جزاكم الله خير سامح باشا واحلي شباب علي الموضوع الجميل ده بس ايه هي مميزات الفوتوجراي؟
جزاكم الله خير سامح باشا واحلي شباب علي الموضوع الجميل ده بس ايه هي مميزات الفوتوجراي؟
استاذ سامح
انا نظرى ضعيف وعندى استجماتيزم جامد بسبب اصابة قديمة في عيني اليمين
ورحت لدكاترة كتير زمان لحد ما استقريت عند دكتور محترم في المهندسين
جبلي من الاخر وقاللي
ان العدسات هى افضل حاجة بس طبعا نوع محترم
هتريح عينك ومش هتعملك التهاب
اول ما هتلبسها هتحس ان الدنيا نورت
ولا انعكاس ضوء بالليل يدايقك ولا اى حركة سريعة تهمك
وطبعا البس نظارة شمس عادية براحتك
كأنك من غير نظارة انا عملتها
بس خللي بالك
هتتعب جدا فى الاول وانتا بتلبسها بس مع الوقت هتتجرأ وتتعود
وطبعا عنيك محتاجة وقت على ما تاخد على الرؤية
لان محيط الرؤية بالعدسات اكبر زى الرؤية بالعين
والعدسات انواع يومي واسبوعي
لو الدكتور شايف ان عينك حساسة هيجبهالك يومي
وبالنسبة للمحاليل
انتا بتشطف العدسات بمحلول ملح ودا ازازة كبير باقل من خمسة جنيه
وفي محلول الحفظ دا بتحطه في جراب العدسات
مع ملاحظة غسل الايدى جيدا بالصابون والجراب وهو فاضي
باختصار هتحس بفرق جامد في نظرك
وكمان نظر الاخرين من الجنس الاخر :verygood:
-----------------
محمد سالم
انا بعاني من نفس المشكله دي
عملت نظارات شمس نظر كتير و كلهم متلبسوش لان منظر النظارة عليا بالعدسة الاصلية مخالف تماما للعدسة الشمس نظر و اللي منظرها سيئ فعلا
حاليا معايا نظارة فوتوجراي بس برضة مش بفاعلية نظارات الشمس
و بردة مليش في العدسات و وجع الدماغ بتاعها
شكلها كده ملحاش حل غير الليزك
يا باشا أنا مشكلتى كانت زيك تمام و نظرى قريب منك -4 فى الاتنين و استكماتيزم جامد
الفوتوبراون أو الجراى جربته و مشيت بيه سنة تقريبا و لا يقارن بنظارة الشمس و لو انت شاب مش هيبقى لطيف خالص
عندك حلين يإما تعمل عدسات و تلبس نظارة شمس عادية و أنا لا أفضل العدسات عن تجربة فبالنسبالى ده مرفوض
الحل التانى إنك عادى خالص هتشترى نظارة شمس و بيطلع بدل العدسات بتاعتها عدسات تانية بنظرك و بتبقى أخت الأصلية و أنا عامل كده و النظارة فى جرابها فى تابلوه العربية
بس لازم تاخد بالك من حاجتين:
1- مش أى نظارة شمس ينفع يتعملها عدسات شمس فيه شوية قيود على النظارة بس بسيطة ياعنى
2- لازم لازم تعملها عند حد نضيف (أكيد مش لازم المغربى و غيرهم عشان الناس ديه أسعارها فلكية أساسا) عشان العدسة بتيجى مستوردة و بتتقطع هنا و أهم حاجة فى نظارة الشمس هى العدسة
يارب أكون أفدتك و السلام عليكم
والله أنا اشتريتها عادى من واحد قريب من البيت اسمه جاجوار بس هو مش حلو أوى بصراحة و النظارة كان نوعها "رايبان" و كانت ب250 (هى رخيصة شوية عشان ستايلها قديم حبتين) و العدسات ب 150 حاجة كده او 100 مش فاكر بصراحة و عدساتها الأصلية معايا فى درج مكتب عشان لما أزهق أو أغير النظارة أبقى أديها للى هايخدها
بس و لنظارة الشمس فى درج تابلوه العربية لما أجى أسوق الصبح باقلع نظارة النظر و ألبس نظارة الشمس و خلاص كده