الموضوع: For the frist time in Egypt hand made Power box(Inlet manifold) for Corsa B Twin Cam

ما كملتش المعلومات عن الpower box
يعنى فكرة مبسطة عنه و المشاكل اللى قابلتك و كدة
علشان 15 حصان زيادة يعملوا شغل جامد

متشكر جدا يا جماعة و أسف على التأخير عليكم.

قبل ما نكمل موضوعنا انا قلت اجيبلكم صور عشان الناس تفهم كلامى بسهولة إن شاء الله بس مش عارف أرفع الصور عن طريق نايل موتورز ياريت الناس تقولى موقع من خلالة اقدر ارفع الصور.

كنا وصلنا لحد موضوع C16xe وأنة النسخة الأولى من محركات Eco-Tech و إنة بيطلق علية Pre Eco-Tech حتى الغطاء الفبر بتاعة مش مكتوب عليه Eco-Tech مكتوب علية Opel بس و الفرق بينة و بين X16xe , X16xel انة مفهوش EGR و لا MAP و لا Air Intake Temp. Sensor ولكن هو فيه MAF

طبعا أنا بعد ما عرفت المعلومات الجامدة عن قوة المحركC16xe الأصلية و هى 150 HP تقريبا و كمان عرفت بقى من المنتديات الأجنبية عن كيفية تعديل المحرك دة و إيه الحاجات اللى لازم تتعمل عشان يرجع لقوتة الأصلية وهو احسن واسهل واحد يركب عندى قلت أتوكل على الله و إختارتة عشان يكون هو الموتور اللى هركبة, و بدأت مشوار التعديل بالبحث اولا عن الموتور دة عند التجار و طبعا لازم يكون حالتة كويسة كمان لازم يكون بالكونترول والضفيرة بتوعة وطبعا مش محتاج أقولكم قد إية المشوار ده صعب هنا فى مصر.
بس الحمد لله لقيت الموتور كمان كان فية الهيدرز الأصلى بتاعة و هو كان من الحاجات اللى كانت لازم تتعمل فى التعديل و كنت عامل حسابى انى أجيبة أو اعملة عمولة بس الحمد لله لقيتة مع الموتور دة كان الخبر الحلو لكن الخبر الوحش انى ملقتش الكونترول و الضفيرة بتوعة والتاجر كان مصمم يدهونى بالكونترول و الضفيرة بتوع X16xe زى ما بيعمل مع الناس كلها و مقتنع أنة صح دة الكلام اللى أنا قلتة فى الاول إن التجار كلها بيتعاملوا مع ال 3 مواتيير دى على أنها حاجة واحدة بس طبعا معرفش يقنعنى بالكلام دة لانة وقع مع واحد فاهم الحمد لله فكلامة كله مكنش ليه أى اهمية عندى عشان انا مقتنع بوجهة نظرى لا و إللى يضحكوا اكتر ان نفس التاجر دة كان بيحاول يقنعنى أنى ابعد عن المواتير ال Twin Cam دى و اخد موتور 1600 واحد كامة و ده عشان ال 2 كامة بيقولى عمرة ما بيتظبط فى العربية... !!
طبعا عمرة ما هيتظبط طول ما هما بيحطوا اى كونترول و ضفيرة على اى موتور دون الإلتزام بالكونترول و الضفيرة الاصلين لكل موتور من ال 3 فلازم ما يتظبطش طبعا و المهم انى عرفته المعلومة دى لكنة بردوا مقتنعش بكلامى و اللى فى دماغو فى دماغو.

طبعا عشان الناس تستفاد بالموضوع دة لازم نعرف نفرق بين ال 3 مواتير دول إزاى سواء بالشكل أو بالكشف أنا طبعا كنت عاوز أرفع الصور النهاردة لكن معرفتش بس هقولكم مبدائيا.

ال 3 مواتير فيهم مانفولد مقلوب يعنى البوابة بتكون في ناحية اليمين من تحت مش ظاهرة فوق بوضوح

C16xe المانفولد بتاعة فبر و هو الوحيد اللى فبر و لونة بيكون اسود و دة بيسهل تميزة دون الاخرين
X16xe المانفولد بتاعة ألومنيوم و هو نفس الشكل مع فرق الخامة و طبعا بيزيد علية موضوع الحساسات اللى قلت عليها قبل كدة
X16xel المانفولد بتاعة ألومنيوم بس شكلة مختلف عنهم جاى بمييل شوية طبعا الصور هتبين كل الكلام دة و كمان بيزيد علية موضوع الحساسات أيضا.
و بالكشف على رقم الموتور هتلاقى الكود مكتوب جنبة ده عشان تتأكد من موديل الموتور

المهم أنا قلت أخد الموتور و اخد معاة الكونترول و الضفيرة اللى هما مش بتوعة و دة مؤقتا أنا عارف هشغلهم إزاى لحد لما التاجر يجيبلى الكونترول و الضفيرة الأصليين دة بعد لما قلبت عليهم المخازن عنده بدور عليهم بنفسى مش لاقيهم أنا عارف شكل و رقم الكونترول و عارف فيش الضفيرة, طبعا المعلم اكيد طلعهم مع موتور تانى بالغلط و دة طبعا عشان هو معندهوش فرق بينهم,قلتلة على الرقم و سبته يدورلى علية او يجيبهولى مخصوص بس طبعا ملقهوش و كنت مضطر انى أدور عليه بنفسى و كانت بردوا رحلة صعبة عشان هو قليل شوية لحد لما لقيته بعد فترة عند واحد فى المنصورة و فعلا سفرت جيبتهم من هناك و الحمد لله.

أسف يا رجالة هكمل بكرة إن شاء الله

إرفع علي

http://www.up-00.com
ومستني بجد أشوف الحوار ده

متشكر جدا يا رجالة على المساعدة.

نيجى بقى للصور الصورة الاولى بتاعت C20xe و هو متسقط فى كورسا و دا كان حلمى لكن الحمد لله مفيش نصيب





الصورة 2 دى بتاعت C16xe المانفولد بتاعة فبر و هو الوحيد اللى فبر و لونة بيكون اسود و دة بيسهل تميزة دون الاخرين





الصورة 3 X16xe المانفولد بتاعة ألومنيوم و هو نفس الشكل مع فرق الخامة و طبعا بيزيد علية موضوع الحساسات اللى قلت عليها قبل كدة






الصورة 4 X16xel المانفولد بتاعة ألومنيوم بس شكلة مختلف عنهم جاى بمييل شوية و كمان بيزيد علية موضوع الحساسات أيضا.






أعتقد الصور وضحت شوية الكلام اللى أنا قلتة و كدة تقريبا اصبح سهل على كل واحد انه يفرق بين كل موتور منهم من النظرة الاولى

دى بقى شوية صور لمرحلة تسقيط الموتور عندى فى العربية

الاولى قبل منشيل الموتور القديم و هو كان 1200 بس والله كان حمال قسية معايا كنت بعاملة على انة 1500 مثلا فضلت اسايس فية واحدة واحدة لحد لما كنت بجيب بية ساعات 160 بس بصراحة بطلوع الروح و طبعا متسألونيش عن البنزين كان بيبقى بلاعة












الصور دى للموتور قبل و بعد التسقيط
















و دى كانت تقريبا نهاية المرحلة الاولى و هى تسقيط الموتور طبعا مش عاوز اقول قد ايه هيا كانت صعبة لانكم طبعا عارفين ان اللى عاوز يعمل حاجة مضبوط هنا فى مصر بيتعب قد اية
طبعا انا جبت الموتور بالفتيس بتاعة و هو F15 عشان طبعا الفتيس القديم كان F13 هو احسن فى التسارع لكنة مش هيستحمل العزم بتاع الموتور على RPM عالى كان ممكن يتكسر فطبعا غيرتة بس إن شاء الله فى الخطة الجاية هبقى احط F20 عشان نشوف اداء مختلف و أكيد طبعا العفشة كلها أتغيرت بعفشة سبورت عشان تستحمل الموتور الجديد.

هكمل لكم موضوع تعديل الموتور نفسة المرة الجاية ان شاء الله