الموضوع: كلام نهائى ...صيانة سيارات الخليجى فى التوكيل ( سيراتو - كارينز)

اخواتي الاعزاء تحية لكل من قال رايه ..... وانا ادعوكم الي الهدوء قليلا حتى نستطيع ان نفكر فى ما هو صالح لنا ؟؟؟؟ وارجع ثاني اقول واسأل هل عدد اصحاب السيارات الخليجي كاممممممم ؟؟؟ هل 5 أفراد ..... 10 أفراد ....50 فرد ......500 فرد ......5000 فرد .... مش شرط يكونوا من الزملاء فى المنتدي بس شرط ان ينضموا لينا .... بكده ال احنا عايزينه ... مهما كان ؟؟؟؟؟؟ ممكن يتعمل .:b4_388:

المشاركة الأصلية كتبت بواسطة tamernor

الظاهر ان التوكيل مزنزق اليومين دول فموش لاقى الا الغلابة اصحاب الخليجى يستهبل عليهم ويديهم على دماغهم
غباءءءءءءءء

لا مش عايزين الكلام ده ........ ده احنا جامدين اووووي ..... ولا يهمنا التوكيل و لاغيره .... ما كان التوكيل امامنا واحنا ال ادناله ظهرنا ومشاينا ؟.... طبعا بسبب سياسته التسويقية العجيبة والغريبة .:b4_388:

المشاركة الأصلية كتبت بواسطة mobroker

السلام عليكم ورحمة اللة وبركاتة
واضح انة لايوجد احترام للناس حائزى السيارات الخليجى فى مصر لان اى مشترى للسيارة يجب ان يتمتع بخدمة الدخول لمراكز الخدمة فى اى بلد لان كل السيارات لها جودة واحدة على مستوى العالم لكن المواصفات تختلف فقط كمثال الحال فى .مرسيدس وغيرها .
انا لى تجربة انا اخترت الخليجى وتم شراء السيارة واشتريت معه ضمان من المعرض لشركة اسمها امان الشرق ولهم مراكز خدمة تغطى كل انواع السيارات . وذهبت لمركز خدمة فى الحرفيين اسمه تكنو وان -تكنو بوش عند الكوبرى الدائرى وتم تغيير كومبرسور التكييف على حساب شركة الضمان والعربية تمام الان ولاالحوجة للتوكيل قطع الغيار متوفرة عندهم وفى كل حتة ولازم نتحد ولا حد يتحكم فينا.

انا اشتريت ضمان من نفس الشركه بتاعتك يا باشا
يا ريت تحكيلنا ايه اللى حصل مع حضرتك علشان تبقى تجربه واقعيه عن شركات ضمان الخليجى وتوضح ايه اللى عامله معاك بالضبط
ولك فائق الاحترام