عاوز أبيع عربيتى مش عارف أطلب فيها كام

السلام عليكم ورحمة الله وبركاته

عندى عربية 128 موديل 1983 مجددة بالكامل من أسبوع تقريبا
سمكرة ودوكو وعفشة وموتور وضفيرة كهربا جديدة وفرش الأرضية والسقف جديد
هو الموتور مش عامل عمرة كاملة لأن الميكانيكى قالى مش محتاجة ، لكن معمول لها طقم شنبر ووش سلندر.
بالنسبة للعفشة (مقصات جديدة وبارات جديدة وجلب مقصات خلفى جديدة)

العربية محتاجة فردتين كاوتش جداد وفيها مشكلة فى الدينامو انه مش بيشحن على السلانسيه والكهربائى قالى انه حلها ان نجيب دينامو شاهين استيراد.

ياريت ألأخوة هنا يساعدونى فى تحديد سعر مناسب للعربية علشان عاوز ابيعها من غير ما أظلم حد ولا حد يظلمنى.

شكرا

أبوسيف

انا محتاج 128 وده السبب اللى بيخلينى ببيع السيات

ممكن اعرف منك هى نمرها قاهرة وللا محافظة تانية وهل رخصتها باسمك وللا فيها توكيلات

بعد كدة ممكن نثمنها بما يرضى الله ودى سهلة

سبعاوى

هى نمرها قليوبية مرور شبرا الخيمة وفيها رخصة لمدة سنة ونص (نهاية 2009) بأسمى
ومفيهاش اى توكيلات

كان نفسى اخدها منك لكن انا فقط استطيع شراء سيارة ملاكى القاهرة نظرا لظرف تتعلق بمن يساعدنى فى انهاء اجراءات نقل المكية، بس عموما طبقا لتوصيفك للسيارة انت ممكن تبتدى ب20 الف جنيه، ولو قلت حاجة بسيطة تبقى متباعة لا ظالم ولا مظلوم

ألف ألف شكر يا باشمهندس خالد أنا هاعرضها للبيع بالسعر اللى انت قلت عليه وربنا يسهل ان شاء الله.

انا محتاج عربية بالمواصفات المذكورة ممكن أعاينها وياريت مساعدة سبعاوي في المعاينه التقييم (انا عارف اني كده بتقل عليه بس أنا عارف انه لو يقدر مش هايتأخر)

ماجد عبد الرازق

ممكن بس استفسار خاص بحاله العربية - فابريقه دواخل ولا لأ وحالة الصالون ولو في صور للعربية من بره وجوه يبقى فل

و لكم جزيل الشكر

ماجد عبد الرازق

هى العربية رشة دواخل لكن حالتها العامة جيدة ، وزى ما قلت قبل كدة هى محتاجة بس فردتين كاوتش بدل الأتنين اللى ورا أما اللى اتنين اللى قدام عاملين أقل من 10000 كيلو. كمان فيها مشكلة فى الدينامو انه مش بيشحن على السلانسيه ودى تكلفة حلها حوالى 150 جنيه (دينامو استيراد).
بالنسبة للصور هاحاول أصورها واحط الصور بتاعتها هنا قريب ان شاء الله.

عربيه 128 موديل 93 مشدوده بالكامل رشه دواخل نضافه اساسيات سليمه بش محتاجه اي مصاريف اللون سماوي ميتالك اللبيع لشرا سياره زيرو الثمن 23000والمعاينه خير دليل علي حاله العربيه

موديل 83 بعشرين الف

انا كمان بدور على عربية 128 بس انا شايف حاجات فابريقة دواخل و حالتها جيدة جدا ب 17 الف و نظرا ان المبلغ اللى معايا اقل شوية فمقدرتش اخدها

معاااااااااااااك يا طارق نوكيا يا مهندس خليهااا تصدىىىى