بص يا باشا ... أنا معاك فى كل حاجة قلتها إلا حاجتين
الزينون العالى لأنى مشفتش زينون عالى شكله تحفة و إضائته تعمى فعلا راكب على سيراتو إلا مرة واحدة بس على سيراتو كوبيه و كان حاجة بسم الله ما شاء الله غالية على ما يبدو ... بس لو عايز تركبه حاجة محترمة و قوية يستحسن فى التوكيل علشان الضمان بس طبعا هيبقى أغلى .... الأرضى ممكن تركبه عند أى حد برة لأنه متهيألى ميخرجكش الضمان
الحاجة التانية gps - dvd نصيحة بلاش تشيل كاسيت السيراتو حرام لأنه شكله أحلى و هيكلفك جامد جدا ... سيادتك عايز تركب كاميرا خلفية و دى فى ديهات مساند ... يبقى اشترى مراية الصالون الدى فى دى (بيركب عليها usb) و معاها الكاميرا بتاعها و دى مش بتخرج العربية من الضمان لأن تركيبها مفيهوش فن بس بشرط واحد و هو إنه سلك الكاميرا بدل ما هتمشيه مع الضفيرة الى ماشية عند عتب الباب هتمشيه فى أرضية العربية و إلا الضفيرة هتخرج من الضمان ... وكمان ركب دى فى ديهات فى المساند بس بشرط يكون نفس شكل و لون و خامة المسند أو حاجة فى نفس المستوى لأن المسند كله بيتغير و بييجى واحد جديد بالشاشة
مقايسة سريعة كدة للحاجات اللى حضرتك طلبتها
1- زينون أرضى ممكن بداية من 300 جنيه
2- زينون عالى مش عارف بس ممكن يخشله فى 500 مثلا
3- مراية صالون دى فى دى بالشاشة نوعين 350 أو 700 جنيه
4- كاميرا بتاع المراية حوالى 160 جنيه
5- مسندين الواحد يعمل حوالى 350 - 700 عند سبيركار عندنا هنا فى القاهرة حسب الخامة بتاع الشاشة و المسند
المجموع حوالى 1660 - 2360 و انت و شطارتك فى الفصال
المفضلات