الموضوع: الكوبيه خدت خبطة في الاكصدام الخلفي

بعد أيام من حصولي علي الكوبيه الخليجي السوداء وانا ماشي فرحان بيها وكل ما واحد يعدي من جنبي أو من الطريق اللي مقابل احس اني بنت حلوه ماشيه والكل قاعد يبص جيت في تقاطع وبعيد عنكم وعن كل القاريين والسامعين لقيت دب دب دب دب
ببص في المرايه لقيت كل الناس بتجري عليا ......... وعلي العربيه
قال إيه سواق تاكسي ربنا يسامحه
ضرب موتسكيل عليه فردين طاروا واتزحلقوا وخبطوا في العربيه من ورا ونزلوا تحتها هما والموتسيكل ......
الناس اتبهدلت والإكصدام الخلفي اتبهدل وحساسات الإنتظار كمان والجزء البلاستيك اللي بيبقي تحت الإكصدام ومميز عن كل السيراتو بأجزائه المربعه دي ساح من شكمان الموتسيكل واتشرخ والشكمان بتاعي ابو روحين واحد منه اطبق
بجد كان شئ وحش للناس الأول اللي هيا أرواح واتبهدلوا كسر واسعاف
وللعربيه كمان ولكن الحمد لله أنها جت علي كده
وسواق التاكسي راجل كبير وغلبان والواحد خاف حتي يقوله غير روح ربنا يستر طريقك .
فممكن مساعده يا شباب
الإكصدام والرفرف الخلفي البلاستيك والحساسات دول أعمل فيهم إيه ؟
وأجيب غيرهم منين والتكلفه كام تقريبا
والحمد لله علي كل حال ونعوذ بالله من حال أهل النار

تحذير:
تم تعديل العنوان لكونه عنوان غير لائق للعرض على صفحات المنتدى
رجا الالتزام بالاداب العامة لاحقا
الادارة

يا جماعة مااعتقدش إنه هيلاقى الحاجات الرفيعة ديه بره التوكيل خالص
ده صاحبى غلب عبال ما جاب كابوت الكارينز
إومال هيعمل إيه فى تبة شكمان و الحاجات الصغيرة ديه فى الكوبيه

بس لازم تنزل تسأل و تعمل اللى عليك