سؤال الي مالكي اللانسر عن صياتة ال40 الف

كنت عايز اعرف ايه اقرب مركز صيانة من الهرم يكون محترم و ايه اللي بيتم مع العلم ان العربية مكتومة جدا هي 1300 اوتوماتيك موديل 2004 والتكلفة كمان ياريت يا جماعة ضروري

:cool::cool::cool::cool::confused: ؟؟؟

يا باشموهندس طارق انت نستني ؟؟؟؟؟؟؟؟

معلش يا استاذ احمد انا والله بس كنت باجمع المعلومات
شوف يا سيدي

اقرب مركز للهرم
انا طبعا هاتكلم عن المراكز التابعة للشركة والمعتمدة
يبقى من الهرم يا اما مركز الرواس اللي في العجوزة على النيل بجوار كوبري 15 مايو وبالظبط فوق النفق

او ممكن من الدائري تكون عندنا في قليوب بسرعة في مركز الخدمة الرئيسي الكيلو 16 عند كوبري قليوب بس لو جاي قليوب بلغني قبلها علشان نرتب الحجز

هي صيانة الأربعين صيانة تقيلة ومكلفة شوية (يعني صيانة العشرة والعشرين والتلاتين بسيطة نسبيا ) انما صيانة الاربعين تقيلة ويليها صيانة الثمانين اللي بيتم فيها بالاضافة لشغل الأربعين تغيير سير الكاتينة.

في موضوع (أسعار الصيانات في التوكيل وأعمال كل صيانة )المثبت :

http://www.nilemotors.net/Nile/showthread.php?t=5523

هتلاحظ ان حاجات كتير بتتغير كل 40 ألف
عموما الأسعار كالتالي :
الصيانة نفسها : 100 ج ميكانيكا + 20 ج كهرباء
زيت موبيل 1 + فلتر 270 جنيه (ممكن تجيب الزيت معاك لو عايز شل أو غيره)
بوجيهات 100 ج
فلتر بنزين 440 ج (موديل البومه فلتر البنزين داخل التنك تحت الكنبه الخلفية وغالي)
فلتر هواء 135 ج
تيل أمامي (لو العربية محتاجه 330 ج)
زيت أوتوماتيك (لأن عربيتك أوتوماتيك) 300 ج
كل ده + 10 % ض.م.
يعنى حوالي 1850 ج وباذن الله نعمل خصم
طبعا بيتم ظبط الموتور فموضوع ان العربية مكتومة دع بيتحل
هو المبلغ كبير شوية انما هو كل 40 ألف وضروري للمحافظة على العربية
مع تحياتي

الف شكر يا باشموهندس طارق وانا لو هاجي قليوب ان شاء الله هكلم حضرتك علي الخاص علشان نتفق