصالحنا لان المسافات كبيرة.
على الاقل يبقى 80 كويس.

فأرجو الانتباه لان الرادارات ده جديدة وانا حاولت القط حاجة وانا ماشي بالعربية ملقتش اي رادار . معرفش حطينهم فين ؟
ياريت اللي يشوف رادار يقولنا على مكانه

وارجو الانتباه وعدم زيادة السرعة عشان المخلفات مبترحمش.

60 :(
دا الواحد ما كان يصدق يعدي ال 3 رادارات ال في الاول عشان يبقى براحته

البلد بقت متطورة ياجماعة وخلو بالكو في رادار كمان هنا http://www.nilemotors.net/Nile/148484-a.html وربنا يستر طريقكوا ياجماعة ان شاء الله....

بارك الله فيك يا باشا....

يادى الارف هى ناقصة..... 60 دى سرعة سلاحف مش عربيات عاوزة تروح اشغالها

النهاردة شفت اليفط و هم كتير الصراحة حوالى 3 او 4 ورا بعض..... و لما قلقت روحت هديت و قلت امشى على 60..... و جربت احساس السلحفة لدرجة انى شلت رجلى من على دواسة البنزين و سبت العربية واخدة سرعة 60 و قلت اريح رجلى شوية :wink: بس مفيش دقيقة لقيت نفسى مش قادر و روحت مزود تانى..... 60 دى مش سرعة مشى حقيقية ابدا