كاستم ولا ريس

**yassermax** · 12-05-2010 12:44 AM

عندي سؤال اتمني انكم تفيدوني انا محتار ما بين كاستم وريس مع العلم اني هسافر بيه كتير انا اللي اعرفه ان الريس موتور اقوي بس الكاستم اريح في المشاوير الطويله اريد منكم النصيحه والافاده عن قوة التحمل والراحه والمتعه في نفس الوقت وايه رأيكم في موتسيكلات الشرطه اللي هي نصها كاستم ونصها ريس دي وهل متوفره ؟

**mahgary** · 12-05-2010 06:27 PM

الكاستم ده راى الشخصى فى السفر

**just_Welah** · 12-05-2010 07:25 PM

المشاركة الأصلية كتبت بواسطة mahgary

الكاستم ده راى الشخصى فى السفر

انا بايدك في دي الكاستم عامل زي كرسي العرش وانت ماشي علي طريق السفر
الريس موتو سبورت
لو جسمك كويس وبتلعب رياضه مش هيتعبك في المسافات الطويله بس لو هتركب حاجه عاليه مش هيبقي في مسافات طويله اصلا

انا سوقت الكاستم برستيج بس لازم بصراحه ماتور عالي فيه وديه وجهات نظر بس مش عايز حاجه شكل بس لا لازم تبقي فوق ال 1000 سي سي لان سرعته قليله مش عاليه اعلي كاستم بيمشي 250 كيلو بس بيستحمل بشكل رهيب ثانيا موعمر جامد من ناحيه قطع الغيار والكفائه

الريس بقه .. ده ادمان انسيابيه سرعه شياكه شبابي انا مش رياضي اوي بس شويه كمال اجسام كده شهر وشهر الصراحه وكنت بقعد علي كرسي الريس اكتر مكنت بنام ولا اشتكيت ولا قولت ضهري ولا حاجه قطع غيار الريس اغلي من اغلب الكاستم ومش بتعيش زيه استهلاكه للبنزيم بسيط ممونتش لكاستم قبل كده بس الريس 14 لتر بيمشوني اسبوع تقريبا
اه مسافرتش بس ده عشان الريس اللي كان معايا كنت اخاف ارجع شايله لو خرجت بره اسكندريه .. كان بعافيه شويتين
نصيحه بقي لو هتشتري مش دايما الرخيص بيوفر اتعلم من اخطاء اللي قبلك ومتقعش وقعتي جيب النضيف مش الرخيص

**أحمد كمال** · 12-05-2010 08:52 PM

هتسافر يبقى كستم ....... هتروشن شويتين تلاتة كل فترة يبقى ريس

**kasten** · 12-05-2010 10:43 PM

ريــــــــــــــس

**otefa** · 12-05-2010 11:05 PM

لو هاتسافر بيه 120 كيلو ومافيش رادار علي الطريق يبقي لو انا في مكانك هاختار الريس 600 وانت طالع لأنك ببساطة لو مشيت علي 160 هاتاخد السكة في حوالي 40 دقيقة علي نفس واحد.........صحيح الكاستم مريح في قاعدته عموما بس انسيابيته ضعيفة مش هاتستحمل تجري بيه فترة طويلةعلشان ضغط الهواء علي جسمك في الطرق المفتوحة بيبقي جامد ........انا عندي اقتراح يجمع بين ال2 وهو الاسبورت تاورينج اريح من الريسينج المتعارف عليه ورياضي واسرع عن الكاستم يعني في النص
حاجة زي كدة

**otefa** · 12-05-2010 11:16 PM

الياماها الي في الصورة فوق اقرب حاجة للشرطة

وفيه كمان الوحش الكاسر المشهور

سوزوكي هايابوسا.........اداء وثبات رهيب+ووسط بين الكاستم والريسينج.

بس ده طبعا لازم يكون عندك خبرة جامدة في الركوب.

**yassermax** · 13-05-2010 03:29 AM

اولا شكرا علي المتابعه والردود تسلم اديكم ,, طيب والاسبورت تاورينج و سوزوكي هايابوسا دول ممكن الاقيهم فين وفي حدود كام اسعارهم وانا قدامي سوزوكى انزوما 750 سى سى هي هو ممكن يندرج تحت البند اللي حضراتكم بتقولوا عليه وسط بين الريس والكاستم ؟؟ وبالنسبه لأغلب المشاوير هاتكون داخل القاهره بس ممكن يكون فيه سفر كل اسبوع حوالي من 100 كيلو الي 200 كيلو ذهاب فقط

**QaTaR** · 13-05-2010 04:02 AM

الكاستم مش زي الناس ما بتقول مريح

لا بعد ال 120 بجد بتحس بضغط الهوا عليك
لاكن بالريس مش بتحس لانك بتميل بجسم لقدام بس عبها الم في الضهر
انت علاجك الوحيد وسعره كويس جدا cb 400
موديل من 95 ل 98 وده بيعمل من 15 ل 20 الف
اعمل سيرش عليه وحيعجبك

بالنسبه للسبورت تاورنج والهيبوزا ال حاطتهم otefa
فا اسعارهم ما بين ال 50 الف و ال 80 تقريبا يوزد كمان
ويمكن اقل على حسب الحاله يعني ده مش سعر اكيد

والانزوما الي تقصد عليه المعروض في مصراوي
ده بايك زي ما صحبها كاتب
موتوسيكل مناوراااات