يا جماعة انا حشتري عربية الاسبوع الجاي ومحتار اشتري اسبرانزا 516 ولا اشنري لوجان
ولا اشتري لانسر 2006 شوري عليا يا اهل الخبرة :majd(4)::majd(4)::majd(4):
عرض للطباعة
يا جماعة انا حشتري عربية الاسبوع الجاي ومحتار اشتري اسبرانزا 516 ولا اشنري لوجان
ولا اشتري لانسر 2006 شوري عليا يا اهل الخبرة :majd(4)::majd(4)::majd(4):
الزيرو زيرو..... و اللوجان افضل طبعا
لانسر 2006 ,, قوة المكيف انتشار قطع الغيار سهولة البيع ياباني شعبية
لوجان
مع اني مش بحبها
لوجان بدون تفكير
لو لانسر انت عارف صحبها وضامنها 100% اتكل على الله
لو مش ضامنها الزيرو افضل طبعا
لو ضامن اللانسر تماماَ توكل على الله وهاتها وعربيه محترمه طبعا ومش متعبه في اى حاجه من صيانه او قطع غيار او اعدة بيع
لو زبرو انا افضل ال516 بصراحه ........ مش لسبب معين بس فعلا بكره اللوجان كره لا مبرر له
ولا تنسى الاستخاره
كده حضرتك دخلت عش الدبابير
طبعا ملاك اللوجان ها يقولوا فيها شعر
الاسبرانزا عربيه صيني ولم تحقق اي نجاح يذكر في السوق المصري
اللوجان طبعا مغرقه الشوارع وبين كل عربيه وعربيه تلاقي عربيه
الاسبرانزا ليها 4 سنوات في السوق المصري ولم تحقق ايه نسبه مبيعا ت علي الاطلاق
اسبرانزا مجرد كماليات ومنظر علي الفاضي
الاسبرانز عفشتها ليست عفشه البومه طبق الاصل
الاسبرانزا الموتور بيقع لوحده من العربيه وانت ماشي
الاسبرانزا الصاج الخارجي ضعيف جدا وبيطبق من الهواء
الاسبرانزا ليس لها اي ثبات علي الاطلاق اخرها 170 كيلو متر في الثبات
الاسبرانزا ليس وزنها 1300 كيلو جرام فاضيه وعلشان كده ما لهاش ثبات نهائي
الاسبرانزا الصالون ضيق جدا جدا جدا
الاسبرانزا موتورها ليس 2 كامه 117 حصان ولو محمل العربيه مش ها تسحب معاك خالص
الاسبرانزا ليست جميع الكماليات بمعني الكلمه
الاسبرانزا ليست مريحه في القياده الداخلييه وفي المسافات الطويل السفر يعني
الاسبرانزا لاتعطيك احساس عن جداره انها سياره فخمه بفضل حجمها الصغير جدا وطبعا لانها صيني
فشل الاسيبرانزا عن جداره في مشروع احلال التاكسي وتفضيل السائقين لانواع اخري عنها
الاسبرانزا قطع غيارها غاليه جدا جدا جدا وغير متوفره الافي التوكيل المرايه تقريبا 1500جنيه تقريبا
تكييف الاسبرانزا با جماع فاشل فاشل فاشل يجيبلك نزله برد بس
كماليات الاسبرانزا طبعا زي ما قولت منظر علي الفاضي
جنوط اسبور
مرايات كهرباء
تكييف تتش
فرامل abs
سنتر وانذار ووحده رفع
مفتاح مشفرو لفتح الشنطه من الخارج
طي الكنبه الخلفيه للاستفاده من المساحه
فتح تانك البنزين من الداخل
تقريبا الكماليات طبعا زي ما قولت سابقا كلها تتلف سريعا لانها زي ما انت عارف صيني طبعا
وفي الاخير الحكم لك والاختيار لك
hugan انت فرمت الاسبيرانزا بس بمبالغة كبيرة ياراجل
يا اخ هوحان كلامك جامد واقنعني بجد اكتر ما عاجباني العربية دي وكل الناس فهمت كلامك صح وانا اولهم
طيب اشترييها من فيين
انا والله افتكرتك بتتكلم بجد وداخل اقول ايه الكلام دااقتباس:
المشاركة الأصلية كتبت بواسطة hugan
بيتريق بس انا في الاول برضو افتكرتو بيتكلم بجداقتباس:
المشاركة الأصلية كتبت بواسطة bakroov
العربية كعربية حلوة جدا جدا جدا بس يعيبها بس ان هتلاقي حاجات صغيرة كدا بتبوظ "يعني لمبة تتحرق كلام من دا" وتيل الفرامل بيتاكل على طول
بس العربية سحبها خطييييييييييييييييييييييي ييييييييييييييييير
وهقول مميزاتها بس من غير تريقة:w6266d
الصاج الخارجي قوي جدا جدا اقوى من معظم العربيات ال في السوق دلوقتي
ثبات فظيييييييييييييييييييع لغاية 160 وانا ال سايق و 185 وانا راكب جمب ال سايق وكانت ثابتة وممكن تزود عن كدا
كماليات كويسة جدا بالنسبة لسعرها وصالون واسع وفخم الى حد ما
هكتب بقى الكماليات ال حطها الاستاذ هوجان
جنوط اسبور
مرايات كهرباء
تكييف تتش
فرامل abs
سنتر وانذار ووحده رفع
مفتاح مشفرو لفتح الشنطه من الخارج
طي الكنبه الخلفيه للاستفاده من المساحه
فتح تانك البنزين من الداخل
والتكييف طبعا قوي جدا جدا هو اقوى من بتاعي واقوى كمان من بتاع السيراتو
واحب اضيف اني معرفش عن اللوجان غير شكلها
يا اخونا انا بصراحه مش با عرف اعمل اقتباس متعددفا ها ارد من غير ما انقل صور المشاركات
اولا
انا شاريها من سمير ريان
13/7/2008
الحمد لله استعمال 40000 كيلو مفيش اي شيء حمدا لله
ولا لمبه باظت ولا انذار علق ولا مكن زجاج فوت لا اي شيء من الكلام طبعا اللي الكل عارفه
انا كتبت التعليق في صوره سخريه من السياره طبعالاني متوقع الاجا بات
احذر الصيني وما يتبعه من تعليقات
حقيقي الحمد لله العربيه فعلا تتفوق عن جداره وتنافس عربيات تتعداها ب25000
واللي يعترض يعترض
للعلم العربيه الاسبرانزا لو كانت نازله فوتو كوبي نسخه طبق الاصل بس عليها اي علامه طبعا من الاسماء الرنانه صدقوني ولا كلمه كانت تتقال عليها
المشكله الاكبر والشيء الاكيد اللي انا واثق منه
ان تسعين في الما ئه من اللي بيهاجمو الاسبرانزا
اكاد اجزم واوءكد انهم ولا عمرهم ركبو الاسبرانزا ولايمتلكون سياره من
الاساس
كله بيهاجم با لسمع
اقصي شيء انه ممكن يكون اخد عربيه لفه من واحد صاحبه
نصيحة لوجه الله
بلاش اسبيرانزا
الحمد لله ليس لدي عقد من السيارات الصيني او المنتج الصيني الذي اعتقد انه قادم قادم
لكن بتجربة السيارة الاسبرانزا مع احد اصدقائي و خالي
و الاثنين من الزيرو و قيادتهم ممتازة
السيارة بعد فترة هتنكد عليك لما تلاقي اكر الابواب اتكسرت او باب ميفتحش او كوبلن باظ بعد 10 الالاف كيلو مع ان قائد السيارة رجل في الخمسين بيحسس علي العربية و لا يقرص علي السيارة خوفا من السرعة نتيجة حادثة سابقة تعرض لها علمته درسا بالطريقة القاسية :majd(4):
الان سيارة صديقي لها عامين عبارة عن شبح سيارة للاسف اعطال سخيفة جدا نتيجة ردائة الخامات المستخدمة
و ندم بالغ علي شراء السيارة
" صديقي سبق له امتلاك و قيادة 128 و 127 و سوزكي و فورد ايسكورت و تيوتا كرولا 2001 و اخيرا الاسبيرانزا "
"خالي قاد انواع لا تعد من السيارات في السعودية ثم جين 2 في مصر عند عودته ثم استبدلها بالاسبيرانزا من اجل ظروف خاصة "
لاحظ انه للامانة ان السيارة تتمتع بموتور قوي جدا بيسحب و زي الفل و تكييف رائع و رحابة صالون متميزة
لكن انت لا تشتري سيارة زيرو بما يقارب ال 70 الفا كي تشتري موتور و تكييف متميزين فقط
فسيارة مثل اللانسر- علي سبيل المثال- سر تميزها انها تحصد علامات فوق متوسطة او متوسطة في كافة الاوجه مما يجعلها خيار لائق لكافة الاذواق
اخيرا انتشار اي سيارة في السوق المصري ليس معناه نجاحها
و ليست لدي خلفية او تجربة عن اللوجان كي ارشحها او استبعدها من الاختيار
ما لدي من معلومات فقط عن الاسبيرانزا
و هي المرة الاولي التي ادلي فيها برأي عن الصيني حيث لم يكن لدي وقتها اي خلفية عنه تمكنني من ذلك
بالتوفيق لك في قرارك
و عميق احترامي لكل اصحاب السيارات الصيني - و منهم اقاربي و اصدقائي-
لاتعليقاقتباس:
المشاركة الأصلية كتبت بواسطة Dr Zezo
انا مش ضد اختيار اي حد ... انا ضد الصناعة الصينية مجملاً و ضد الشعب الصيني و ضد تشجيع منتجاتهم و هذا هو مبدأي عند الشراء ..بس كدا
متابعك يا ريساقتباس:
المشاركة الأصلية كتبت بواسطة m.osman
وكنت عارف كرهك للمنتج الصيني
بس الصين مظلومه
السيء هوالمستورد لانك اكيد عار ف جوده منتجهم في اوروبا وامريكا
لكن اوكد ان الاسبرانزا تختلف لسبب بسيط
واحد بن حلال فهمهوني
حسام ابو الفتوح
الراجل اولا مش مستورد
ثانيا خط انتاج وعماله ومصنع شغال
يبقي الكلام المنطقي ان الراجل مش هايضحي بكل ده
لا هو عايزمصنعه يشتغل وعايز مراكز الخدمه بتاعته تشتغل وعايز قطع الغيار اللي بيستوردها تتباع ويكسب
يعني الراجل مش جايب صفقه من الصين وعايز يبيعها ويدبس المشتري ويخلع
هنا الفرق يبقي لازم يعمل شيء جيد ويحقق سمعه طيبه علشان المنتج بتاعه يتباع
يا ريت عرفت اكون وضحت وجهه النظر
معلش الكلام ده يتطبق علي ابو الفتوح
والبا فاريه
والامل بتوع بي واي دي
اظن التلاته فعلا شغالين كويس والدليل ال بي واي دي لما كان الامل بيستوردوها لم تنجح اول ما ابتدو يجمعوها في مصر ابتدت النا س تتكلم عليها
سيدي الفاضل hugan
صدقني لم اظلم السيارة و لم اكن متجنيا عليها ابدا
فعندما يقيم خالي لدينا في المنزل عاما كاملا بالسيارة نظرا لظروف عمله و نري اداء السيارة لا تستطيع ان تتهمني بأني لم اجرب او اختبر السيارة او علي الاقل اري متابعة شبه يومية لما يحدث فيها
نفس الامر مع صديقي الذي لديه السيارة منذ عامين رايحين جايين معاه
و من اول ثلاثة اشهر بدأ الشكوي من العفشة و الفرامل abs و عدم وجود حل لها بالتوكيل و مازالت لا تعمل الي الان حسب كلامه
الامر ليس تجني ابدا و ليس سماع من غير تجربة
و لو كان الامر بالسماع لكنت ابديت رأيا عن اللوجان لكن ليس لدي اي معلومة حقيقية عنها غير ما اقرأه و اسمعه فقط
و هو غير كافي لكي ابدي فيها رأيا لغيري
و علي الرغم من ان الاسبيرنزا الان منتشرة بشكل كبير الا انه ليس بدليل علي نجاح السيارة بقدر ما هو دليل علي شطارة توكيلها في التسويق
كما السيارة الافيو مثلا التي بها الكثير من المشاكل حسبما نقرأ و نسمع و رأيت اخرها في سيارة موديل 2010 كورية الصنع
و مع ذلك السيارة منتشرة :36_7_4[1]:
لذا الانتشار ليس بدليل نجاح في السوق المصرية
و كونك سيدي لم تصادف مشكلة فهذا لا يعني وجود اخرين لديهم مشاكل:satelite:
و حتي لا ينحرف الموضوع عن مساره سأكتفي بذلك متمنيا لصاحب الموضوع ان يوفق في اختياره بإذن الله راجيا الا يكتفي بالاستماع الي تجارب الاخرين فحسب بل عليه ان ينزل بنفسه لكي يشاهد السيارات التي وضعها في اختياراته :ask:
طبعا انا مقدر وجهه نظرك دكتور زيزو
طبعا الدفعات الاولي من السياره كانت مليئه با لعيوب ولا احد ينكر ذلك
لكن التاجر الشاطر هو اللي يعرف غلطه فين ويصلحه
وهو ده اللي عمله ابو الفتوح
مازال يجري تعديلات للسياره حتي الان في مديلات 2010
واظن ان ده سبب من اسباب نجاحه
وطبعا وارد عيوب في اي نوع من انواع السيارات مهما كان اسمها
بغض النظر عني وان الحمد لله مفيش مشاكل عندي
للعلم صديق من اصدقائي ومن الاوائل اللي حجزوا الدفعات الاولي اواخر 2006
170000ايون 170000في اقل من 4 سنوات
العربيه تمام تمام الصيانه الدوريه وطبعا بتبقي علي كل العربيات
المشكله عزيزي
اننافي مصر من الممكن ان نقبل اي عيب اي عيب من اي ماركه تانيه واكيد المنتدي مليان كوارث من عربيات زيرو واسماء لامعه ومبالغ طائله
لكن المصريين او بعضهم منتظر من السيارات الصيني ان تنا فس اعتي الماركات ولا يوجد ادني استعدادلظهور اي شيء من عيوب الصناعه بها
وتقبل تحياتي
احب اقول برضو ان عربية صحبي من اوائل الدفعات ال نزلت خالصاقتباس:
المشاركة الأصلية كتبت بواسطة hugan
والعربية مش هقول بنحسس عليها والكلام دا العربية كنت انا وهو بنبهدلها "قبل ما انا اجيب العربية"
وبصراحة مستحملة ومبتقولش لا
مؤخرا هو انشغل اوي مبقاش يوديها الصيانات ولمض التابلوه كلها كانت منورة وبرضو شغالة مبتقولش لا
ولما رجع ظبطها وغير ال عايز يتغير العربية بقت زي ما تكون جديدة
بس برضو لازم الواحد يقول العيوب
غيرلها لمبة الفرامل حوالي 3 مرات ولمبة الشبورة مرة "معتقدش انها حاجات مؤثرة"
ال غيره كتير شوية تيل الفرامل
شئنا ام ابينا فلابد من الاعتراف ان فرق اسعار الصينى يستحق حتمال بعض العيوب خبرنى بالله عليك لولا الصين كان ممكن موظف يتكلم فى فرامل مانعة للانغلاق بعد ما كان اقصى امانيه ان تيل ال28 مايصفرش ...!!!!!!!!!!!!!!!
انا معايا سبيرانزا....
جبتها في الدفعة الاولي 2007 و عامل بيها 70000 كم
عيوبها كتير و بدات تظهر من تاني سنة
التكيف باظ من غير سبب في تاني سنة و غيروا سربنتينا في التوكيل ب 800 جنيه بس كانت في الضمان...الله اعلم هاتبوظ تاني امتي
والدي معاه نفس العربية سير الكاتينة اتقطع في اول سنة و هو عامل بيها 30000 كم من 2007 بس يعني مش بيستهلكها قوي..مرة واحد راكب جنبه بيفتح الباب الاكرة طلعت في ايده
وبعدين معلش الاخ اللي بيقول الاسبيرانزا صاجها قوي...دي مشهورة انك لو قفلت الشنطة بتاعتها جامد شوية بتتطبق و دي حاجة كل اللي معاهم سبيرانزا عارفينها...و انا شخصيا لاحظت تتطبيقه خفيفة في الشنطة في اول اسبوع بعد ما اشترتها و افتكرت ان حد خبطها خبطة خفيفة او سند عليها لان البوية كانت سليمة و بعدين مع انتشار العربية لاحظت العيب ده في نص العربيات تقريا...انبعاج خفيف في الشنطة جنب النمر و البوية سليمة...و ده بيحصل لو غطاء الشنطة اتقفل جامد...المضحك انك لو مارزعتش الغطاء عمره ماهيقفل
في كم لمبه اتحرقت بعد اول سنه و رشاش الميه بتاع الازاز اتقطع بدون سبب
من شهرين...العربية كانت يادوب 70000 كم و تمت 3 سنيين و لسه عامل صيانة ال70 الف...و مرة واحد وانا علي الدائري لقيت لمبة الحرارة نورت عداد الحرارة مولع....وقفت و نزلت طلع في خرطوم من الموتور للريداتير مقطوع...كده لوحده...هو عمره كده...يا تري في ايه تاني هايتقطع ولا يفرقع لحد ما ابيعها اخر السنة دي
اه و كمان الصبح لما بتكون باردة و ادورها بتعمل صوت زن عالي و بيروح بعد شوية و شكله سير كاتينة مش دينامو..و اخر مرة في التوكيل قلتلهم عليه قالولي صلحناه و طبعا ماينفعش اتاكد لان لازم العربية تكون باردة خالص و تاني يوم الصبح الصوت زي ماهو و انا متاكد انه اصلا ماحاولش يشوف العيب ده...و ده من اسوأ التوكيلات اللي شفتها...جايبين شوية مهندسين و فنيين شغلتهم يقلولك حاضر و ان شاء الله و يمشوك من غير ماتستفيد حاجة بعد ماتكون ضيعت نهار بطوله و لاحظت كمان انهم بيتعاملوا باستخفاف مع شكاوي الناس و هين عليهم يقلولك "شاري عربية صيني...و كمان بتتأمر" و طبعا مارحتش تاني و ماشي بيها كده و خلاص لانها ماتستاهلش الواحد يضيع وقت في تصليح حاجة ماتسواش...ان شاء الله علي شهر 10 ابيعها و تجيب اللي تجيبه و لو ماحدش اشتراها هارميها في الزبالة.
انا مش هاشكر ولا اعيب في اللوجان او اي عربيات تانية لاني ماجربتهاش ..انا بس حبيت اقول تجربتي مع الاسبيرانزا...و يمكن الكلام اللي انا قلته ده عادي و بيحصل في الهيونداي و اللانوس...الله اعلم
ملحوظة: انا كان معايا كيا ريو موديل 2001 اشترتها في 2004 و فضلت معايا لحد 2006 و بعدين عملت حادثة كبيرة و بعتها خردة
والله العظيم قعدت معايا سنتين و مش زيرو و عمري ما رحت بيها لميكانكي و لا عملتلها صيانة و لا حتي كنت ببص علي مية و زيت و كانت زي الفل
لوجان او ساجا الزيرو افضل :w6266d
ربنا يوفق
السلام عليكم اسمحلي اشارك في الحوار بصفتي مالك للسيارتين الاسبرانزا سابقا و اللوجان حاليا
نبتدي بالشكل : بصراحة انا بحب شكل الاثنين جدا
الموتور : بالرغم من ان العربيتين 1600 الا ان موتور الاسبيرانزا يتفوق بشكل واضح في السحب- التكنولوجيا- هدوء الصوت - توفير البنزين.
العفشة : لصالح اللوجان قلبا و قالبا من حيث النعومة و العمر الافتراضي الأطول الاسبيرانزا عفشتها ناشفة و بترزع
الصاج : علي الرغم من ان اغلب الناس بتقول علي صاج الاسبيرانزا قوي الا اني اختلف معاهم بشدة و عن تجربة مع الحوادث المختلفة بدءا من الدراجة اللي طبقتلي الرفرف الي الميكروباص اللي خلعلي الاكصدام و اعتقد ان صاج اللوجان أقوي باستثناء الرفارف و الاكصدامات
الخامات الداخلية : اللوجان تتفوق قليلا من حيث خامة الدركسيون و التابلوه اما اكر الباب الداخلية فهي ضعيفة جدا في الاثنين و قابلة للكسر و خامة دركسيون الاسبيرانزا سيئة جدا الكلاكس كان بيلزق في الشتاء !!!!! الفرش جيد في الاثنين .
اضاءة الصالون الداخلي افضل في الاسبيرانزا و ايضا الاضاءة الخارجية اقوي في الاسبيرانزا
الوسع الداخلي : الاتنين ما شاء الله و اسعين بشكل واضح و اوسع من السيارات اللي في نفس الفئة السعرية و لكني اعتقد ان وسع اللوجان اختراع و عبقرية قياسا الي ابعادها الخارجية اللي اقل من الاسبيرانزا بشكل واضح
نظام الصوت : كاسيت الاسبيرانزا افضل من حيث الامكانيات اما السماعات في اللوجان انقي و اوضح
الكماليات : اللوجان تتفوق بالايرباج و الاسبيرانزا تتفوق بالفرامل المتطورة abs
الثبات : ثبات الاسبيرانزا افضل علي الطرق السريعة و السرعات العالية ( جبت بيها 170 علي طريق مطروح ) اللوجان بعد 120 تحس ان الاهتزاز زاد و الثبات قل
التكييف : تكييف الاسبيرانزا رائع تاتش و دجيتال و تكييف اللوجان عادي بس الاتنين كفاءتهم عالية و ليهم تاثير واضح علي السحب
العزل : في الاسبيرانزا احسن من اللوجان خصوصا في الصوت و الحرارة
التوكيل : الاتنين كفء في الفنيات و لكن توكيل رينو اكثر احتراما لعملائه
قطع الغيار : طبعا دلوقتي الاسبيرانزا بقت تاكسي فتوفرت قطع الغيار لكن علي العموم مفيش فرق كبير باستثناء سعر المرايات في اللوجان مستفز جدا !!!!
الارتفاع عن الارض : الاتنين ارتفاعهم كويس و احسن من السيارات المثيلة و اللوجان رائعة في هذه النقطة كأنك راكب 4*4
الدهان : احسن نسبيا في اللوجان عنه في الاسبيرانزا
الفتيس : بصراحة الحمد لله محستش باي مشاكل و لا عضة في الاتنين و لكنهم يشتركوا في ضعف السحب علي الغيار التاني و الانطلاقة الحقيقية بدءا من الغيار التالت و فتيس الاسبيرانزا طويل في غياراته بمعني انك ممكن تنقل علي 4 ار بي ام مستريح اما اللوجان فاقصي حاجة تنقل علي 3 الي 3.5 .
في النهاية اتمني اني اكون افادتك و ربنا يوفقك للاختيار الصحيح
خالص تحياتي
الله ينور عليك ياخي
هي دي المقا رنات الصح
بس في النهايه ومن كلامك
الاسبرانزا تتفوق
لانك لم تذكر كل الكماليات
الاعتراض علي نقطه العفشه
لان الكل يعلم ان عفشتها رياضيه ولازم تكون ناشفه طبعا ثبات اعلي
وزي ما قولت نفس عفشه البوما
لكن مقارنه رائعه
برنس وباشا ورئيس قسماقتباس:
المشاركة الأصلية كتبت بواسطة foxarc
بس باع سبيرنزا و جاب لوجاناقتباس:
المشاركة الأصلية كتبت بواسطة etsh1413202
حلو الرد دهاقتباس:
المشاركة الأصلية كتبت بواسطة doctorbadran
بس ماتعرفش ايه الظروف اللي خلته يبيع
وبعد كده حب يغير
بغض النظر عن اللوجان والاسبيرانزا
لأنهم زي الأهلي والزمالك
نصيحة لوجه الله
لو استقريت على لانسر بعد كل الكلام ده
متجيبهاش 1300 انا عندي الاثنين والتكييف والسحب في اللانسر أكتر من سيء
اقتباس:
المشاركة الأصلية كتبت بواسطة doctorbadran
هو انا فعلا ظروف اللي خلتني ابيع الاسبيرانزا من اهمها ان شكلها فخم قوي و جابتلي العين كذا مرة و اتخبطت بيها كذا خبطة ورا بعض فاتعقدت منها و بعنها بس مش لسبب فني
شكرا جدا يا باشااقتباس:
المشاركة الأصلية كتبت بواسطة etsh1413202
لوجان او برتون ساجا هما الافضل فى الفئه ديه زيروا وأنا افضل اللوجان
لكن طبعا اللانسر عربيه فوق الممتازه بس تكون 1600 (ال 1300 اوتوماتيك سحب ضايع ) نصيحه مهمه جدا تكشف على العربيه فى التوكيل
لانسر من غير كلام لو انت عايز زيرو ممكن اللوجان بس بيقولو عليه مغربي
حد يقولى يا جماعة و بسرعه رائيه ف الاسبيرانزا لانى رايح بكرة انشاء الله اشوف واحده هى ولا الفيرنا ولا الانوس
الناس لسه علي رائيها في افضلية الاسبرانزا a516 ولا غيروا رائيهم ؟؟ .. ومستقبل موتورها ؟ .. معمر ولا ايه ؟
لا، لوجان أفضل طبعا.. وحاليا السياز أصبحت منافسا جيدا.. ولا أوصي بالصيني على الإطلاق.. والله أعلم.اقتباس:
المشاركة الأصلية كتبت بواسطة tameromarw
موتورها معمر جدا مفيش كلاماقتباس:
المشاركة الأصلية كتبت بواسطة tameromarw
لكن انتاجها اتوقف