الموضوع: اريد حلا - اريد رأيا -(ارجو المشاركه)

بص هوا انا حقول رأيي بصراحه

انا مش فاهم حاجه
انتا بتقول انها عملت حاجه جرحتك واهانتك

معلش يعني لو خدنا مثال مثلا انها شتمتك
انا لو مكانك مثلا مش حسامح بصراحه بسهوله لانها كده غلطت في الراجل اللي حتتجوزه بعد كده وده معناه انه مش حيكون فيه احترام اساسا

وده ليك حق فيه وساعتها حفركش الموضوع
الغريب بقي انك بتقول انك مش حينفع تسيبها
طب ماهو اصلا مينفعش متسيبهاش لانها اهانتك وجرحتك في كرامتك جرح ميتنسيش

طب لو جينا بقي الناحيه التانيه
انها اصلا متكونش جرحتك او جت عليك اوي
وتكون انتا حساس زياده عن اللزوم او زي مانتا بتقول مبتسامحش بسهوله

يبقي ساعتها الغلط مش غلطها من اصله
لانك انتا اللي متحامل زياده عن اللزوم
وانتا اللي عيب فيك انك مش بتسامح بسهوله

وساعتها بقي حيبان اذا كنت فعلا عارف انك فيك عيب وبتحاول تتغلب عليه
ولا انتا بتكابر وخلاص وعاوز تعمل اللي يرضي مشاعرك انتا ومبتشوفش مشاعرها هيا

المهم ان في كلا الحالتين
ومش دلوقتي وقدام شويه ومع اي بنت في العالم مش البنت دي بس

الحياه متبقاش كده
يعني لو فرضنا انها زي العسل ايام الخطوبه وكتب الكتاب والجواز
وجت عملت اي حاجه ضايقتك وانتا متجوزها ومخلف منها
حتروح تطلقها عشان انتا مش قادر تسامح؟؟

الدنيا شد وجذب
ازعل براحتك
اعمل ثوره
خد حقك

انما مش تنهي حياه لمجرد موقف
الصداقه حاجه والاخوه حاجه والجواز ده حاجه تانيه خالص

فانتا داخل علي بناء حياه زوجيه
متنفعش تبتدي اول طوبه فيها مكسوره

وربنا يوفقك ان شاء الله

ممممممممممممممممممممممممم
طبعا الشخص العصبي هوا بيكون تكوين شخصيته كده
والمفروض ان الشخص اللي قدامه لو بيحبه
يمتص غضبه ويصبر عليه

وانا بصراحه ربنا اما بتعمل حاجه بتضايقني
بزعق
وبستغبي

بس هيا بتستحملني
وتسكت
وتحاول تصالحني ده لو هيا اللي غلطانه

بس بجد والله
الكلام ده مبقاش كده علي طول
انا خاطب وكاتب كتابي بقالي سنتين
بقالي سنتين بقي عايش في كده
انا اغلط شويه وهيا تغلط شويه
وانا ازعق وتصالحني
وساعات انا ازعق واحس نفسي غبي واكلمها

يعني
حبه كده وحبه كده زي ما قلتلك

الفكره بقي في العقاب اللي انتا بتقول عليه
طب ليه خدتها كعقاب
ليه مثلا متقولش انها صعبت عليها نفسها من الزعيق فخدت رد الفعل ده لا اراديا
اني مثلا شايف حد عمال يزعقلي فسبته ومشيت
رد الفعل ساعتها اني مش عاوز اشتبك معاه فرحت سايبه وماشي
فانتا بردو لازم زي مانتا بتقول انتا عصبي وهيا المفروض تستحمل
المفروض بردو تقدر رد فعلها
وخللي بالك ان انتو لسه في الاول
يعني الحاجات دي حتبتدي تظهر
مانتوش مثلا بقالكو سنه عشان تبقي انتا عارفها وحافظها وهيا ادت رد فعل مختلف

فانتا متاخدش رد فعل وتعمل حاجه وانتا متنرفز
عشان متاخدش قرار تندم عليه بعدين

مفيش حد بيحب مبيسامحش ياباشمهندس
الحب حاجه والحياه العاديه شئ تاني
الاخ والاب والام لو اهانوك اهانه الدنيا مينفعش تفضل مقاطعهم طول عمرك
ليه
عشان حاجات كتير جواك متبنتش من يوم ولا من سنه
ده عمر

ودي حتكون زوجتك
والخطوبه متعملتش غير عشان الخلافات اللي بتقول عليها دي
تشوف طباعكو حتتوافق مع بعض ولا لا