ازاى نعرف العربية بتهرب كهربا ولا لا ممكن فيديو يوضح ازاى بس؟؟؟؟:majd(4):
عرض للطباعة
ازاى نعرف العربية بتهرب كهربا ولا لا ممكن فيديو يوضح ازاى بس؟؟؟؟:majd(4):
افصل الكابل لمدة يوم وبعد كده جرب
هتجيب لمبه عربيه بدوايه
الدوايه هيبقي طالع منها سلكين
هتقفل العربيه كلها وتقفل كل حاجه شغاله فيها كأنك مروح البيت
تفتح الكبوت وتفصل كابل البطاريه السالب
توصل طرف من طرفين اللمبه بالقطب بتاع البطاريه
والطرف التاني بالكابل السالب بتاع البطاريه
يعني بأختصار هتحط اللمبه كأنها كوبري بين البطاريه والقطب السالب
لو اللمبه نورت يبقي فيه تسريب ويختلف حسب شده اضاءه اللمبه
لو فضلت مطفيه يبقي عربيتك سليمه
لو لقيت تسريب بقي
تعرف منين التسريب جاي من فين
1- هتخلي اللمبه متوصله زي ما هي كده
تشيل فيوزات العربيه واحد واحد
يعني تشيل الفيوز لقيت اللمبه طفت او ضعفت شويه يبقي الدايره بتاعت الفيوز دي فيها تسريب كهرباء لقيتها لسه منوره دور في دايره تاني
الف شكراخوانى بس مفيش طرق تانية
ملحوظة
هل لو انا فعلت ذلك واحضرت لمبه ودواية وسلك وفعلت ان وضعت فرده سلك على القضب السالب للبطارية بعد نزع القطاش السالب وضع طرف السلك الاخر بالقطاش السالب لعمل كوبرى
مش ممكن قوه كخربه البطارية تفرقع اللمبه وتسيح السلك
مجرد سؤال
بالنسبه لحكايه ان البطاريه تبوظ فده غير وارد بالمره
اما بالنسبه لحكايه استخدام افوميتر
فبلاش لان لو الافوميتر باظ هتزعل عليه انما لو اللمبه باظت هتجيب غيرها ب50 قرش
هل تهريب الكهرباء بسبب فيوز ضارب ممكن يفضى البطارية من شحنها ام لا
سؤال مهم بالنسبه لى اتمنى معرفه الاجابه
لانى فى شىء مش عارف سببه بيفضى البطارية عندى
وبضطر انزع قواطيش البطارية عندما تكون السيارة بايته لليوم التامى
اخى اسلام
انا البطارية لما اسيب العربية يوم واحد تفضى شحن
وبضطر قبل ماطلع انام افك قواطيش البطارية علشان ماتفضى واجى تانى يوم اركب القواطيش وتمشى تمام
مش عارف طريقة اللمبه تدينى نتيجه لاكتشاف سبب تهريب الشحن فى حاله لو القواطيش راكبه
اتمنى المساعده لان فك القواطيش وتركيبها امر مضايقنى كتير
للأسف كده فيه حاجه عندك بتفضي شحن البطاريه
وهتضطر تروح لكهربائي نضيف ويستحسن تروحله بدري او يوم من اوله علشان الموضوع ممكن يطول معاك
الصراحة فعلا كفيت ووفيت اخ islambana
وفعلا الموضوع نجح معايا وطلع فية تسريب بس بسيط وهحاول اراجعة فى اقرب فرصة
اخوانى فى الله اشكركم على موضوع وعلى الشرح ولكن للاسف انا مستوعبتش الطريقة ازاى ؟ لان البطارية عندى بتفضى بسرعة ومتاج مشورتكم وكيفية الكشف عن التسريب واوصل اللمبة ازاى
متابع باهتمام
واود اعرف طريقة تعرفنى المنطقة التى بتسبب فى ان البطارية بتفضى رغم انى بقفل سيارتى وقبل مامشى ابص عليها يمكن يكون نور صالون مولع او ماشابه ذلك لكن لم الاحظ شىء بالاضافه انى دخلت شخص واغلقت عليه شنطه السيارة لعل وعسى ان لمبه الشنطه بتكون مولعه لكنه اخبرنى ان اللمبه بتطفى بمجرد ماغلق الشنطة
ومش عارف اعمل ايه
ومتردد اوديها لكهربائى يفتى ويعك الدنيا
اتمنى اجد ضالتى عند احد الاعضاء