يا ريت لو حد عندوا ماكنة 400 فاير ياريت يشوف عندوا بوجية قديم ويقولى رقمة ونوعة بضبط او يصور البوجية صورة قريبة ويبعتهالى.. اكون متشكر جدااا
يا ريت لو حد عندوا ماكنة 400 فاير ياريت يشوف عندوا بوجية قديم ويقولى رقمة ونوعة بضبط او يصور البوجية صورة قريبة ويبعتهالى.. اكون متشكر جدااا
شوف اللينك ده..........هاتلاقي فيه ان شاء الله كل الي بتدور عليه.
CBR400 Parts Honda - Motorcycle Products Ltd
روح عند اي ميكانيكي وخليه يغيره ب 10 جنيه
وهو حيقولك ايه النوع المناسب الي تحطه
بس نصيحه اشتريه بنفسك
لان اغلبهم نصابين يقولك جبتلك ngk 15 شمعه ههههههههههه
وهو اخرتها مركب ابو 10 جنيه واحد شمعه خد بالك
شكرا يا م \ محمد على الموقع بس للاسف ملقتش الشكل الصورة الحقيقية للبوجية ..
متعب نفسك ليه اعمل زي ما قلتلك في الرد الي فوق
عموما اعمل سيرج في جوجل ب
cbr 400 fireblade spark plugs
وديه صوره لبوجيه كان راكب على 400 فاير من جوجل
http://www.skatemalaysia.com/planbmedia/plugbasah.jpg
شكرا يا قطر
صوره كمان لبوجيه لل 400 فايبر وده حتلاقيه في مصر
http://images.wemoto.com/full/SPARK_...L/10003399.jpg
عموما اماكن بيع البوجيهات كتير منهم زيدان في الدقي
بجوار محل الاسماء جنة الاسماك تقريبا و احمد فهمي
لا بس كنت عايز رقم البوجية بضبط لان الا هيجبهملى مبيتعملش الا بارقم البوجية ميعرفش فى نوع الماكن خالص وانا عملت بحث على النت ومحتار بين رقم ngk cr8eh-9 و
cr9eh-9 عايز اعرف اى موديل فيهم بضبط
بصراحه معرفش اقولك اي واحد
بس لما عملت سيرش لقيت ان اكتر الي بيستخدم هو نفس الي حطيتهولك في الصوره التاني ngk cr8eh-9
ngk cr8eh-9
ngk باين اوي انها الماركه لان ال ngk حتي في بوجيهات العربيات
cr8eh ده بس يا مقاس 8 يا 9
يعني يا ده cr8eh يا cr9eh
طبعا جايز اوي يبقي في مقاس 8-9 في متاخدش علي كلامي
بخمن طبعا بس اسال ميكانيكي هيطلع كلامي صح
اي موديل الريسينج الي معاك ياباشا
94 يا بوب ..بس السؤال هنا فى فرق بين ngk cr8eh-9 و ngk cr9eh-9 ولا الاتنين زى بعض ؟؟
بص انت شكلك متعب الصراحه d:
اقلك على حاجه اشتري واحد من ده وواحد من ده
وجرب تركبه الي تلقيه مركبش رجعه واشتري ال 3 الباقيين
من النوع الي ركب وظبط على البايك
ههههههههه ماشى يا قطر مقبولة منك بس مش وحش انك تبقى عارف ادق التفصيل مش تركب حاجة كدة وخلاص..ونرجع نقول البيك بيسخن والبيك مش عارف اية انا عملت بحث على متندى اجنبى ولقيت واحد سال نفس السؤال وكان الرد ان الاتنين زى بعض يركبوا بس فى واحد للمناطق الباردة وفى واحد للمناطق الحارة ..شوفت بقى ان احنا ادمنا كتير لحد لم تفهم ادق التفصيل فى البيك ..مش نركب وخلاص والمكانيكى يقولك ركب اى حاجة ولا هو فاهم حاجة
تمام..........مبروك اخيرا وصلت للصح :vctry:
طيب انه الي يركب معرفناش برضة
يا عم تاعب نفسك ليه بس مشوار لشارع العاشر عدي علي احمد الهن اساله
بس خلي بالك عشان عنده مكنتين 250 بس فيهم واحده سوده
وفي صلاح في شارع احمد تيسير من جمال عبد الناصر الشارع اللي علي اوله البنزينه اللي بعد الكبري بتاع 45
الكبري مش النفق هاه . بعد الكبري وانت رايح المندره كده
طبعا كلامي ل mtgalx عشان بلدياتي وعارف فين الناس اللي انا بوصفهم دول
2 البوجيهات بتيجي طقم 4 في علبه
يا باشا انا بتكلم فى موضوع تانى خالص مش قصة نجبهم منين ولا قصة نسال مكانيكى لان المكانيكى نفسوا ممكن ميكونش عارف الفرق الا بنهم هو بيديك واحد قديم ويقولك جبلى واحد زيوا الماركة الا انت عايزها لاما بيركبلك من عندوا المهم بنسبلوا يكون نفس المقاس ونفس السن وخلاص لكن مش هيعرف البوجية دا يستحمل درجة حرارة كام لان انت ممكن تركب بوجية ويكون اصلى وكل حاجة لكن معمول لدولة بينزل فيها تلج ..لم يركب عندك ميستحملش درجة الحرارة العالية ويقطع وهو لسه جديد .
ده توضيح لموضوع حرارة البوجيه والمقصود بها وألي يقصده hondaaaa
[flash=http://www.ngk.com/charglossary.asp?kw=heat+range]width=650 height=450[/flash]
طيب مفيش بوجيهات بلاتينام-ايريديام للبايك؟
شوف الموضوع ده كده.
http://www.nilemotors.net/Nile/138145-ngk.html
في ايرديوم بس سعرها غالي انا كنت في توكيل سوزوكي من حوالي شهر وسعرهم 16 دينار طبعا كانو للسوزوكي 2008 تقريبا حوالي 300 جنيه وكسور اما سعر العادي كانو 4 دنانير حوالي 80 جنبيه طبعا النوعين ngk ويباني اصلي بالنسبه للايرديوم والعادي وكمان كنت قريت موضوع في منتدي الورشه اعتقد وكان في عضو بيقول سعر الايريديوم 160 جنيه في مصر بصراحه انا مش عارف الي في مصر مقلد ولا اصلي بس اكيد تقليد
طيب هقولك علي حاجة حصلت معايا علي موضوع الاسعار وتفاوتها من بلد لبلد..........كان معايا من كام سنة الفا روميو 4 سليندر بس twin spark بوجيهين علي السليندر*4=8 بوجيه كان سعرهم عند الوكيل 100 دينار طبعا مادخلش دماغي الكلام ده مايمشيش مع أخوك...........جبتهم من أنجلترا ب 32 دينار وصلين لغاية الكويت.....شوف نصب التجار وكان في منهم اربعة زي الي راكبين في المكنة بلاتينيوم والمقاس الصغير و4 المقاس الكبير........أديني رفمهم وانا ممكن أجبهملك من بره بنص التمن علي الاقل أن شاء الله........وافتكرت كمان فيه محل في الشويخ كان بيبعهم بحوالي 6 دينار بيركبو اعلي الفيراري.
انت قصدك ال 4=16دينار لو كده يبقي ممتاز السعر ده انا الي فهمته الواحد ب16دينار!
لا سعر الاربعه 16 دينار الواحد بس سعره 4 دينار اما العادي سعر الاربعه 4 دينار
علي فكرة انا بتعامل مع صلاح بس برضة احب اكون فاهم ايه الاحسن للبيك بتعتي علشان بعد كده عايز اشتغل بايدي
ويارت حد قولي اسم زيت كويس للcbr 400 nc23 يقعد اعلي كيلومترات يعني مش 1000 كيلوا بس يعني عايز حاجة 3000 او 5000 كيلوا و تكون حاجة نضيفة و كام سعره