لو خيرتك بين العقل والمال ؟ تختار ايه

**SaberMan** · 13-05-2010 08:05 PM

العقل طبعا دا من غير الناس تلعب بينا و تقسم كمان

الحمد لله على نعمة العقل

**ams** · 13-05-2010 09:45 PM

المشاركة الأصلية كتبت بواسطة hesham_7amza

واشمعنا المينى كوبر

يعنى تحسها كده ماشيه

و انا كمان شايف ان المينى كوبر اغلى كتير من قيمتها بالنسبه لى

**aif** · 13-05-2010 09:59 PM

فيه حكمة بتقول ان الله عندما خلق الانسان خلق له شيء دائما ما تجد الناس لا ترضى به وشيء دائما ما تجد كل انسان راضي به تماما
الشيء الذي لا يرضى به احد هو الرزق ...... كل واحد مش عاجبه رزقه وعاوز اكتر وشايف نفسه يستحق اكتر من كده ... الغني والفقير ....لو سألت احمد عز وسألت الشحات اللي في الشارع ح يقولولك نفس الشيئ
والشيء الذي يرضى به الجميع ولا يرضو بغيره بديلا.... هو العقل ... كل واحد عاجبه عقله جدا .... العبقري والمجنون ..... لو سألت احمد زويل وسألت بلحه بتاع العباسية ..... ح يقولولك نفس الشيء

**mahmoudselim** · 14-05-2010 01:52 AM

المشاركة الأصلية كتبت بواسطة m_elkhishin

كلام حضرتك صح طبعا، بس العقل بيكون نعمه فطرية غير مكتسبة ، انما المال نعمة مكتسبة.
يعني اليي بيتولد عاقل بيفضل طول عمره عاقل والعكس صحيح. انما الفقير ممكن يبقى غني والغني ممكن يفتقر.

الخلاصة : ممكن أي حد يمنح أي حد المال، ولكن مفيش أي حد ممكن يمنح أي حد عقل.

ياباشا دا سؤال افتراضي.. يعني تسلية مس اكتر
واكيد يعني الناس كلها عارفة ان نعمة العقل ودرجات الذكاء دي هبة من الله سبحانة وتعالي
وكذالك المال علي فكرة هبة من الله سبحانة وتعالي, يعني واحد غني ادي لواحد فقير مال والفقير افتكر ان الدنيا ضحكتلو وهايجيب كل ال اتحرم منة شوية وربنا ابتلاة بمرض صرف علية كل الفلوس ال اخدها .. والذكاء كمان ممكن يتنمي لدرجات كبيرة لو في اهتمام بتعليم الطفل وهو صغير.. خد مثل عندك اليابان بكل الاختراعات الجبارة ال فيها وبتطلع من شباب صغير في السن اكيد يعني كلهم مش عباقرة انما في اهتمام بالتعليم من الصغر. كأن بالظبط عندك جهاز كمبيوتر لازم تعملة ابديت كل فاترة علشان يقدر يستوعب البرامج الحديثة ,, دي برضوا فكرة العقل البشري لازم الاهتمام بالتعليم وزيادة المعرفة علشان يقدر يتطور للافضل .

**ahmedegypt** · 14-05-2010 02:50 AM

انا عن نفسى هختار الاتنين

انما لو حضرتك مصمم على حاجة واحدة يبقى العقل ليه

بالعقل هشغل دماغى و هحصل على المال

انما الفلوس مابتشتريش دمغة صح و الفلوس لو مع واحد عبيط ممكن يصرفها ويعيش شحات (خد من التل يختل)

**m_elkhishin** · 14-05-2010 03:59 AM

المشاركة الأصلية كتبت بواسطة mahmoudselim

ياباشا دا سؤال افتراضي.. يعني تسلية مس اكتر

يا باشا مانا عارف انه سؤال للتسلية فقط ، ولو قريت التعليقات في الأول حتلاقيني رديت رد بنكته تتناسب مع جو التسلية. لما لقيت الناس بتتكلم جد علقت تعليق اخر يتناسب مع الكلام الجد.