-
الراوتر اللاسلكى
إخوتى وأحبتى
السلام عليكم ورحمة الله وبركاته
إخوانى بالنسبة للراوتر اللاسلكى حد عنده فكرة بيتركب إزاى
بمعنى آخر أنا عاوز أعرف إبتداء من نقطة وصول سلك التليفون للشقة إيه إللى بيتعمل بعد كده
وهل فيه سلك رابطة بين التليفون والراوتر اللاسلكى ولا الراوتر حر
أرجو من الإخوة إللى عندهم راوتر لاسلكى حد يشرح لى توالى السلك ماشى إزاى من أول نقطة سلك وحتى جهاز الكمبيوتر
أرجو إنى يكون سؤالى واضح وغير مبهم
ولكم جزيل الشكر
-
بص يا باشا اولا لازم يكون عندك اسبليتر نوع نضيف splitter
زي دي لينك مثلا تمنه حوالي 25 جنيه او اقل
http://www.karbontek.com.au/images/P...k_Dsl-10Sp.jpg
http://www.cable-trader.co.uk/images...er_premium.jpg
هتاخد سلك التليفون الرئيسي اللي جاي من البوكس يعني اول مكان يدخل منه سلك التليفون
بعدين هتوصل السلك ده بالاسبليتر في فتحة اللاين line
وبعدين هتوصل الاسبليتر بفرعين سلك
فرع هيوصل مباشرة للروتر وهيبقى اسم المخرج ده في الاسبليتر modem او adsl
والفرع التاني لباقي تليفونات الشقة واسمه phones
طبعا فيه طريقة تانية انك تاخد اي وصلة من اي فيشة على الاسبليتر وبعدين تركب فلاتر لعدد التليفونات عندك لمنع الشوشرة
بس عيب الطريقة التانية انك ليك حد اقصى 3 عدد تليفون بس
2 فلاتر + مخرج الاسبليتر
اما الطريقة الاولى لاي عدد من فيش التليفونات بس عيبها انها متعبة سنه
وبعدين هتوصل كابل النيتورك بين الرواتر وكارت النيتورك في الجهاز عندك ووصل كهربا وعيش يا باشا :S_thum1[1]:
-
مشكور جدا على مرورك
لكن السؤال بقى هل فيه سلك واصل ما بين الراوتر إلى الكمبيوتر ؟
وهل مثلا لو أنا فى غرفة ممكن أحط الراوتر فى الصالة مثلا ؟
-
لو فى الاوضه التانيه بدون سلك خالص
امال اسمه لاسلكى ليه
بتفتح الجهاز وبتدور على النت الورك المتاحه
ولو فى باس ورد بتحطها مفيش
وتعيش
-
اه مفيش اي مشكلة
حطه في اي حته لو مش هتوصله بجهاز بسلك
هو بيحتاج كهرباء + وصلة التليفون بس كده
وبعد كده من الابتوب او الجهاز اللي فيه كارت نيتورك لاسلكي
هتدخل وتعمل سيرش عن النيتورك هتلاقيها وغالبا اسم النيتورك دي هتبقى اسم الروتر ده
وبعدين هتعمل كونيكت وخلاص على كده
-
ألف ألف شكر
لقد أفدتونى جدا جدا
بارك الله فيكم
-
سؤال كمان والله
هل توجد نوعية معينة للسلك المستخدم ولا أى سلك يوفى بالغرض خصوصا إن فى طرفى السلك توجد بلاستيكة صغيرة بتدخل فى التليفون أو الراوتر هل ليها مواصفات معينة
شكرررررررا
-
هقولك على الافضل علشان تريح دماغك
اشتري من عند الكهربائي سلك تليفون بجاكات RJ 11
اللي هو ده
http://www.advcommsystems.com/...site%20Pix-2/c-2.JPGhttp://img22.imageshack.us/img22/3848/ooyal25g.png
بس اوعى تقول للكهربائي rj 11 احسن يفتكرك بتشتم ولا حاجة :36_1_1[1]:
جيب منه وصلتين اصغر مقاس حتى ولو متر وهتقطع الوصلتين علشان يدولك اربع اطراف للتوصيل
هتاخد واحد مع السلك الرئيسي داخل على الاسبليتر
التاني طالع من الاسبليتر ومتوصل بسلك التليفونات كلها من فيشة التليفون
ووصلة تاني من الاسبليتر لبداية سلك الراوتر ( اول السلك )
والوصلة الاخيرة من نهاية سلك الراوتر وداخله في الروتر ( نهاية السلك )
وحاول تستخدم سلك تليفون نضيف احسن سلك بتاع هيئة الاتصالات اللي موجود في السوق زبالة
وعلى فكرة السلك اللي فيه الجاكات ده هيجيلك منه وصلة مع الراوتر بس بصراحة بلاش تقطعها خلي حاجته سليمة احسن على جنب علشان لو فكرت تبيع مستقبلا
وكمان السلك ده بيجي مع اي عدة تليفون فشوف ممكن تلاقي السلك ابو جاكات ده ومتشتريش
الحل المتعب لو ليك في التأريج هتشتري اربع جاكات تليفون الجاك من 10 صاغ لــ ربع جنيه
بس اتاكد انهم RJ 11 لان فيه RJ 9 بتاع السماعة وهتأرج السلك اللي محتاجه
بس نصيحة بلاش تقرف نفسك ونفذ الحل الاول انا عامل كده على فكرة مع اني عندي اراجه
وعلشان متتلخبطش الجاك ده على فكرة اللي بيدخل عندك في اي تليفون اللي هو بتاع الحرارة و اسمه RJ 11
-
صحيح بالنسبة للسلك اللي من الاسبليتر للراوتر
لو مكان الراوتر جنب الاسبليتر يعني مش محتاج تمد سلك طويل
يبقى مش هتحتاج تقطع الواصلة
وممكن متشتريش غير واحدة بس من الكهربائي
وتستخدم الواصلة اللي جيه مع الراوتر لانك مش هتقطعها
طبعا طرف طالع من الاسبليتر من الناحية اللي مكتوب عليها مودم او adsl والتاني داخل مباشرة في الراوتر
-
اهم حاجة انك تستعمل password لحماية الconnection
لو معملتش password ممكن اى حد عندة wireless من جرانك يخش على النت من خلال الconnection بتاعتك
MMamdouh
Content Relevant URLs by
vBSEO 3.6.0 PL2