لو خيرتك بين العقل والمال ؟ تختار ايه:whtauwant::36_1_1[1]:
بدووووووون زعل
و محدش يضرب:3mla::POINTIy2[2]:
عرض للطباعة
لو خيرتك بين العقل والمال ؟ تختار ايه:whtauwant::36_1_1[1]:
بدووووووون زعل
و محدش يضرب:3mla::POINTIy2[2]:
هختار المال , هو دة البقى شغال
مبقاش في عقل اليومين دول !!
سيبك انت احنا عندنا العقل ومش لاقيين المال ياتري لو رجع بينا الزمن واخترنا العقل هيكون معانا المال
اللي عنده عقل في مصر هايموت مجنون
بس طبعا العقل مهم ..مال كتير بلا عقل محصلته صفر
المال طبعا ....
و متقوليش بالعقل هتجيب المال ...
عشان المال بيجي بالسرقة بس
عملنا ايه بالعقل .... طب انا اخترت المال .... ابيع دماغي فين عشان اقبض ؟؟؟؟؟
هختار لعقل ولا مال كنت اتمني اني مجيش الدنيا دي
أكيد هختار............. كمل انت بقى الاجابه :majd(4):
دماغى من غير فلوس مشكله ممكن احلها , لكن فلوسى من غير دماغ مشكله مستحيل تتحل
انى اقعد زى الكرسى فى وسط ناس مثقفه فلوس الدنيا مش هتعوضنى ابدا الاحساس ده , وان يتقال على ده كيس فلوس مش فاهم اى حاجه ده برده احساس صعب قوى
فكرتني بنكته
واحدة بتسأل جوزها ، لو خيروك بين العقل والمال تختار ايييه؟؟؟
قالها اختار المال، وهي قالتلو انا بقى أختار العقل
قاللها والله كل واحد بيختار اللي ناقصه
.
المال طبعا بس اكتر حاجه بكرهه الغباء والتخلف
الذكي يختار المال وبفلوسه يروح يتعالج ويخف ويطلع يستمتع بالفلوس
اللى عنده عقل احسن من اللى عنده مينى كوبر
أختار المال ،،،
هات بقه !!!
العقل بمعني اية؟ لو الذكاء الخارق
اختار العقل طبعا , واخترع 100 حاجة تفيد الناس
ومش مشكلة عندي اموت في بدروم
السؤال بصيغة اخرى
تختار تكون مجنون وعندك مال ما تعرفش تتصرف فيه .... وغيرك هو اللي يتحكم في مالك .... او انت تضيعه بقلة عقلك
ولا تكون عاقل بس ماعنكش فلوس ..... لكن بعقلك وجهدك ممكن تجيب فلوس ..... ولو ماجبتش برضه تبقى عاقل والناس بتبصلك على انك عاقل مش مجنون
...
ده سؤال سهل جدا .....
مين يقبل يبقى مجنون ..... دي نعمة العقل ربنا ميز بيها بني آدم ..... نيجي احنا نقول الفلوس افضل .......... اكيد اللي بيقول الفلوس بيهزر طبعا
العقل نعمه من عند ربنا نحمد الله عليها و نشكر الله
المال و البنون زينه الحياه الدنيا
الحمد لله علي نعمه العقل
عشان تصرف فلوس بعبط لازم تبقى مجنون
انا لما قرأت عنوان الموضوع كنت فاكر انى انا بس اللى هدخل اقول انى هختار المال لكن واضح ان المنتدى طلع كله مفلس ههههههههه
تقبل تحياتى
(( العقــل )) بكل تأكيد.... لأن عقلك هو رأس مالك, و بيه تقدر تجيب الفلوس, و تكسب احترام الآخرين...
احنا اللي بنعمل الفلوس, مش الفلوس هي اللي بتعملنا, و عمر الفلوس ما عملت بني آدم
ده رأي الشخصي...
الحمد لله على نعمه العقل
كلام حضرتك صح طبعا، بس العقل بيكون نعمه فطرية غير مكتسبة ، انما المال نعمة مكتسبة.
يعني اليي بيتولد عاقل بيفضل طول عمره عاقل والعكس صحيح. انما الفقير ممكن يبقى غني والغني ممكن يفتقر.
الخلاصة : ممكن أي حد يمنح أي حد المال، ولكن مفيش أي حد ممكن يمنح أي حد عقل.
العقل طبعا دا من غير الناس تلعب بينا و تقسم كمان
الحمد لله على نعمة العقل
فيه حكمة بتقول ان الله عندما خلق الانسان خلق له شيء دائما ما تجد الناس لا ترضى به وشيء دائما ما تجد كل انسان راضي به تماما
الشيء الذي لا يرضى به احد هو الرزق ...... كل واحد مش عاجبه رزقه وعاوز اكتر وشايف نفسه يستحق اكتر من كده ... الغني والفقير ....لو سألت احمد عز وسألت الشحات اللي في الشارع ح يقولولك نفس الشيئ
والشيء الذي يرضى به الجميع ولا يرضو بغيره بديلا.... هو العقل ... كل واحد عاجبه عقله جدا .... العبقري والمجنون ..... لو سألت احمد زويل وسألت بلحه بتاع العباسية ..... ح يقولولك نفس الشيء
بصراحة شديدة أنا متفق مع مدام زكية زكريا في مقولتها العقل زينة في الفاترينة
ياباشا دا سؤال افتراضي.. يعني تسلية مس اكتر
واكيد يعني الناس كلها عارفة ان نعمة العقل ودرجات الذكاء دي هبة من الله سبحانة وتعالي
وكذالك المال علي فكرة هبة من الله سبحانة وتعالي, يعني واحد غني ادي لواحد فقير مال والفقير افتكر ان الدنيا ضحكتلو وهايجيب كل ال اتحرم منة شوية وربنا ابتلاة بمرض صرف علية كل الفلوس ال اخدها .. والذكاء كمان ممكن يتنمي لدرجات كبيرة لو في اهتمام بتعليم الطفل وهو صغير.. خد مثل عندك اليابان بكل الاختراعات الجبارة ال فيها وبتطلع من شباب صغير في السن اكيد يعني كلهم مش عباقرة انما في اهتمام بالتعليم من الصغر. كأن بالظبط عندك جهاز كمبيوتر لازم تعملة ابديت كل فاترة علشان يقدر يستوعب البرامج الحديثة ,, دي برضوا فكرة العقل البشري لازم الاهتمام بالتعليم وزيادة المعرفة علشان يقدر يتطور للافضل .
انا عن نفسى هختار الاتنين
انما لو حضرتك مصمم على حاجة واحدة يبقى العقل ليه
بالعقل هشغل دماغى و هحصل على المال
انما الفلوس مابتشتريش دمغة صح و الفلوس لو مع واحد عبيط ممكن يصرفها ويعيش شحات (خد من التل يختل)