الموضوع: سوزوكي بالينو

انا معايا بالينو موديل 99 اتوماتيك خليجي
الحقيقة يوم اما افكر اغيرها مش هاقدر اركب غير ياباني او اوروبي:
-بصفة عامة البالينو بالنسبة للفئة السعرية تتفوق بشدة على مثيلتها (الاكسنت -اللانوس-....)
من حيث الاداء والثبات وقطع الغيار المعمرة والاداء الياباني 100% علما بانني كان معايا لانوس طبعا مفيش وجة مقارنة مع البالينو .

-سعر البالينو يتراوح من 33 الف حتى 43 الف جنيه على حسب الحاله والفتيس والدواخل والكيلومتر والموديل

ولكن لو ظروفك المادية تسمح تشتري بسعر اعلى ممكن افضل تشتري تويوتا كرولا او اوكتافيا .

-قطع الغيار اغلى شوية ومش متوفرة بكثرة زي الكوري وان كان قطع الغيار موجودة جديد واستيراد ولكن المشكلة ان الناس مش عارفة الاماكن .
واليك اماكن بعض قطع الغيار:


الجديد:
1-شركة ليدرز في الدقي بجوار التوكيل.
2-محمد امين في عابدين(جديدواستيرادومركز صيانة).
3-اليابانية بجوار نادي المعادي.
4-شارع دمشق اكثر من محل لقطع غيار السوزوكي.



الاستيراد: حرفيين السلام فيها حوالي 4 محلات للبالينو اشهرهم
1-معتز وبهجت.
2-الاسلامية.


بالنسبة للصيانة في اكثر من مهندس في التوكيل عندهم ورش خاصة بيشتغلو فيها بعد السادسة مساء ويوم الجمعة
-واحد في جسر السويس
-واحد في الهرم
-واحد في عابدين .



بالنسبة للتوكيل الحقيقة ممتاز بالنسبة للكهرباء والتكييف بتعامل مهاهم ولكن بالنسبة للاشياء العادية بعملها برة عشان فرق السعر.
مثال للاسعار للاصلى والتقليد:
---تيل فرامل امامي اسباني 100 جنيه
الياباني (كوبي)ب 85 جنيه
الاصلي سوزوكي ياباني460 جنيه.


---فلتر بنزين تايواني 40 جنيه
الاصلي 110


---فلتر هواء كوري30 جنيه
اصلي 90


---بوبينة كوري 320 جنيه
الاصلي دنسو ياباني 750 جنيه





واهم حاجة اكشف على العربية في التوكيل قبل شرائها عشان ماتدفعش كتيروتتعب لو كانت مش كويسة.

ولا تنسي ان تستخير الله قبل الشراء
لو احتجت اي معلومة عنها انا في الخدمة.

المشاركة الأصلية كتبت بواسطة elassar2010

شكرا على المعومات الجديدة والقيمة

لا شكر على واجب يارب نقدر نفيد الناس كلها

المشاركة الأصلية كتبت بواسطة alimaher_255

ياجماعة حد يعرف ايه مواصفان السوزوكي بالينو انا ادامي عربية مستعملة و عايز اي معلومات عن العربية

يا ترى عملت ايه؟؟؟؟؟؟؟؟؟؟