بعض الأسباب المشهورة (والغير معروفة لدى كثيرين):
بوجيهات بخلوص غير مناسب لنوع السيارة
أرضي ضعيف
رطوبة او رايش في موزع الشرارة (الأسبراتير)
سلوك بوجيهات محروقة (انتهى عمرها الافتراضي) او بتهرب شرارة
اسمحولي اقولكم على طريقتين لفحص سلوك البوجيهات:
أولاً لو عندك افوميتر تقيس مقاومة السلك من الطرفين - السلك الطبيعي بتكون مقاومته 10000 الى 15000 اوم لكل قدم طولي يعني تقيس مقاومة السلك كله وتقيس طوله كام قدم وتقسم نتيجة القياس على الطول وتشوف النتيجة فتعرف اذا كان السلك تعبان ولا شغال - لو اكتر من 15000 لكل قدم يبقى السلك مش نافع ولو اقل يكون لسه شغال.
الطريقة التانية لفحص تهريب السلوك للشرارة: تجيب مفك وحتة سلك مثلاً متر وتربط طرف السلك في اي حتة من صاج العربية (أرضي يعني) والطرف الثاني تربط جيداً على المعدن بتاع المفك وبعدبن تشغل المحرك وبدأ تمشي على أسلاج البوجيهات من الخارج بطرف المفك وتلاحظ اذا حصلت اي شرارة او تسمع صوت طرقعة سريعة (تك تك تك) على طرف المفك فيكون المكان ده به تسريب شرارة وتكرر نفس الاختبار حول الاسبراتير والموبينة.
الجزء المعيب يلزم صيانته او حتى تغييره.
احياناً لو شغلت المحرك في مكان مظلم ممكن تلاحظ الشرارة الهربانة بتعمل نور خاطف في المحرك (زي بتاع ولاعة السجائر الإلكترونية او ولاعة البوتوجاز) وتحدد مكان التسريب.
وإن شاء الله بسيطة...
المفضلات