رحله الي فايد

**hugan** · 12-05-2010 07:04 PM

بمناسبه انتهاء العام الدراسي والحمد لله
اولادي بمناسبه انتهاء الا متحانات قررو طبعا من غير ما يسالوني انهم عايزين يروحوا فايد
لماذا فايد علي الاخص
لانهم ماراحوش فايد قبل كده
بما اني تقريبا والحمد لله لفيت مصر كلها اكتشفت بعد المده دي كلها اني فعلا عمري ما رحت فايد قبل كده
ارجو من الاخوه الزملاء في المنتدي لمن له خبره بفايد او راح قبل كده
1 -الطريق من بعد الاسماعيليه
2-افضل الاماكن لقضاء يو م ممتع
3-فايد علي البحيرات المره ولا علي قناه السويس
4- فايد تستاهل المشوار ولا العين السخنه تبقي افضل
اكون شاكر ليكم جدا

**pro_samir** · 12-05-2010 07:35 PM

خليك في العين السخنة أفضل ومفيش مقارنة

الأماكن في فايد مش قد كدة و المية سيئة جدا

**pro_samir** · 12-05-2010 09:01 PM

المشاركة الأصلية كتبت بواسطة eng_mostafa_89

كمل على الاسماعيلية افضل من فايد
فايد صغيرة
وبالنسبة للطريق تقريبا ليها دخلة من بعد الكرتة يمين

الأسماعيلية أحلي طبعا بس برضو نفس المشكلة البلد صغيرة والأماكن مش كتير والبحر مش تمام خالص

اول مرة اروحها كنت رايح علي الأسماعيلية ملاقيتش مكان كويس انزل فية وشكل المية قفلني فا طلعت علي فايد كنت بقالي زمن مروحتهاش وبرضو كنت هسيبها واطلع علي العين السخنة بس الناس كانو تعبو من السفر فا قعدنا في فايد وخلاص

وبالليل بقي الناموس مقولكش

**Nile Heart** · 12-05-2010 09:05 PM

فايد مكان للأستجمام والراحه وهى مناسبه جدآ للكبار اللى عايزين يمددوا فى الضل ويرتاحوا
اما للصغار فهى ممله جدآ واالبحر فعلآ مش حلو

احنا لينا شاليه هناك وبنقضى فيه وقت طويل بس عشان المكان واسع والجنينه مناسبه للعب الطفال الصغار
اللى بيحب الميه والرمل.. خليك فى السخنه طبعآ

**A.Saad** · 12-05-2010 09:46 PM

'طريق قايد بعد الكارتة يمين
الطريق جيد جدا

فيه اندية هناك للجيش خدمتها واسعارها كويسة
هيا على البحيرات

انا كنت هناك فى العيد الكبير فمنزلتش المياة وما هتمتش انى اتفسح لانى كنت عايز اقعد بعيد عن الدنيا