الموضوع: For the frist time in Egypt hand made Power box(Inlet manifold) for Corsa B Twin Cam

السلام عليكم جميعا يا رجالة الأوبل أنا قلت اعمل الموضوع ده هنا الاول و بعدين انقلة فى قسم التعديلات ..و ده عشان إحنا هنا فى مصر للأسف مش مهتمين بتعديل السيارات الأوبل و أقصد بالتعديل هنا تعديل الأداء يعنى تعديلات المحركات,التعديلات فى مصر مقتصرة على انواع محدودة كلنا طبعاعارفينها.
ولكن بالنسبة للأوبل الموضوع هنا لا يتعدى اكثر من تسقيط محرك سعتة اللترية اعلى من الاصلى و لا يتم عمل تعديل له اكثر من الفلتر السبور و الشكمان دون الدخول في تعديل أجزاء المحرك.

بس أنا الموضوع عندى مختلف شوية أنا بحب العربية دى جدا جدا و لما فكرت فى تعديلها عملت دراسات على الموضوع دة فى المنتديات الاجنبية عشان أعمل الموضوع صح و ده عشان انا بشتغل فى عربيتى بإيدى و طبعا فى معايا ميكانيكى بيساعدنى.

المهم نخش فى الموضوع و عاوزكم تباركولى علي نجاح تجربتى وهيا عمل منافولد دخول الهواء للموتور بتصميم مختلف عن الأصلى ويطلق عليهPower Box ده عند المتخصصين شوية فى التعديلات ذلك لعمل تعديل لعملية دخول الهواء للموتور مما يؤدى الى زيادة قوة المحرك بس طبعا مقدار الزيادة زى ما كلنا عارفين إن فى مصرنا الحبيب مفيش جهاز Dyno عشان الواحد يقدر يعرف معدل زيادة القدرة بعد التعديل,فى جهاز واحد موجود فى هندسة بنها زى ما عرفت من مهندس صديقى بس هما للأسف مش مشغلينة و مش عارف لية ...!

ولكن فى معدل تقريبى للزيادة عرفتة من المنتديات و هو من 15 إلى 25 حصان و فى بعض الحالات ممكن يوصل اكتر من كدة.

الفديو دة فيه نفس التعديل اللى انا عملته

YouTube - C16XE


سامحونى هكمل الموضوع بعدين عشان عندى شغل كتيير بس محدش يقلق هقول كل التفاصيل إن شاء الله