-
طلب مساعدة
الاخوة الاعزاء فى المنتدى تحية طيبة وبعد ارجو المساعدة فانا حديث العهد بعالم السيارات وبعد شرائى سيارتى الادا2105 اكتشفت انها محتاجة ع الاقل 3 فرد كاوتش حيث انهم بحالة سيئة جدا كمان الطابلوه متشقق ومتقشر كلة حتى الدركسييون راكب من غير الوش فممكن حد يدلنى فين الاقى الحاجات دى استعمال بسعر كويس على فكرة نفسى اركب طابلوة وطارة بتوع 2107 ودول بكام :36_7_4[1]: ولكم جزيل الشكر
-
حبيبى انت كدة تنضم عندنا لمجموعة محبى اللادا عشان انت اشتريت العربية الصح المناسبة معشوقة الجماهير
فرد الكاوتش مش هقدر افيدك لان بتتغير كل فين وفين ومفيش احسن من انك تسال عند اقرب محل كاوتش ليك
ولو عايز تغير التابلوة والدركسيون انزل وكالة البلح او عزبة شلبى او الحرفيين هاتة استيراد
ودى على فكرة نفس الاسالة الكنت لسة هسالها
لو حد عندة خبرة اكتر مننا يساعدنا ويكتب مشاركة معانا
-
بالنسبة للكاوتش مينفعش تغي عدد فردى ياما 2 او 4وهات لاسا اويربدجستون اندنيسى وده هايكلفك حوالى 225 للفردة
بالنسبة للتلبلوة ممكن تروح لسروجى كويس يلزلقك علية طبقة جلد جديدة ومش هايكلفك كتير
وده افضل لان تغيير التابلوه هايعيب العربية عند اعادة البيع
بالنسبة للطارة ممكن تشترى واحدة جديدة عليه علامة لادا بحوالى 70 جنية اما طارة 2107 الاصلية فهى بحوالى 150 جنيه
-
الاخوة الاعزاء شاكر المحبة والاهتمام فى مساعدتى وبس كنت عايز اسئل لية تغيير شى يعيتبر من الكماليات زى التابلوة بتابلوة اخر احدث واجمل يعيب العربية ساعة البيع وهل الدركسيون غلط تغييرة بردة عموما هى الادا فعلا عربية اصيلة دى استحملت منى اسية وازية و اهمال ورغم كدة مخليتش بيا
-
انا معاك بس طبيعى البيشترى ساعات بيبخس سعر الحاجة
بس فى ناس بتقدر الشغل المصروف على العربية
ولو التابلوة فعلا مشروخ الافضل يتغير والدركسيون غيرة بنفس نوع الدركسيون الموجود
ودة ميعتبرش من الكماليات ولا حاجة انت عندك حاجة اتقطعت ولازم تتغير
-
شكرعلى الردوالاهتمام وعموما انا نازل مصرقريب وهديها لفه
Content Relevant URLs by
vBSEO 3.6.0 PL2