الموضوع: باركنج.. باركنج.. باركييييييييييينج

ايام اللادا كنت بركن بلطجة في اي حتة مكنتش تفرق معايا المهم اعرف مين الي ماسك مرور المنطقة وحتي لو اتجرحت كان عادي وكتير كنت الاقي الفوانيس الامامية مكسورة عادي برضة (15 جنية) مش اكتر

انا الان ومع اللنسر حتي الشارع بخاف اركن فية لازم جراج وفي حراسة
(لسة فلوسها مبردتش) زي البستان في نص البلد مثلا

يا جدعان موضوع الركن بيقلل من عرض الطريق بس هو فين الطريق اللي فيه عرض و العربيات طيب تتركن فين
يعني ازمه ملهاش حل

المشاركة الأصلية كتبت بواسطة CryptonX

دانت واصل بقى علي كدة !

واصل لفين بس دا انا غلباااااااااااان :):):):)

اعتقد إني ليس الحق في المشاركة او إني من كوكب أخر :)

انا بقى ساكن في القرية الساحلية الشمالية "إسكندرية" وبالاخص في منطقة العجمي .... بصراحة في متسع من الأماكن علشان تركن........ اماكن بالهبل .... ولكن .... يكثر التوك توك وتكثر "التونايات" الميكروباص الصغير 6 راكب ومترخص ملاكي بس بيحمل أجرة ... وبيكثر السائقين المتهورين كما يكثر السرقة والحرامية!

يعني في أماكن كتييييييير فاضية بس لازم تركن قدام بيتك او تحت البلكونة او تكن قدام عمارة وتظبط بوابها.

الاسوأ والأضل .... إني عندي تحت العمارة جرج كبييييييير يتسع ل 70 عربية على الأقل .... ولكن البية صاحب العمارة وهو مقاول غني ومش محتاج فلوس ....... عاوز يبيع الباكية ب 30 الف جنية! يعني مترين في مترين ب 30 ألف جنية.... ولو أنا إتهفيت وإشتريت حبيعها بعد كجة إزاي!

والأسوأ إنك تلاقي واحد جايب بلوكات او طوب وحاصة بمساحة 10 متر اما بيته علشان محدش يركن او واحد عامل حديد وسلاسل قدام بيته علشان الركنة ..... طيب لو جراج ماشي ممنوع الركنة ... بس هو عند جراج خاص يتسع ل 6 عربيات وكمان بيحط طوب علشان محدش يركن قدام بيته!!!!! بصراحة منتهى البلطجة وقلة الذوق وقلة الادب .... ده إحنا وصل بينا الكره والأنانية لدرجة إننا حناكل بعض.... حسبنا الله ونعم الوكيل.