حاقولك يا باشا سببين في رأيياقتباس:
بس ليه يا شيكو لو جديد بلاش زيرو ؟
١- السائق : أول عربية ديه إلي بتعلمك و تديلك خبرة.... قياس الزيت و متابعة المية و صيانة البطارية ....إلخ و طبعا الطلعة الاولانية بتبقى فيها تغيير شوية حاجات غالبا في العفشة و تبتدي تفهم شوية في ميكانيكا العربية ......و شوية شوية بتعرف المكانيكية و محلات قطع الغيار و الاكسسوار
الكلام ده بياخد وقت سنة مثلا ...بس بيبقى الاساس إلي الواحد بيبني عليه خبرة حياتية صعب تيجي مع الزيرو
٢- العربية : مهما كنت مأمن خبطة الزيرو بتوجع.... ربنا ما يكتب على حد... و مش بس نفسيا لأ ماديا كمان.... كل مطالبة لشركة التأمين حتكلفك فلوس زيادة بعدين.... طبعا الكل معرض للخبطات لكن أكيد سواق مبتدئ بيبقى أكتر عرضة
الحاجة التانية إن العربية الزيرو محتاجة معاملة و طريقة سواقة مختلفة في فترة التليين و ديه صعبة على حد جديد على شوارع المحروسة و الله الموفق