كيفية الكشف على الموتوسيكل قبل قيادته دوريا

طبعا انا زي ما قلت معلوماتي في الموتوسيكل في الباي باي

عايز اعرف الكشف الدوري اللي صاحب الموتوسيكل يعمله ايه و ازاي

يعني ازاي اقيس زيت الموتور؟ و زيت الفرامل؟ و سائل التبريد (لو كان تبريد سائل مش هوا) ..... الخ؟

و ايه تاني محتاج يتراجع و يتبص عليه قبل ما اتحرك

و ايه تاني لازم دوريا اروح اغيره (زي الزيت مثلا) عند ميكانيكي؟

هو إنت جبت موتوسيكل ولا لسه ؟

اقتباس:

---

المشاركة الأصلية كتبت بواسطة evo

هو إنت جبت موتوسيكل ولا لسه ؟

---

كنت داخل أسأل نفس السؤال..............بس أيفو سبقنى

اقتباس:

---

المشاركة الأصلية كتبت بواسطة evo

هو إنت جبت موتوسيكل ولا لسه ؟

---

اقتباس:

---

المشاركة الأصلية كتبت بواسطة ahmed a.maksoud

كنت داخل أسأل نفس السؤال..............بس أيفو سبقنى

---

خلاص كلها اسبوع بالكتير و اخلص فيه ..... مستني بس اظبط الرخصة الأول

طب نويت على ايه انشاء الله

ريس ولا كاستم بانواعه ولا تريلا ولا ايه بالضبط

كاستم

هوندا شادو 750

اقتباس:

---

المشاركة الأصلية كتبت بواسطة أحمد كمال

مستني بس اظبط الرخصة الأول

---

ممكن أسألك على موضوع تظبيط الرخصة ده؟...

هل هتمتحن... ولا كوسة؟؟ و لو كوسة... الدنيا أخبارها ايه؟؟ (بكام يعني) - عشان أنا سمعت أسعار كتير... و فتاوي أكتر....

اقتباس:

---

المشاركة الأصلية كتبت بواسطة m!na

ممكن أسألك على موضوع تظبيط الرخصة ده؟...

هل هتمتحن... ولا كوسة؟؟ و لو كوسة... الدنيا أخبارها ايه؟؟ (بكام يعني) - عشان أنا سمعت أسعار كتير... و فتاوي أكتر....

---

عايز اكوس

لسبب بسيط

انا عايز اتعلم

و مش هاعرف اتعلم الا اما اشتري موتوسيكل لان مفيش مدارس للموتوسيكل !!!

و عشان اتعلم هاشتري الموتوسيكل و اسوقه في شوارع او ساحات انتظار فاضية

بس طبعا ممكن يوقفوني في اشارة او في اي مكان و يقولوا لي رخصك

و مش عايز وش

-------------------------

انا ماشي في كذا سكة للكوسة لما اوصل لحاجة هاقول لك ان شاء الله

متابع...... أنا عاوز أطلع رخصة و معنديش موتوسيكل

هو أنا فيه واحد أعرفه... كان عمال يقوللي 600 و أعملهالك و مش هتمتحن أصلا.... هتتصور بس... طبعا أنا نفضت للحوار...

بعدها بفترة... رجع يقول ب500...

شوية... و باقت 450...

أنا بصراحة نفسي قفلت.... عشان مش بحب أحس أني زبون...

و قررت أروح أمتحن عشان كدا كدا مش مستعجل عالرخصة...

المهم.. سمعت على حوار كدا....

أنك من الآخر يعني... لو رحت المرور بموتوسيكل ريس أو كاستم أو أي حاجة شكلها غالي... هتدفع كتير عشان أمورك تمشي...

لكن لو رحت بحاجة صيني... الدنيا هتبقا في الرخيص أوي...

و طبعا الله أعلم في الآخر... الكلام ده كله سمعته بس...

نرجع لموضوعنا

ايه بقى الصيانات و المراجعات الدورية اللي لازم اعملها؟

اقتباس:

---

المشاركة الأصلية كتبت بواسطة phantom0xx0

متابع...... أنا عاوز أطلع رخصة و معنديش موتوسيكل

---

في المرور في ناس بتاجر بايك

اقتباس:

---

المشاركة الأصلية كتبت بواسطة qatar

في المرور في ناس بتاجر بايك

---

انا لما رحت فى المرور مكنش فيه حد بياجر..انا من اسكندريه
..واتمنى صاحب الموضوع ميزعلش من الرد انا بس عايز اوضح...

اقتباس:

---

المشاركة الأصلية كتبت بواسطة hassan_gost

انا لما رحت فى المرور مكنش فيه حد بياجر..انا من اسكندريه
..واتمنى صاحب الموضوع ميزعلش من الرد انا بس عايز اوضح...

---

محرم بيك بس اللي فيها تاجير مكن للاختبار
طوسون برده عندنا مفهاش بس ان لو خدت اي حد بتاع دلفري قولتلوا 50 جنيه واختبر بمكنتك
مش هيقول لاء
اهم حاجه يكون معاك ورق المكنه لو افراج لازم ميكونش عدي عليها شهرين يا اما ممكن يرزل عليك ويقولك رخصها الاول
لو مكنه مترخصه يبقي هي الرخصه وشكرا
بس انا معييش رخصه عشان كده كده اما كان معايا مكنه كنت بطلع من 12 ل 5 الصبح
غير كده كنت اخد مواصلات احسن محرق دمي
وفي الشغل مفيش مكان قريب اركنها فيه فهبقي قلقان

ايوه انا عملتها فى محرم بيك..ومكنش فيه..واحد بس اين حلال هو الى ادانى المكنه كان جاى مع واحد بيعمل رخصه برضه

أولا مفيش امتحنت في طوسون كله في محرم بيك
تاني حاجة لازم تتكوس ليه علشان الامتحان صعب كيك واحد داخل معاه موتوسيكل صيني وعملها كذا مرة بس ساعة الامتحان بيبقه فيه قلق فـبـ تلغباط
أنا لسة بركب ولسة طلع قالي تعالى
قلت قشطة راح ايلي ساقط
لولا كان معايا واحد واسطة زبتني وعطيته 200 جنيه وكان مبسوط طحن
أما موضوع الكشف
فيال زيت عندك في الجادون )حلوة جادون ده)
اهم حاجة الكاوتش لازم قبل ماتطلع كل مرة تبص عليه
علشان لو كان فيه مسمار ماحسيتش بيه حتكون الفردة نايمة
وح تفرق معاك في الماشي جدا لأن لو الفردة اللي ورا نيمى مش حتعرف تتحكم في الموتوسيكل نهائي
ولازم تسخنه كل فترة علشان البطارية ماتنمش
أما الكتينا فلو فكيت العجلة لازم تمشي بالراحة لحد ماتوديها لحد متخصص علشان يشوف مشددة كويس ولا لأ
هي على العموم المفروض ماتباش مشده على الاخر
زي سير التقسيمة كده

كان في سؤال عايز اجابته يعتبر برضو تبع الصيانة لو انتا ماشي بالبايك وعجله نامت بتعمل ايه؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة osama mahmoud

كان في سؤال عايز اجابته يعتبر برضو تبع الصيانة لو انتا ماشي بالبايك وعجله نامت بتعمل ايه؟؟؟؟؟؟؟؟؟؟؟؟؟؟؟

---

شوف الموضوع هتلاقي الاجابة صفحة 27
http://www.nilemotors.net/Nile/125800-msf-27.html

اقتباس:

---

المشاركة الأصلية كتبت بواسطة otefa

شوف الموضوع هتلاقي الاجابة صفحة 27
http://www.nilemotors.net/Nile/125800-msf-27.html

---

لا لا حضرتك فهمتني غلط او انا اللي مسألأتش صح
انا قصدي بعد ما الكاوتش نام هاتعمل ايه هاتكمل مشوارك ازاي(مفيش استبن:shine[1]:)

بس الموضوع ممتاز :satelite:
انا معنديش بايك بس استفدت منه

اقتباس:

---

المشاركة الأصلية كتبت بواسطة otefa

شوف الموضوع هتلاقي الاجابة صفحة 27
http://www.nilemotors.net/nile/125800-msf-27.html

---

اقتباس:

---

المشاركة الأصلية كتبت بواسطة osama mahmoud

لا لا حضرتك فهمتني غلط او انا اللي مسألأتش صح
انا قصدي بعد ما الكاوتش نام هاتعمل ايه هاتكمل مشوارك ازاي(مفيش استبن:shine[1]:)

---

????????????????????????

وانا حاسس ان احنا خدنا الموضوع بعيد الحاجات اللي كان ا/احمد كمال عايز يعرفها يا ريت حضرتك تجاوب عليه

?????????????????????????

اقتباس:

---

المشاركة الأصلية كتبت بواسطة osama mahmoud

????????????????????????

وانا حاسس ان احنا خدنا الموضوع بعيد الحاجات اللي كان ا/احمد كمال عايز يعرفها يا ريت حضرتك تجاوب عليه

---

انا مش متاخر في حاجة كل الموضوع اني قايل لاحمد كمال علي الموضوع الي تقريبا مجمعين فيه النقط الي بيسأل عليها.......فلو فيه حاجة معينة تحتاج تفسير مافيش مشكلة نتكلم فيها وبصفة عامة مابتختلفش كتير صيانة الدراجات النارية عن العربيات غير في نقاط اضافية مكتوبة في الموضوع
ابتداء من صفحة 11
http://www.nilemotors.net/Nile/125800-msf-11.html

موضوع مهم جدا