حد خادله بصه على جروب مالكى الكارينز
السلام عليكم
بصراحه جروب الكارينز من أفضل الجروبات على الاطلاق - ما شاء الله - إذا خدت بصه سريعه كدا هتلاحظ كميه المناقشات والكلام الى بيتقال فى الجروب والمساعده الى بين الملاك والتفاعل الدائم.
رغم أن عدد المشتركين فى جروب الكارينز حاجه وتلاتين عضو وجروب السيراتو بتاعنا حاجه وستين إلا أن مفيش مقارنه بين الجروبين وكميه التجاوب فى جروب الكارينز أكبر بكتير من جروبنا العيان :)
حاجه كمان لاحظتها وهتلاحظوها انتم كمان لو زرتم الجروب أن الكارينز هى الاخرى فيها مشاكل ربما لو طرحت على صفحات القسم لنالت قسط مما تناله أختها السيراتو.
لكن متلقيش أى مشكله فى الكارينز مطروحه على صفحات المنتدى -حد لقى موضوع واحد - لكن كل المشاكل موجوده على الجروب وبعضها أتحل بردو من على الجروب بفضل تجاوب الملاك وحرصهم على المساعده.
الى بيعمله الملاك فى جروب الكارينز كانت أول فكره جاتلى لما أنشأت الجروب بتاعنا ورغم أننا سبقناهم فى الانشاء إلا أننا متأخرين بمراحل فى الغايه. تحيه لجروب مالكى الكارينز وكل أعضائه وتحيه للقائمين على الجروب ومن يساعدوا على أستمراره.
لينك الجروب للى يحب يلقى نظره
http://www.nilemotors.net/Nile/group...ns-owners.html