الموضوع: الظاهر الصينين هايعملوها ويفكروا ويبتكروا ....تفتكروا!....شوفوا الابداع بنفسكم.

wooooooooooooooooooooow

والعيب فى ثقافة المستهلك المصرى

يقولك انى اشترى حاجة صينى بسعر قليل ولما تبوظ اجيب حاجة غيرها

هى دى المشكلة مش بيدور على جودة ومش بيفكر انى اشترى حاجة بجودة كويسة مرة واحدة احسن من انى اشترى حاجة تقعد مدة قليلة وارميها واجيب غيرها ويقولك علشان سعرها رخيص
طيب احسب انت هتشتريها كام مرة بالتالى هيبقى سعرها اعلى من اللى جودتها عالية وتشتريها مرة واحدة

المشاركة الأصلية كتبت بواسطة omarken

انا عايز اقوللكم رأيي
عن تجربه
انا بستورد شغل من الصين
وبكون هناك معظم السنة يعنى من 5 الى 7 شهور
اوقات بكون فى شينزين وأوقات كوانزو
شينزين فيها مصانع ..
وكوانزو معظمها معارض ... وشركات شحن ( ودا علشان كوانزو قريبة من هونج كونج )
والشحن من هونج كونج دلوقتى ارخص من شينزن
دا علشان الناس اللى اكيد هاتشكك فى رأيي
رأيي بقى ...
ان احنا راسمين صوره للصين مغايره عن الواقع تماما
بمعنى ان احنا شايفين الصين ( جوده قليله - سعر قليل) وكتير مننا شايف ان المستورد هوا السبب
ودا غلط جداااااااااااا
اول حاجة الصين بتصدر لكل دول العالم
فى اتفاقيات تجارة مشتركة بين كل الدول طبعا
احنا التجارة الخارجيه عندنا فقيره جدااااااااااا
بمعنى
اتفاقياتنا مع الصين كللها محتاجة إعادة صياغه لأن احنا مش جايبين سيرة اى الجوده فى اى شئ فى اتفاقياتنا مع الصين
بالتالى ده ضوء اخضر لأى مستورد انو بيعمل اي حاجة فى ظل المنافسة غير الشريفه اللى هنا فى مصر
يعنى انا لما اعمل مروحة هاى كواليتى سعرا افتراضا 300 جنيه
يجي واحد تانى يعمل نفس الشكل ب 200 بس
المستهلك للأسف بيقول مفيش فرق ده صيني وده صيني (المنافسه غير شريفه هنا )
بالتالى كللنا بنتصارع على اللى هايجيب اقل سعر ومش مهم الجوده (المستهلك مش فاهم حاجة -كللو صيني)
لما وزير التجارة حب يقلل من المنتجات الصينيه ( ودا غلط هوا مش احسن من امريكا اللى سوقها كللو متجات صينى ) عمل اتفاقيه مؤخرة بتقول ان المستورد لازم يجيب الفاتورة الاصليه من المصنع
وهناك المصنع لازم يديك فاتوره بالسعر المظبوط علشان البضاعه مش هاتطلع من هناك إلا اذا كانت الفاتورة مظبوطه ( دا بند من البنود المعدله )
الأول كان المصنع بيطلع فاتوره بسعر أقل علشان الجمارك هنا تكون أقل
بالتالى لما دلوقتى الجمارك هاتزيد عليا كمستورد
انا هاقلل فى الخامة علشان اقلل من الفاتوره .... قشطة كده ؟
والمستهلك يشرب
اتفاقية عقيمة مش هاتقلل من البضاعه الصينيه لأ بالعكس هاتبوظ الجوده اكتر
نيجى لأمريكا بقى
اكبر الشركات العالمية
ليها مصانع فى الصين
اولهم شركة ... أبل
وليس اخرهم
دول بيهتمو اكتر بالكواليتى
عندهم اعفائات جمركيه معينة
شعب فاهم كويس (مش هايقول دى صينى )
منافسه شريفه (ضامن انو اكيد محدش يايلعب معاه ديرتى فى السوق لأن اللى هايلعب معاه خسراااان طبعا )
لأنو مش هايقدر يغير فى الجوده حاجة وإلا بضاعته هاترجع مع اول لجنة فحص ع المنتجات
وهوا ده السبب بجد
بس الصين لا غبار عليها فى اى حاجة
............
اسف لو طولت عليكم
اتمنى تكون الصوره وضحت

دا الكلام السليم

والعيب فى ثقافة المستهلك المصرى

كلام الاستاذ omarken مضبوط 100%
والجميل الناس دى خلصوا السباق واحنا لسه عند خط البدايه وبنتريق عليهم عمال على بطال !!

المشاركة الأصلية كتبت بواسطة kemz

الحقيقة أنى شاهدت الفيديو لكن أغلب الظن انه غير موجود فى الصين وهذا بأعتبارى مقيم فى الصين ولم أرى هذا القطار قد يكون أحد الافكار المطروحة للتطوير والذى فى ضوء التطور السريع قد يدخل حيز التنفيذ فى فترة قريبة جداً، لكن يجب التنوية أن الصين بالفعل تمتلك خطوط قطارات سريعة تبلغ سرعة القطار فيها حوالى 350 كيلو متر / الساعة وتقوم الصين حالياً بالتوسع فى أنشاء هذة الشبكة.
بالنسبة لضمان جودة الصادارت المصرية توجد الأن أتفاقية لفحص المنتجات الصينية قبل الشحن لمصر وتشير الانباء ألى أنها أدت لتحسين جودة المنتجات المصرية واتفق تماماً مع الاراء التى تدافع عن الصناعة الصينية لأن السلع الرديئة تكون فى الغالب بناءاً على طلب المستورد، والمصنع الصيني يستطيع التحكم فى جودة الخامات والتقفيل ومن الممكن كما ذكر زملائنا الاعزاء ان تكون المروحة ب، 300 جنية وأخرى مثيله لها ب200 أو 150 جنية لأن فى الوقت الراهن معظم الشركات تقوم بالصناعة فى الصين عن طريق الـ out sourcing لكن من ناحية أخرى توجد شركات صينية عملاقة تنافس فى مجال السيارات كصفقة أستحواذ جيلى على فولفو أو مجالات أخرى كثيرة لا يتسع المجال لذكرها وهى تطور طبيعى للصناعة الصينية.
أما بالنسبة لمسألة الأغراق فأن الصين مازلت توضع موضوع الاتهام والولايات المتحدة وأوربا يستخدمون أساليب عدة وفقاً لقواعد منظمة التجارة العالمية لحماية أقتصادهم وهو نفس الحذو الذى يجب ان تنتهجة مصر فى حال تعرضها لتهديدات قد تؤدى إلى ضرر فى صناعتها
أتمنى أن اكون أضفت للحوار الشيق وأن لا أكون أطلت عليكم
وتحياتى

+11111
هو كونسيبت فعلا.

هى الصين دى مش هاتهمد بقى