ممكن سؤال ممكن جدا يا اهل الخبرات بالله عليكم
عربية دوجان مرفوعة 5 سنوات ايه المفروض اعمله عشان العربية ترجع تمشى زى الاول
انا سمعت ان الكوتش بيتغير ( للعلم العربية مرفوعة على حديد والعجل راكب فيها
ممكن اعرف ايه بالظبط الى ممكن يبوظ من الرفع
عرض للطباعة
ممكن سؤال ممكن جدا يا اهل الخبرات بالله عليكم
عربية دوجان مرفوعة 5 سنوات ايه المفروض اعمله عشان العربية ترجع تمشى زى الاول
انا سمعت ان الكوتش بيتغير ( للعلم العربية مرفوعة على حديد والعجل راكب فيها
ممكن اعرف ايه بالظبط الى ممكن يبوظ من الرفع
غسيل السيارة بالكامل
+ اربع مساعدين جداد لأن ده كده يبقي كلو نشف و تشوف السوست ايه اخبارها
تشحيم علبة الدركسيون و عمل تشييك علي بيض المقصات و الدركسيون و تعمل تربيط لعفشة العربية كلها
تغيير سيور العربية بالكامل و وضع زيت محرك جديد و زيت فتيس جديد و تغيير جميع الفلاتر (هواء و بنزين و زيت) + تنظيف الكربراتير او الأنجكشن
تنظيف اماكن البوجيها
شحن البطارية و وضع ماء مقطر لها
طبعا الله ينور ما فيش حاجة اقدر ازودها
بس باكد على موضوع تغيير جميع السيور و التاكد من ان ثرموستات الحرارة شغال كويس مش مصدى من الركنة
حبيبي يا باشا
الله عليك يا باشا صح
او يغيرو هو كله ب 20 جنيه ارجنتيني نضيف اوي و كمان تركيبو بسيط اوي
اه نسييت
و شيك علي كاوتشات الكبالن و كاوتشات الفتيس لو مقطوعين علشان الكبالن متبوظش و زيت الفتيس ميهربش
و ادي العربية غيار و افتح الكبوت و زقها برجليك لحد ما تقف من العشيقة لو لقيت الموتور بيتحرك جوة الكبوت و بيلق يبقي قواعد الموتور شققت
و نصيحة اللي هتغيرو متجيبهوش ايطالي لأن الأيطالي كله مضروب
و بالمناسبة لو ملقتش حاجة تركي او صناعة للدول المعروفة في انتاج قطع الغيار الفيات جيب صيني و عن تجربة
جبت كبالن صيني كانو عاملين 100 جنيه الجوز و كالأتي
متكيس نضيف جدا و معاه الشحم و الكاوتشة و قفيز حديد و كتالوج للتركيب!!! و واخد iso كمان و ليهم سايت عالنت
و ممتاااازين و العلبة لونها ازرق
جزاكم الله خيرا استاذ سمسم
انا حد قالى انة لازم اغير الخمس فرد كوتش ايه اريك
ولازم فعلا اغير المساعدين ولا اكشف عليهم احسن
انا مشيت بالعربية شوية صغيرين وكانت ماشية معاية الحمد لله كويس