مكان المقابلة الثانية للاسرة نيسان والدعوة عامة لكل الاقسام

**Ahmed.TV** · 12-05-2010 01:22 AM

مقدمة

بعد نجاح المقابلة الاولى , بنكمل روح الود والتواصل بينا فى عمل يوم كامل نقضيه مع بعض , لان كان اللى زعلنا المرة اللى فاتت ان الوقت كان قصير واحنا كلنا كنا حابين نقعد مع بعض اكبر وقت ممكن
المرة دى باذن الله حيكون يوم كامل من الصبح لغاية المغرب على الاقل عشان نستمع بقضاء يوم جميل وسط صحبة مع ناس متميزة فى الاخلاق والاحترام , اللى بعتز بصداقتهم جدا وبعتبرهم اخوانى بجد , واتمنى انى التقى بيهم تانى واتمنى كمان اتعرف ونتعرف على ناس اكتر ,واللى مقدرش يجى المرة اللى فاتت يجى المرة الجاية باذن الله واسرة نيسان تكبر وتزيد باذن الله

مكان المقابة الجديد

قرية الشموسة بفايد

ده لينك القرية وفيه صور عنها عشان تتفرجوا عليها وتقولولى رايكم ,ويارب تعجبكم

www.shamousa.com

تقع قرية شموسه على الطريق الساحلي لقناة السويس بمدينه فايد وتبعد عن مدينة القاهرة قرابة 60 دقيقه وعن مدينة الإسماعيلية 20 دقيقه وعن مدينه السويس 30 دقيقه وتطل على البحيرات المرة مباشرة

وهى قرية سياحية على مستوى كبير وعالى من النظافة والجمال والهدوء , وعلى فكرة فريق الاسماعيلى عمل فيها فترة اعداد قبل كدا

دخول الفرد فيها ب90 جنية شامل وجبة غذاء +مشروب

والحمد لله قدرت احصل على خصم كمان فحتكون ب81 جنية بس المهم العدد يكون اكبر من 25 فرد

والوجبة عبارة عن

فرخة او سمك او لحمة مع رز او مكرونة مع سلاطة مع مشروب
ولما سالت على الفراخ قد ايه ربع او نص فرخة قالولى نص فرخة , والوجبة مشبعة جدا

ما تتمتع بيه مجانا مع تذكرة الدخول

= فيها اربع حمامات سباحة ,2 اطفال و2 كبار ,
= ملاعب كرة قدم 3 ملاعب واحد رئيسى و2 فرعى
= شاطى متميز وفيه جزر فى المياه شكلها ظريف
= فيها سينما مفتوحة لعرض المباريات والافلام وجميع القنوات العربية
= شاطئ مفتوح

ما تتمتع بيه مقابل دفع اجر استخدم هذه الخدمات وليس مجانا

=القرية بها ( نت كافيه ) لاستخدام الانترنت وأيضا أجهزة بلاى ستشن والعاب ترفيهية
= فيها وسائل الترفيه (صالة تنس طاوله – صالة بلياردو – كافتيريا فيها شيش – بدالات مائية)

اتمنى ان المكان يعجبكم ,

بالنسبة الى المواعيد التواريخ اخترتها بعيدة عشان تكون مناسبة للكل ونراعى ان الناس تكون خلصت امتحانات ويكون كمان معاد مناسب للناس بردوااللى بتسافر فى الصيف عشان نضمن عدد كبير من الحضور

بالنسبة الى مكان التجمع حيكون فى طريق مصر اسماعيلية , عند سوق العبور ,الساعة 8:30 الصبح , عشان المكان ده يكون مناسب بالنسبة للناس اللى جيه من طريق اسكندرية زراعى ونازلة من الدائرى , عشان نتجمع كلنا هناك وننتطلق مع بعض فى وقت واحد

**amir** · 12-05-2010 01:38 AM

و الله تمام
القريه شكلها حلو قويييييييي
بجد تحفه
انا مش هصوت دلوقتي علشان الميعادين مناسبين ليا
بس اكيد ان شاء الله هاجي

**Ahmed.TV** · 12-05-2010 01:43 AM

المشاركة الأصلية كتبت بواسطة amir

و الله تمام
القريه شكلها حلو قويييييييي
بجد تحفه
انا مش هصوت دلوقتي علشان الميعادين مناسبين ليا
بس اكيد ان شاء الله هاجي

حبيبى يا امير حتنورنا يا فندم اكيد , والحمد لله ان المكان عجبك , وان شاء الله يعجب باقى الاعضاء

**Ahmed.TV** · 12-05-2010 02:05 AM

المشاركة الأصلية كتبت بواسطة eng:mohamed

الله الله الله الله..هو ده الكلام ولا بلاش....
والله يا أستاذ أحمد زى الفل....زى الفل و عشره على عشره..
المواعيد مناسبه تمام..
حيكون أجازه و الواحد باله رايق..
وحمامات سباحه...
والله الواحد لو كان متجوز..كان جاب الأسره والأولاد..(أفكر في مصلحتي حاليا وبس)
زي الفل يا ريس..
لو نعمم الدعوه..و نعمل لينك للموضوع فى الأجتماعي كمان..
عشان الحلوين كلهم ييجوا...
انا ان شاء الله موجود بإذن الله..
ووححاول اشوف لو حد من نطاق الأصحاب يحب ييجي كمان ده بعد إذنكم طبعا...

هو المكان على الطبيعة كمان اكثر من رائع , ويارب يعجب باقى الناس , والواحد نفسه يقضى يوم كامل معاكم
وبالنسبة للدعوة فهى دعوة عامة اكيد للناس كلها من كل الاقسام و ينورنا وفوق راسنا
وكمان بردوا اى حد من طرفك يا محمد باشا ينورنا ,واكيد حيكون شخصية محترمة مثلك

**Ahmed.TV** · 12-05-2010 02:25 AM

المشاركة الأصلية كتبت بواسطة eng:mohamed

الله يخليك ..أمال انت و حبك لمعرفة الناس ده يبقى ايه..وتجميعهم كمان..

والله انا بكون سعيد جدا جدا جدا..لما الناس اللي بعرفهم من خلال المنتدى تيجى الفرصه اني أشوفهم والله..

و حضرتك بالذات ..عشان كده انا محستش بأي تعب أو مشقه لما جيت من المحله للقاهره..و كأن اليوم كان زي النسمه الخفيفه

[overline] [/overline][overline]
[overline] [/overline][overline][/overline][overline]
الله يخليك انت ليك معزة كبيرة عندى وانت عارف , وباذن الله المرة دى نعرف نقعد مع بعض اكتر ,
وفعلا الواحد بيكون فرحان جدا لما بيتجمع مع شخصيات محترمة زيكم ويكون وسطيهم , وهو ده اللى بيخلينى افكر دايما فى فكرة التجمع مع بعض , عشان نتعرف على بعض اكتر , ويكون بينا حوارات ممتعة فى مجال الحياة والسيارات , وطبعا الاهم عشان نكون اسرة واحدة مع بعض ويكون بينا صداقة داخل المنتدى وخارجه

والواحد حيكون سعيد اكتر بحضور الناس اللى مقدرتش تيجى كمان المرة اللى فاتت , باذن الله يكونوا معانا المرة الجاية , ونكون مجموعة كبيرة مع بعض وصحبة جميلة

وباذن الله تيجى وتنورنا انت واصدقائك , لان اهل المحلة دول ناس جدعان جدا ونتشرف بيكم بجد وتيجى بالسلامة ,

وكمان يارب يكون مكان التجمع مناسب للكل , هو عند مدخل مدينة العبور بعد النفق , عشان ننتطلق مع بعض وقتها فى جروب كبير

واللى مش حيقدر يجى بسيارته , حنتفق معاه على مكان نخده منه ويكون معانا بردوا
[/overline][/overline]

**Ahmed.TV** · 12-05-2010 12:07 PM

المشاركة الأصلية كتبت بواسطة mohali1666

الله ينور عليك يا ابو حميد بجد اختيار موفق جدا وهايل فعلا وبصراحه انا ان شاء الله هاجى واجيب كمان اسرتى معايا لان القرية ده انا رحتها مرتين قبل كده وكمان الاقامة فيها جميلة جدا وبصراحة المكان والاكل كان فوق الممتاز واختيار عشرة على عشرة والى الامام دائما

الله يخليك يا محمد باشا , هو فعلا مكان جميل جدا والخدمة فيه ممتازة , والمكان رائع , ويارب يعجب باقى الاعضاء

بس متنساش التصويت للمعاد اللى يناسبك

وبالنسبة لللاسرة بجد انت حتشجعنى ان انا كمان اجيب الاسرة معايا , ويبقا يوم جميل

ويارب كمان استاذ خالد سبعاوى يجى معانا وينورنا , زى المرة اللى فاتت ,وكل الناس اللى جت المرة اللى فاتت تيجى معانا وتنورنا تانى , والناس اللى محلفهمش الحظ ومجوش يجوا وينورونا المرة دى

**Ali_Abo_Amr** · 12-05-2010 12:24 PM

الله ينور عليك يابوحميد انا فعلا نفسى اروح مكان فيه مناظر طبيعية والاولاد كمان ...انت حتشجعنى انا كمان اجيب الاسرة معايا... و فعلا عايز اشوفكم تانى والله ...

-

-

مشاهدة نتائج الإستطلاع: صوت للموعد المناسب لك

الموضوع: مكان المقابلة الثانية للاسرة نيسان والدعوة عامة لكل الاقسام

LinkBack

أدوات الموضوع

عرض

مكان المقابلة الثانية للاسرة نيسان والدعوة عامة لكل الاقسام - انشر الموضوع فى :

-

-

-

-

-

المواضيع المتشابهه

مقابلة كيا التالثة والدعوة عامة لجميع الاقسام ..... الرحاب 9 يوليو

المقابلة الثانية لعشاق ال frv....

تغطية اول مقابلة للاسرة نيسان فى 30/4 /2010بالصور

استفتاء على مكان المقابلة الثانية لملاك الدايهاتسو

الكلمات الدلالية لهذا الموضوع

المفضلات

المفضلات

ضوابط المشاركة