الموضوع: For the frist time in Egypt hand made Power box(Inlet manifold) for Corsa B Twin Cam

Tananybasha دا انت اللى منور الموضوع و الله... عامل إيه يا باشا؟
أنا عارف انة حرام عليا ابيعها و انا فعلا مش جيللى قلب لو فى إمكانى اجيب عربية اكبر من غير ما ابيعها كنت عملت كده بس طبعا انا محتاج تمنها و عموما انا مش مستعجل على البيع قوى يمكن الاقى حد يقدرها و يعرف هو هياخد اية إن شاء الله
و بالنسبة لموضوع اللمبات انا منسيتكش و لا حاجة كلمنى بس و انا هقولك

و الله انا صعبان عليا جدا العربيه دي تتباع بعد الشغل اللى فيها ده
و بسم الله ما شاء الله شكلها هينطق
انا رأي بلاش تفرط فيها و لو العملية مزنقه كدا معاك بلاش تستعجل على بيعها و ان شاء الله هيجي حد يقدر اللى اتعمل فيها ده
و ربنا يحسنلك سوقها

والله ياجدعان انا بدور على حتة هاتش باك لاختي ودي تحفة..
المشكلة:
ان والدي مش عايز يجيب مانيوال تاني..
موديلها قديم شوية..


معلش سؤال:
الموتور موديل كام؟؟
الفرامل , ايه التعديل اللي فيها؟؟
اخبار ثبات العربية عالسرعات ايه؟؟ واخرها كام اصلا؟؟

والله انا هحاول اقنع والدي بيها...
بس سعر ال94 العادية نضيفة كام؟؟

المشاركة الأصلية كتبت بواسطة bedo13

والله ياجدعان انا بدور على حتة هاتش باك لاختي ودي تحفة..
المشكلة:
ان والدي مش عايز يجيب مانيوال تاني..
موديلها قديم شوية..


معلش سؤال:
الموتور موديل كام؟؟
الفرامل , ايه التعديل اللي فيها؟؟
اخبار ثبات العربية عالسرعات ايه؟؟ واخرها كام اصلا؟؟

الموتور موديل اخر التسعينات
الحقيقة الفرامل مفيهاش تعديل و ده لان بحكم دراستى لموضوع تعديل كورسا عادية الى gsi لقيت ان الفرامل تقريبا واحدة بس ال gsi فيها abs و انا بصراحة مردتش اعملة عشان هو شغلانة كبيرة قوى و فلوس تانية كتير دا غير انة ممكن ميظبطش بعد دا كلة, انا كنت هعملة فعلا بس لما جربت الفرامل لقيتها مش وحشة دا طبعا بعد ما ظبطها فا قلت مش هعمل abs
عشان كدة لو سالت حد معاه كورسا 1200 على الفرامل لو مظبوطة هيقولك هايلة ما شاء الله

بالنسبة لموضوع الثبات فا بسم الله ما شاء الله العربية ثباتها هايل عفشة كاملة سبور و جنوط 17 و كاوتش 205 دا غير إنى لو خدت بالك انا قلت إنى جايب إكصدام GSI original دا مش عشان الشكل بس,لا دا كمان عشان الثبات عشان هو فى كساحة ربر بتساعد على ثبات العربية على السرعات العالية دا غير إن تصميمة نفسة بيساعد على إختراق الهوا بسهولة و زيادة الثبات فى نفس الوقت,وعلى فكرة الحمد لله ثبات العربية فوق ال 160 احسن من 100 يعنى كل ما تزود تحس إن العربية بتوطى و بتكلبش فى الارض

السرعة القصوى انا مجبتهاش انا اكتر حاجة جبتها بيها حوالى 205 و دا كان على طريق العين السخنة و كان معايا اصحابى و مرضتش ازود و دا كان بنزين 92 ,لما تحط 95 دا بقى موضوع تانى خالص, لكن الطبيعى بتاعى فى السفر بيها على الطرق النظيفة دايما من 160,180

و بالنسبة للتسارع من 0 الى 100 فى حوالى 9.5 او 10 ثوانى و دا ممكن يكون اول و تانى بس ,التانى بيجيب 90 على 6000 RPM و المكنة دى بتوصل لحد 7000 RPM تقريبا

المشاركة الأصلية كتبت بواسطة tananybasha

كنت باكلم واحد صاحبى غاوى عربيات متعدله النهارده
قاللى اشوفها بس على نص الأسبوع الجاى
و ان شاء الله بكرة اكلمك

شكرا يا باشا تعبينك معانا و انا مستنى تليفونك إن شاء الله