اللى قلبه جامد يدخل و يقراء الحادثة الفظيعة دى

هذه قصة حدثت في إحدي مستشفيات مصرحيث أنجبت امرأة 4 توائم وقد كانوا جميعا ً صغار الحجم وتم نقلهم

إلى غرفة خاصة بسبب حالتهم الصعبةوبعد حوالي 3 ايام في الصباح الباكر جاءت إحدى الممرضات المسئولة عن التنظيف في قسم الولادة وحملت ( الشراشف ) إلى الغسالة وهنا كانت الكارثة !!!

لا حول ولا قوة إلا بالله إنا لله وإنا إليه راجعون فقد كان حجم الاطفال الاربعة صغير جدا ًبحيث لم تراهم الممرضة وحملتهم مع الشراشف إلى الغسالة !!!

يااااااااااا إلهي

وعندما جاء الطبيب المسئول عن حالة الاطفال ليكشف عليهم لم يجدهم

لا مجال للصدمة

ركض مسرعا ً نحو الاستعلامات سأل : أين الأطفال

الموظفة : في الغرفة !!

الطبيب : ليسوا بالغرفة ,, من آخر شخص دخل الغرفة ؟؟

الموظفة : المسئولة عن التنظيف .

.ركض مسرعا ً لهاسألها : أين الأطفال ؟؟

الممرضة باستغراب : أي أطفال ؟؟!!

الطبيب : الأطفال الذين كانوا على سرير كذا في غرفة كذا

الممرضة : يااااااااااااا ويلي

لا مجال للسؤال لا مجال للوم هذا أو ذاك

أسرعت الممرضة نحو الغسالة ومعها الطبيب ..

الغسالة تدورالغسيل ينقلب رأسا ً على عقب مااااا العمل ؟؟

أسرع الطبيب فصل التيار الكهربائي عنها

فتح الباب

وهنا كانت الكارثة ,,> > > > > > > > > > .> .> > > > > .> > > > > .> > > >






خرج الأطفال الأربعة يهتفون
مع تايد الغسيل... مفيش مستحيل

يلا يا رايق على الصبح :)

أنا أصلا كنت هاقولك قبل ما أكمل قصة هاتش بس لقيت البياض مزغزلل عينايا فملحقتش أكتب من بياض تايد :) ههههه

حرام عليك يا حسام وقعت قلبى .. رغم انى متوقع دايما مفاجاتك فى نهاية كل موضوع تكتبه لكن بجد المرة ديه و قعت قلبى خوف على العيال
و قلت فى عقلى يمكن مره حسام يكتب حاجة حدثت بالفعل !!..
كان المرحوم عادل شريف بيقول المستحيلات ثلاث’ : الغول و العنقاء و الخل الوفى .. ممكن نقول المستحيل الرابع حسام حسن يقول حاجة جد !

فعلا مع تايد زى مع نابليون مفيش مستحيل !!!

ماشي يا حسام الواحد اعصابه باظت خصوصا ان أختي لسه والده امبارح

مبروك يا آنكل إتش :) و عوقبال ما تجيب أخ لسيجو :)

اولا انا عرفت انها مقلب لان حسام مكانه في الاخبار المنقولة دايما
تقريبا فاتحينله القسم ده هناك
الا قولي يا حسام انت مافكرتش تنزل مراسل للعاشرة مساء
ها ها
بس احلى حاجة في الخبر انك خليتنا نشوف الهراااااب اللي اسمه هشام الفقي
يااااااه
قال جيران قال
دي الناس الحلوة بتاعت اسكندرية اللي بينا 250 كم بنشوفهوم اكتر منه
وهو مافيش بين العمارتين 250 متر واحلى تنفيضه
يلا معلش ليه العذر ان اخته كانت بتولد
الف مبروك ومستنين اخو ساجد بقى

ههههههههههههههههههههههههه ههههههههههههه
انا ألبى وقع الت خلاص العيال راحوا

جامدة اوى حلوة ههههههههههههههههههههههههه ههههههه

جامدة اوىىىىى

ماشي يا حسام على الاشتغالات دي، بس عموماً انا اول ما قريت "يا وايلي" من مسؤلة النظافة عرفت انها اشتغالى:) مسؤولات النظافة هنا اخرهم "يالهوتي" او بالكتير "ياخرابي":)!

اقتباس:

---

المشاركة الأصلية كتبت بواسطة Hossam_Hassan

خرج الأطفال الأربعة يهتفون
مع تايد الغسيل... مفيش مستحيل

---

ده كده اعلان ....خدت اذن من الادارة ؟؟؟؟:D

ربنا يسسسسسسسسسسسسسسسسسامحك والله فى نص الموضوع كنت هعيط مش قادره اكمل لاخر القصه واخرتها تايد حرام عليك والله وقعت قلبى

:confused:
:eek:
:(
:mad:
:):):):)
الرجل قال اللي قلبه جامد !!!

اقتباس:

---

المشاركة الأصلية كتبت بواسطة Nader

ماشي يا حسام على الاشتغالات دي، بس عموماً انا اول ما قريت "يا وايلي" من مسؤلة النظافة عرفت انها اشتغالى:) مسؤولات النظافة هنا اخرهم "يالهوتي" او بالكتير "ياخرابي":)!

---

لأ يا نادر أنا من أول الموضوع لأن فى الأول كتب (الشراشف) ودى كلمة لا تستخدم فى مصر نهائى و مقصود بيها الملايات أو الأغطية على ما أتذكر :) و كده بان إن الموضوع أصله من منتدى خليجى أو مؤلفه خليجى و بيقول الواقعه فى مستشفى مصرى :) يبقى الموضوع ملخبط و بعدين

خبر من حسام حسن فى الإجتماعى -- ماتجيش لأن حسام عارف طريقه :)

اقتباس:

---

المشاركة الأصلية كتبت بواسطة memo_hefnawy

لأ يا نادر أنا من أول الموضوع لأن فى الأول كتب (الشراشف) ودى كلمة لا تستخدم فى مصر نهائى و مقصود بيها الملايات أو الأغطية على ما أتذكر :) و كده بان إن الموضوع أصله من منتدى خليجى أو مؤلفه خليجى و بيقول الواقعه فى مستشفى مصرى :) يبقى الموضوع ملخبط و بعدين

خبر من حسام حسن فى الإجتماعى -- ماتجيش لأن حسام عارف طريقه :)

---

هاها انا قلت عادي لان معظم الاخبار اللي حسام بينقلها بتبقى اخبار مفرحة من النوعية دي!:) فقلت "شراشف" دي ممكن تيجي من الراوي، بس لما لقيتة بيقول مسؤلة النظافة بتقول "ياويلي" قلت وسعت بقى :D:D

ياراجل حرام عليك دا انا قلبى كان هيقف من كثره الدق

وقعت قلبى ياراجل

يا وييييييييلى .........وقعت فى المقلب :D

ماشى يا أستاذ حسام مردودالك إن شاء الله :p

و الله انا كنت حاسس من اول ما قريت العنوان و تحته اسم حسام حسن ..حسيت ان حيحصل في الاخر حاجة حتخليني اقول : الله يسامحك يا حسام ..
ياللا ..اهو الناس بتدعيلك.. و ربنا عالم بالقلوب

اقتباس:

---

المشاركة الأصلية كتبت بواسطة Nader

ماشي يا حسام على الاشتغالات دي، بس عموماً انا اول ما قريت "يا وايلي" من مسؤلة النظافة عرفت انها اشتغالى:) مسؤولات النظافة هنا اخرهم "يالهوتي" او بالكتير "ياخرابي":)!

---

هى مسئولة النظافة ممكن فعلا تقول يا "وايلى" لو كانت من الزواية الحمرا او دير الملاك او السواح ، لأن المناطق دى كلها تبع قسم "الوايلى"

هع هع هع هع هع :) :) :)

طيب احنا معرفناش هما الاطفال دول عاشو بعد كده ولا ايه الى حصلهم لان اكيد دخلو العناية المركزة من الدوخه الى كانو فيها ولا ايه


اصلى شربت المقلب ومتغاظ جدا

بالفعل حصل ان الممرضة حرقت طفل بسبب الاهمال في مصر بسبب انها لم تتاكد من الثرموستات بتاع الحضانة الاطفال الخدج (حديثي الولادة) كان يشتغل
بلدنا بتتنيل بينا

معلش يا شباب

أنا قلت اللى قلبه جامد يدخل و دى أحسن طريقة تخلى اللى قلبهم ضعيف يدخلوا.

يا راجل حرام عليك وقعت قلبى و سيّبت مفاصلى
مشكلتى إنى ضعيف جدا قدام الأطفال , فما بالك لما تكون حادثة
ربنا يحمى أطفا لنا جميعا
و يا حسام بلاش المقالب الجامدة دى

اقتباس:

---

المشاركة الأصلية كتبت بواسطة sab3aawy

هى مسئولة النظافة ممكن فعلا تقول يا "وايلى" لو كانت من الزواية الحمرا او دير الملاك او السواح ، لأن المناطق دى كلها تبع قسم "الوايلى"

هع هع هع هع هع :) :) :)

---

أضحكتني يا رجل هاهاهاهاهاها