صوت عايز اخلص منه

**3ateef** · 30-06-2010 01:59 PM

يا ريت تراجع المشاركة رقم 19 يا استاذ محمد....

طيب دِه بتتغير عادى (البلية بتاعت الدينامو) يا استاذ محمد ,,,صح ؟؟؟؟

وبص حضرتك انا غيرت البلى اللى عليه اسهم,,,,هل فيه بلى تانى بيتغير عشان اغيره بالمرة ؟؟؟؟ ((وياريت الاجابة تكون لأ) :)

**MMamdouh** · 30-06-2010 02:20 PM

راجعت المداخلة بتاعتك بالفعل... و الاجابة على سؤالك هى لا

انت لما قولت بلية الدينامو انا افتكرت قصدك على البلى اللى جوة الدينامو... انت كان قصدك بلية الشداد بتاع سير المجموعة

MMamdouh

**3ateef** · 30-06-2010 03:08 PM

المشاركة الأصلية كتبت بواسطة mmamdouh

بلى الدينامو مش من القطع اللى بتتغير بشكل دورى

تابع السير العريض حتلاقية بيلف على الدينامو... الدينامو هو اللى بكرتة صغيرة و مكانة تحت خرطوم البوابة

mmamdouh

البكرة دِه بتتغير ؟؟؟؟!!!

آسف على الاسئلة الكتير....

**MMamdouh** · 30-06-2010 03:15 PM

بص يا عاطف انت عمال تحير نفسك و بتغير كل حاجة تقابلك... الاول حدد الصوت جاى منين و بعد كدة تغير

انا مسمعتش الصوت طبعا عشان اقدر احدد هو جاى منين دى حاجة لازم انت اللى تعملها او تروح لحد يكون بيفهم و يحددلك الصوت دة منين

لو انت عايز تجرب بنفسك ممكن تجيب مفك طوير و تحط طرفة على كل جسم معدنى انت شاكك فيه كامصدر للصوت و تط ودنك على يد المفك... انت كدة حتسمع الصوت بوضوح شديد... كرر الاختبار مع كل الاجزاء المشكوك فيها لحد ما توصل للمصدر

لو طلع الصوت من بلية الدينامو يبقى لازم الدينامو يتفح و تفور عشان تغير البليتين اللى جواة او تشترى واحد استيراد

MMamdouh

**jojowork1** · 30-06-2010 10:07 PM

هاقولك علي حاجه بس ما تضحكش عليا عشان انا مره شوف ميكانيكي بيعمل كده مع اني اكتشفت انه ملهوش فيها بقرش بس كان جايب سماعه دكتور وعمال يكشف علي المتور وبصراحه انا شوفت المنظر وفطست ضحك ممكن تعمله هات سماعه وحطها علي جزء جزء لغايه ما تحدد بس متخليش حد يشوفك وانت بتعمل كده

**samirayad** · 30-06-2010 10:31 PM

المشاركة الأصلية كتبت بواسطة jojowork1

هاقولك علي حاجه بس ما تضحكش عليا عشان انا مره شوف ميكانيكي بيعمل كده مع اني اكتشفت انه ملهوش فيها بقرش بس كان جايب سماعه دكتور وعمال يكشف علي المتور وبصراحه انا شوفت المنظر وفطست ضحك ممكن تعمله هات سماعه وحطها علي جزء جزء لغايه ما تحدد بس متخليش حد يشوفك وانت بتعمل كده

**3ateef** · 01-07-2010 06:46 AM

المشاركة الأصلية كتبت بواسطة jojowork1

هاقولك علي حاجه بس ما تضحكش عليا عشان انا مره شوف ميكانيكي بيعمل كده مع اني اكتشفت انه ملهوش فيها بقرش بس كان جايب سماعه دكتور وعمال يكشف علي المتور وبصراحه انا شوفت المنظر وفطست ضحك ممكن تعمله هات سماعه وحطها علي جزء جزء لغايه ما تحدد بس متخليش حد يشوفك وانت بتعمل كده

والله يا باشا فكرت فى كده...

وجارى التنفيذ بأذن الله.....بس اشوفلى سماعة الأول...

**jojowork1** · 01-07-2010 02:29 PM

شكلك بتضحك يا باش مهندس سمير ده انا كنت هاقوله بالمره هات ترمومتر عشان يقسلها الحراره وبالمره ابقي البس البلطو الابيض
علي فكره في سمعات رخيصه تعملها كده بتاع 20 جنيه عند المهمات الطبيه وانت مش عاوز ماركه او حاجه دقيقه يعني
بس برده متخليش حد يشوفك وانت بتعمل كده
انا كنت عامل فكره زي فكره السماعه بس الكترونيه كنت بستخدمها في شغلي ممكن تعملها بس هي صعبه شويه هي مايك ودايره تكبير صغيره وسماعه هدفون وبتحط الميك علي اللي عاوز تسمعه وتسمع في الهدفون بس سماعه دكتور اسهل انك تشتريها او تستلفها من اي حد صحبك عنده سماعه مخرفه