السلام عليكم
فيه حد عايز يبيع عربية بردوا كانشيل,ياريت اللى عاوز ييع عربيته او يعرف حد عاوز يبيع عربيته الكانشيل يقول,و ياريت كمان يقول على حالتها عاملة ايه
شكرا
عرض للطباعة
السلام عليكم
فيه حد عايز يبيع عربية بردوا كانشيل,ياريت اللى عاوز ييع عربيته او يعرف حد عاوز يبيع عربيته الكانشيل يقول,و ياريت كمان يقول على حالتها عاملة ايه
شكرا
شوف الحمد لله أنا أشتريت واحدة موديل 2000 اوتوماتيك فول اوبشن.
جرب البحث فى جوجل حتلاقى فى مواقع بيع السيارات المستعملة.وربنا يوفقك.
أختى الكريمة أنا جبتها للمدام ب20ألف. بس خلى بالك إن العربية فيها خبطة فى الكارتيرة الشمال يعنى مش دواخل فبريكة زى الأخوة مابتقول. انا رفعتها فى محطة وأخدت عيوبها كلها.وسألت مهندس المحطة و بعض الخبراء فى هذا المنتدى. العيب ده حيفرق فى إعادة البيع بس و ده بصراحة مش فى نيتى. المهم عندى إن المدام فرحانه بيها جدا خصوصا انها لسه ببتعلم و مش مرتاحة فى قيادة المانوال.العربية أوتوماتيك و فول أوبشن.
الشراء كان من يومين بس ولسه بخلص فى الإجراءات.
بخصوص قطع الغيار أنا دورت كويس على قطع غيارها و لقيتها فى بعض المحلات فى فيصل و مصر الجديدة و الحرفيين طبعا.ومش غالية (حسب الأسعار المكتوبة فى المنتديات). بس هى مش متوفرة بكثرة علشان أبقى صريح بس اللى جابوها قالولى أنها تستاهل و قطع غيارها اليابانى بتستحمل.و ربنا يسير الامور.
هو انا مش عندى العربية برضه؟
عموما دكتور صاحبى كان عنده ماروتى وداخ على كوبلن انه يلاقيه ، محدش يفتكرالماروتى فيات 128
عموما عايزه تشترى ماروتى اشتريها المهم تشترى مش هتفضلى مترددة فترة طويلة
طيب ازاي "اشوف " دي؟
يعني المفروض اعمل ايه؟
بصراحة انا عجباني العربية فعلا لكن عمالين يقولولي حتخبطي العربية في الأول ولازم تجيبي عربية ميكانيكي ( اكيد حيكون تبعهم) يفهم فيها وقطع الغيار تبقى متوفرة و رخيصة
انا تفكيري لو اجيب حاجة غالية شوية في سبيل ما اشترهاش كل يوم يبقى افضل يعني تبقى معمرة مش استهلاكية
وكمان انتم عارفين الدكاترة بقوا من مستحقي الزكاة زي ما نقيبهم قال :L_bhuhhh[1]:فبالتالي مش عاوزة مصاريف كثير في اي خطوة
بنزين قطع ميكانيكي اي حاجة
واللي نصيبي فيه حأخذه
أنا بإذن الله قريبا حعملها سمكرة و دوكو عند العقيد هنا فى المنتدى و حجمع كل معلوماتها و قطع غيارها و أخر أسعارها من الحرفيين. أصلى أساسا أنا من قسم الدايو و بصراحة القسم ده الأعضاء فيه ما شاء الله فى المساعدة وبإذن الله حنساعد بعض أكتر فى هذا القسم قريبا و حننهى موضوع ندرة قطع الغيار لعربية perodua لأن الموضوع كله أننا مش عارفيين الأماكن و الأسعار صح زى ما إتقال لى قبل ما أجيب العربية.
عندى عربية بحالة جيدة اللون احمر بحالة جيدة
متــــــابــــع
أخى باسم النهاردة و أنا عند بتاع الكاوتش لقيتلك عربية كانشل للبيع. كانت واقفة أمام كهربائى فى شارع ترسا بالهرم. أنا ماأعرفش تفاصيل عنها غير أنها لواحد كبير فى السن أسمه الشيخ صالح أشتراها من مدة و لما لقى قطع غيارها فى الحرفيين و قليلة عرضها للبيع(ده كلام الكهربائى) أنا شفتها من بره فقط و هى مانوال و البودى كويس. ده اللى أقدر أقولك عليه. العنوان بالتفصيل لو حبيت تشوفها. أول شارع ترسا من شارع المريوطية. تعدى شارع العمدة و تسأل على مسجد أبو بكر الصديق. حتلاقى المسجد على شارع ترسا بين محل الكاوتش اللى فى الصورة و الكهربائى اللى بقولك عليه على شمال الصورة بس مش باينه. حتلاقيها قدام الكهربائى. و الله الموفق.
http://up.7cc.com/upfiles/RYE70256.jpg