الموضوع: تويوتا سيليكا باب واحد 2000 سي سي

1-ماركة السيارة
Toyota Celica تويوتا سيليكا
ماركة قديمة باب واحد وصدر العربية بالكامل هو هو صدر الكارسيدا

2-الموديل/السنة
1982

3-عدد الكيلومترات
كتير مش عارف بس العداد أكتر من 300 ألف كيلو وأعتقد يزيد لكن هي كانت مرفوعة فترات
من عمرها

4- نوع ناقل الحركة ( مانيوال - أوتوماتيك - ستيبترونيك )
مانيوال

5-لون السيارة
أحمر

6-الكماليات (كاسيت-تكييف-زجاج كهرباء-باور)
تكييف لكن محتاج شحن وتظبيط بس كامل وسليم

7-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة)
رشة من الخارج مرات سابقة

8-حالة الدواخل (رشة مناطق كذاوكذا او فابريكة)
لم ترش من الداخل ولا مرة

9-حالة الصالون (معقول-جيد-جيد جدا - ممتاز- حالة نادرة)
مش عارف أقيم بس شغال محتاج لمسات تجميلية ويكون كويس

10-الحالة العامة او التقييم العام للسيارة (معقول-جيد-جيد جدا - ممتاز- حالة نادرة)
معقولة أو جيدة أو جيدة جدًا هي وجهات نظر

11-حالة البطارية
جيدة غيرتها من فترة بسيطة وتعمل بكفاءة وهي من النوع السائل وليس الجاف

12-حالة الكاوتش (جديد او مستعمل كام كم؟)
الأماميان جديد والخلفيان قديم
والكاوتش عريض وتيوبلس عدا الكاوتش الخلفي الأيسر والاستبن فليهم كاتوش داخلي

13-السعر المبد ئي كام (هل قابل للتفاوض او نهائي)
السعر النهائي 18 ألف جنيه مصري ولا أحب الفصال

14-اسم صاحب الاعلان ورقم هاتفة
الاسم : إسلام علي جابر الهاتف المحمول 0164940417
الاتصال بعد العصر من أي يوم مع ملاحظة أن يجب الجدية في التعامل لعدم الإحراج وتضييع الوقت

15-تاريخ انتهاء الرخصة؟
15 -6 -2010 والترخيص ومكان السيارة في طنطا لكن يمكن تغيير الترخيص لصاحب السيارة الجديد

16-اول يد او ثاني او ثالث الخ الخ
ثالث يد

17-امكانية البيع بتوكيل او اشتراط التسجيل
لا أعرف لكن المحامي سيقوم بما يصلح

18-حالة الموتور
جيدة وهو موتور قوي 2000 سي سي

19-مكان المعاينة
طنطا ـ طريق شوبر متفرع من طريق القاهرة الإسكندرية الزراعي


مواصفات أخرى
السيارة باب واحد شكلها نادر ولها زبونها
ارتفاع السيارة منخفض جدًا
تعمل بالبنزين أو الغاز حسب الرغبة والغاز مدفوع الأقساط بالكامل
ولكن تحتاج لصيانة بسيطة للغاز في الشركة لأني فصلته لأنه غير عملي داخل المدن في السفر فقط هو موفر
الزجاج كهربائي
بها باور كامل
كشافات عيون لكنها لا تدور (المواتير تم خلعها)
كان هناك فتحة سقف كهرباء لكن تم إلغائها وأعتقد يمكن إرجاعها
الموتور على مساعدين أي أنها مثالية في المطبات
الفرامل قوية وسريعة العمل

بعض العيوب
تم تغيير الرادياتير لها والزجاج الأمامي لكنه أصلي نوع ألماني
قطع الغيار للمكاينة متوفرة أما الكماليات فنادرة نظرًا لندرة توع السيارة وأعتقد موجود لها قطع غيار في بعض الأماكن في الجمهورية
المرايات الأصلية غير متوفرة لكن مرايات الشاهين تصلح لها مع عمل بعض الاكسسوارات
بها كدمة بسيطة جدًا عند الباب الأيسر تحتاج لرد ودهان للتجميل
تحتاج لرشة نظافة وللمسات تجميلية
هناك عيوب صغيرة أخرى لكن للأمانة أنا نسيتها الآن ومن يسأل سأجيب إن شاء الله
وهذه بعض الصور وهناك صور اخرى سأرفعها قريبًا

المشاركة الأصلية كتبت بواسطة momo100010

اخى الكريم
اقصد تقيلة يعني مش مطلوبة اوى
يعني انا شخصيا اول مرة اشوفها صراحة ( مع انى بحب اتابع العربيات اللى حوليا ف الشارع المصري )
فالمقصود ان قطع غيارها غالية ( دا لو موجودة )
والحاجة اللى بتبقى قليلة بتبقى قطع الغيار بتاعتها والتدوير عليها ( شبه مستحيل )
والكلام دا عن تجربة
على سبيل المثال :-
انا معايا
فياات
وفيات
بس 131 ( استيشن )
هي مش مختلفة عن ال 131 العادية الا ف الظهر بس
ولما كنت عايز اجيب البلاستيكة اللى بيتحط عليها النمر لفيت عزبة شلبي كتير لحد لما لاقيتها عند واحد واخدتها منه ب 120 جنيه ( مع انها ف نظري متسواش اكتر من 25 جنيه)
بس مش عند حد الا الراجل دا
فهعمل ايه
والفوانيس ملاقتهاش
قلت اعمل ايه
عدلتها بفوانيس سيت
فلازم تدور علشان تلاقي قطع غيارها دا المقصد بانها تقيلة شوية
والمقصد من تقليل او ترييح السعر شوية مش بخس للسعر والله ابدا ابدا ابدا والله واقسم بالله مادا القصد
انا مش بقول لك كلم الراجل المحترم اللي بيفهم واللى بجد شكله استاذ وشكله تاجر ف عزبة شلبي بالفعل ابو 13.500
بالفعل دا راجل يعني 10/10 ( يريت محدش يفهمنى غلط ويظن لا قدر الله انى بتتريق عليه انه تاجر وان التاجر اساسا مبيعملش كده لالالا ابدا )
ولكن يبقى في تفاوض ف حدود المعقول


بس لياا تعقيب صغير
حضرتك قلت ف الاعلان

وبعد كده حضرتك قلت

فهل عليها اقساط لسه ؟
ولا هى لما كانت بالقسط مان 6000
دا فقط للتوضيح

جزاك الله خير
بالفعل كلامك سليم لكن صدر العربية زي الكارسيدا تمام والموتور واحد
أما بقيت الحاجات زي الفوانيس ممكن تتفصل
الإزاز بتاعها موجود أنا مغير الإزاز الأمامي بواحد ألماني أصلي
بالنسبة للغاز هي مركبة غاز ودافعة كل الأقساط يعني بتفول غاز ب 5 جنيه بس تمشيك من طنطا لمصر رايح جاي
لكن الغاز لما فصلته محتاج صيانة في الشركة وهي ليها كروت صيانة بتدفع مبلغ مش كبير يعني

عاوز أقول إني كنت بصلحها عند ميكانيكي خبير كان شغال في الخليج
قال لي العربية دي محترمة والمسمار فيها بعشرة في الفيات بس محدش هنا في مصر يعرف بقدرها لأنه منتشرة في الخليج بس

وسبب البيع هو إني لا أخرج خارج البيت حاليًا وغير محتاجها
وأسطوات التصليح في منطقتي يطلعوا الروح ومنهم كتير حرامية للأسف !

المشاركة الأصلية كتبت بواسطة mexmarine

انا كنت هشترى واحده موديل 86 فول اوبشن وش ترانس ام من حوالى 6 سنين و كانت بتتباع بحوالى 16000 ,, ربنا يوفقك فى البيع

الله يبارك فيك
بس من 6 سنين أكيد كانت هناك ظروف غير دلوقت
الفلوس نفسها أصلا معدش ليها قيمة نقدية بسبب غلاء الأسعار
يعني 16 من ست سنين زي 20 دلوقت
وعلى العموم العرض لازال قائم إن شاء الله لمن يحب هذه النوعية من العربيات