موضوع جامد, مستنيين التكملة
موضوع جامد, مستنيين التكملة
ان شاء الله ياباشا هتمشي عالحيط صدقني
ما شاء الله
مستنين المزيد
إن شاء الله يا باشاء و شكرا لمرورك
ربنا يخليك دا أنا على أدى بردوا ,الحمد لله أنا بحب الموضوع و دا اللى بيخلينى أحاول اتعلم كل حاجة و اعملها بنفسى بس لسة نقصنا هنا فى مصر شوية إمكانيات لكن بردوا بنتصرف
شكرا يا باشا و إن شاء الله هكمل الموضوع
على فكرة هيا خلصت من بدرى مشروع التعديل ده أنا بدات فيه من حوالى 10 شهور بس مكنتش فاضى اعمل الموضوع دا بس ال Power Box لسة عملة قريب
ربنا يخليك يا باشا و متشكر جدا
موضوع فوق الرائع ...
منتظر باقى الموضوع بشغف
... احب الناس اللى بتعمل اللى هى عاوزه عن فهم و دراسة
... تقبل تحياتى
ممكن أعرف الموتور أكلف كام بالضفيرة
نرجع نكمل الموضوع إحنا كنا وصلنا لحد الإنتهاء من عملية تسقيط الموتور الجديد و تظبيط الضفيرة و الحمد لله الموتور دار بس طبعا خد شوية وقت معايا لحد ما كل حاجة بقت 100 100 عشان زى ما انتم عارفين كل الحاجات دى مستعملة قبل كدة فا من الطبيعى إنك تلاقى حاجات محتاجة تتغير عشان الدنيا تظبط زى ما انت عاوز
نيجى بقى لمرحلة تعديل الموتور نفسة و التعديلات دى هى اللى بتخلى الموتور دا يحاول يقرب من القوة الاصلية اللى هو متصمم عشان يوصلها وهى:
1-تعديل نظام العادم بالكامل و الحمد لله انا جبت الهيدرز الاصلى مع الموتور بس كان فاضل العلبة اللى فى المنتصف و العلبة الخلفية و المواسير تتغير بمواسير 2 بوصة و دا مقاس مناسب و بالفعل غيرت العلب بعلب رياضية و غيرت المواسير و فعلا بعد مغيرت الشكمان العربية فرقت كتيير عشان قبل مغيره كانت لما بجرى الحرارة كانت بتعلى جدا بس الحمد لله الموضوع اختلف كمان السحب فرق كتيير.
2-طبعا انا حطيت فلتر سبور من بعد ما سقطت الموتور علطول و هو سيموتا كاربون فايبر Cold Air Intake
3-بوجيهات Splitfire و سلوك رياضية
4- تعديل نظام التبريد و دا أنا مكنتش محتاجلة قوى عشان الردياتير بتاعى كان العريض و هو مناسب بردو 1600 بس أنا غيرتة إحتياطى عشان حالته كانت نص نص فقلت بالمرة أجيب واحد جديد مناسب لل 1600
5-كان من المهم تعديل الكامات و إستبدالها بكامات رياضية بس أنا أجلت الموضوع دة نظرا لإرتفاع التكاليف عشان هيا هتيجى من برة و هيا غالية جدا
6-التعديل دا هو اهم حاجة فى الموضوع و هو دا اللى انا عملت الموضوع هنا فى نايل موتورز عشانة و هو إستبدال المنافولد المقلوب اللى هو معمولة Restriction عشان يقلل من قوة الموتور باخر مصمم بطريقة تسمح للموتور بالتنفس بطريقة احسن فبالتالى قوة اكثر.
الخطوة دى كانت اساسية و لايمكن تجاهلها بالنسبة لى فى موضوع التعديل و كان قدامى حل من 2 يا إما اشترية من برة اصلى و فى اكتر من شركة تعديلات بتصنعة جاهز عالتركيب زى (Mantzel,dbilas) بس دا تكلفتة بتكون غالية جدا
أو اشترية بردوا من برة فى ناس شغالة بتعملة يدوى و يعرضوة للبيع على النت
أنا قعدت افكر و قلت طالما هو بيتعمل يدوى و فى ناس عملته فعلا ليه انا كمان محاولش اعمله و لو نجح خير و بركة و لو محصلش نصيب مش مهم ادينى اتعلمت حاجة جديدة
المهم بدات رحلة الدراسة الخاصة بالمانفولد و هى الخامات و المقاسات و المواصفات الفنية و المميزات و العيوب و فرص نجاحة كمان فى حاجة مهمة جدا و هى هل هيحتاج اعمل ECU Remapping ولا لأ و الحمد للة هو مش بالضرورى عمل ECU Remapping هو ممكن يشتغل بدون تعديل.
وفعلا عرفت بردوا رأى الناس اللى جربتة سواء اصلى او يدوى و النتيجة كانت مشجعة جدا ان الواحد يبدا يدوس فى الموضوع
و الحمد لله أخد منى تقريبا 4 ايام شغل لحد ما خلص و تم التركيب و التجربة و الحمد لله النتيجة كانت ناجحة و الأداء كان فارق فعلا زى كل الناس ما قالتلى
المرة الجاية إن شاء الله هرفع صور مراحل التصنيع و التركيب و على فكرة ال Power Box دا ينفع يركب على كل موتور من ال 3 مواتير اللى انا اتكلمت عليهم قبل كدة احسن الناس تفتكر أنة مبينفعش غير على C16xe بس فى كل حالة هيحتاج تظبيط بسيط عشان يركب و النتيجة ايجابية فى كل الاحوال إن شاء الله
فى انتظار المزيد .... بالتوفيق ان شاء الله
موضوع رائع وشيق في انتظار المزيد من التفاصيل