ازاى اعرف ان العربية محتاجة ضبط زوايا ؟؟؟؟ او هل محتاجة ترصيص ولا لأ ..؟ و اكون شاكر للجميع .:satelite:
ازاى اعرف ان العربية محتاجة ضبط زوايا ؟؟؟؟ او هل محتاجة ترصيص ولا لأ ..؟ و اكون شاكر للجميع .:satelite:
متابع, و كمان عندى هزه بسيطه بتظهر مع التسارع ياعنى لما ادوس على العربيه شويه, ممكن تكون قواعد موتور؟!
أهلا بالاخ الفاضل myself
هأقولك على اللي اعرفه , العربية تعرف ان كان فيها زوايا اولا بالنظر على الكاوتش لو لقيت فيه شطف للداخل او الخارج يبقى في مشكلة في زوايا الكامبر تقريبا حسب ما أنا فاكر اللي هي الزوايا اللي بتحدد درجة ميل العجل رأسيا مع الافقي .
أما زوايا الكاستر فهي تظهر لما تكون سايق و على اسفلت سليم و مستوي ( و ده طبعا صعب قوي تلاقيه في مصر ) و تلاقي طارة الدركسيون بتحدف يمين او شمال
أو تسوق و تسيب الطارة من أيديك في حتة عدلة و مسفتلة و مافيهاش مطبات
( أن لاقيت ) و تلاقي العربية بتحود لوحدها يمين أو شمال .
أما الترصيص فيحدث لما تجد رجة أو رعشة في الدركسيون و تكشف على بارات الدركسيون ( الماسورة الحديد الواصلة من السكترا او علبة الدركسيون للعجل ) و تلاقيها سليمة هي و بيض الدركسيون .
كل هذا يجب ان يحدث في حالة توافر شرط هام و هو ان يكون ضغط فردتين الكاوتش الاماميين متساوي و حالتهم متقاربة يعني مش واحدة سليمة و الثانية ممسوحة أو متآكلة .
ممكن باقي الاخوة يضيفوا و يصححوا لكلامي
شكرا جدااا لحضرتك , و على المعلومات المفيدة دى ....
بس انا فى حته مش فاهمها , الى هى (شطف للداخل او الخارج ) يعنى ايه دى ...؟
و شكرا مرة تانية ....
أهلا بك يا أخ myself
الشطف من الداخل أو الخارج يعني تلاقي الحرف الخارجي أو الداخلي للكاوتش متآكل
مشطوف معناها مائل سواء للداخل أو الخارج .
يعني بمعنى آخر تلاقي الدايرة الخارجية أو الداخلية للكاوتش مش مستوية .
ياعنى هتلاقى فى تآكل فى ناحيه واحده من نقشه الكاوتش
او ممسوحه شويه .
طيب انا عندى رعشه خفيفه أوى لما أضرب فرامل ده ممكن يكون من ايه
أشكرك أخى abdelmessih67 على المعلومات القيمه
أهلا بالاخ محمود متولي
حكاية الرعشة عن ضغط الفرامل أنا عمري ما تعرضت ليها لكن دعنا نفكر سويا
المفروض لما بتدوس فرامل ضغط الزيت بيضغط على المساتر اللي بتضغط على تيل الفرامل يقوم يضغط على طنابير العجل و العجل يقف يعني ما فيش علاقة بين الفرامل
و بين الدركسيون سوى من خلال المساتر و التيل و الطنابير .
هأقولك فكرتي و يمكن تكون صح او غلط الله أعلم , ممكن يكون التيل مثلا سطحه مش متساوي يقوم لما تضغط فرامل مش بيطبع كويس مع الطنابير و بالتالي بتحصل رعشة في الطنابير و بالتالي العجل و بالتالي في الدركسيون ؟؟؟؟؟؟؟؟؟
و لو ان المفروض انه مع المشي و ضغط الفرامل بيستوي سطح التيل .
ممكن يكون في عيب في المساتر نفسها أو الطنابير ؟؟؟؟؟؟
ربنا يوفقك و تكتشف المشكلة
الاخوة الافاضل
الموضوع ده مفيد جدا عن الزوايا
http://www.nilemotors.net/Nile/13348-a.html
من اعراض الزوايا هو ان وضع الطارة غير مستوي في المنتصف