حد يا جماعة اشترى من موفع شركة ديل حاجة ؟ طب الجمارك نظامها ايه على الاب توب ؟ هياخد وقت قد ايه ؟
Laptops, Desktop Computers, Monitors, Printers & PC Accessories | Dell
عرض للطباعة
حد يا جماعة اشترى من موفع شركة ديل حاجة ؟ طب الجمارك نظامها ايه على الاب توب ؟ هياخد وقت قد ايه ؟
Laptops, Desktop Computers, Monitors, Printers & PC Accessories | Dell
لو كده كده حتشنري من النت فمواقع البيع والمزايدات الأخرى تعرض نفس السلع بأسعار أقل بدرجة ملحوظة...الميزة فقط في مواقع الشركات إنك تستطيع تحديد المواصفات بصورة كاملة
ما أنا مش عارف أشتري من e-bay و لا من amazone
لو عارف ازاي ياريت تقولي
ebay ساعات بيشترطوا الباي بال...الأمازون كويس جدا طبعا وموثوق فيه..وعموما الباشمهندس أحمد كمال خبرة أكثر في الموضوع ده ممكن تبعتله وهو يفيدك إن شاء الله
معظم من قرأت لهم فى المنتدى اشتروا و شحنوا عبر الاشتراك فى ارامكس الذى يعطيك عنوان فى امريكا و انجلترا لتكتبه عند الشراء
dhl عندها ايضا نفس الخدمة و اتصلت بهم ووجدتهم اغلى من ارامكس بحوالى 50 جنيه فى الكيلو و لكن ميزتهم ان حاجتك تصل فى خلال 3 ايام
انا نفسى اشترى و اشحن دايركت من ديل بس برضه منتظر خبرة واحد عمل الحكاية دى
عموما انا متابع معاك :)
ممكن تقولنا ازاي موضوع ارامكس و دي اتش ال ده ؟اقتباس:
المشاركة الأصلية كتبت بواسطة mtak
احنا بانتظار حد عارف ازاي نشتري من مواقع النت
باختصار بتشترك فى ارامكس او dhl
و تدفع الاشتراك مرة واحدة فقط و هو حوالى 200 جنيه فى ارامكس
و 150 فى dhl
و لما بتشترى حاجه من على النت بتكتب العنوان اللى مدينهولك فبكده اكنك بتشترى و تشحن داخل امريكا
و بعد كده بيجبولك الحاجه و يحاسبوك على الشحن عن طريق الوزن
اول نصف كيلو بكذا و بعد كده كل نصف بكذا
و لو فى مصاريف اخرى زى جمارك مثلا بيدفعوها و يحاسبوك بعد كده
--
تلك المعلومات ليست عن تجربة شخصيه و لكنها نتيجة السؤال فى الاثنين و طبعا برضه نتيجه كلام الاعضاء
بس معظم الناس تعاملوا مع ارامكس
--
شخصيا لو ناوى اشترك
هاشترك فى dhl مع انها اغلى فى الشحن بس مش اوى و تتفوق فى ميزة الوقت
طيب حضرتك ماهما ليهم فرع في مصر او وكيل بمعني اصح و الموقع اهو
questeg.com
الجمارك 10% + مصاريف الشحن زي مالأخ MTAK وضح
انا معايا زميلي في الشغل تقريبا كل اسبوع بيجيب حاجه من علي امازون
طيب عشان نشترك في اي واحدة فيهم نكلم مين و لا نروح فين ؟اقتباس:
المشاركة الأصلية كتبت بواسطة mtak
طب بخصوص الجمارك .. اللاب توب ممكن يتفتح ويتبهدل في الجمارك؟ وهل فيه ضمان لوصوله سليم بعيداً عن العبث؟
أنا سمعت عن موقع www.viaddress.com/ اللي بيديك عنوان أمريكي تشحن عليه عشان تقدر
تشتري من المواقع اللي زي Amazon و ebay و Dell وبرضو بيشحن عن طريق DHL و Fedex و UPS و USPS
الميزة فيه انك مش هتحتاج تدفع اشتراك في آرامكس أو دي اتش إال وكمان التسجيل في الموقع مجاني
يا ريت أكون أفدتك
حضرتك العنوان بتاع ال dhl بيتجلب ببلش من موقع Borderlinx - create your own US and UK address and shop online! هيديك عنوان فى امريكا و انجلترا
بس انا لما جيت ادخل العنوان كان كله تمام ماعدا التليفون
قالولى انهم هيتصلوا بيا عشان يتأكدوا بنفسهم منى عشان كدة معرفتش اكمل التسجيل
انا كنت اشتريت لاب توب ديل xps من الموقع من حوالى شهر ونص او اكتر شوية
المهم فيه حاجات لازم حضرتك تاخد بالك منها :
اولا ان الموقع مش بيقبل غير اوردرات من الفيزا امريكى ومش بيشحن غير لامريكا بس .... يعنى حضرتك لازم تبقى عارف حد فى امريكا هو اللى يشتريلك بالفيزا بتاعته ويشحنها على عنوان فى امريكا
ثانيا: لو ربنا وفقك وحد اشترالك .... فيه نوعين من الابتوب فى الموقع ... الريدى يعنى تشترى ويشحن على طول ... وفيه الكستميز ... وده بياخد حوالى 14 يوم عمل علشان يخرج من شركة ديل ويروح لشركة الشحن
ثالثا: علشان يتشحن لعنوانك اللى فى امريكا (تبع شركة dhl او aramex ) هتحتاج ان صاحبك الامريكى اللى اشترالك يكلمهم يديهم الكونفيرماشن انه يعرف العنوان ده ( لانه كده بيشحن لعنوان غير اللى فى الفيزا اللى حصلت بيها عملية الشراء ولازم تصريح من صاحب الفيزا)
رابعا: خللى بالك ان فيه حوالى 8-8.5% ضريبة فى الولايات المتحدة نفسها ... وفيه ولايات مفيهاش ضريبة
خامسا: انا هتكلم على ارارمكس علشان هيا ده اللى انا شحنت بيها لمصر .... هيا بتحاسب على اول نص كيلو ب 65 جنيه وبعدين اى نص كيلو بعد كده ب 48 جنيه .... مفيش جمارك على الاب توب فى مصر ... هيا 10% ضريبة مبيعات بس وتمن الشحن لمصر اللى هتاخده منك شركة الشحن
الخلاصة: عن نفسى اللاب توب الحمد لله اللى جبته من ديل فوق الممتاز واقل من تمنه بكتير فى مصر (هو اصلا مش بينزل مصر) .... بس لو انصحك لو فيه امكانية ان حد ينزلك باللاب من امريكا هتوفر كتير جداا وهتحس بالتوفير ... غير كده الموضوع معقد شوية وهيكون تكلفته قريبة من سعرها هنا فى مصر الا لو انت بتجيب حاجة مش بتنزل هنا اصلا
بالتوفيق ان شاء الله
طب يا جماعة لو سمحتوا تقولوا ازاى نشترى من برة بالخطوات بظبط من غير ادفعلى
لو سمحتاقتباس:
المشاركة الأصلية كتبت بواسطة mr_7oda
هل ممكن تقارن السعر اللى حضرتك دفعته (الاجمالى) مع سعر الشراء من ألمانيا ؟
(في الموقع بتاع ديل حضرتك غير البلد لتكون ألمانيا
وشوف اللاب ثمنه كام باليورو ويساوي كام مصري)
عشان انا لي ناس هناك ممكن يشتروا في فترة تخفيضات الاعياد ، بس طبعا المانيا اسعارها اغلى من امريكا.
شكرا جزيلا
وعذرا لحاحب الموضوع على المداخلة