اريد حلا - اريد رأيا -(ارجو المشاركه)

**eng/muhamad** · 13-05-2010 10:56 PM

[gdwl]

بجد انا فى مشكله كبيره و عاوز رأى الاعضاء فيها انا بعتبر المنتدى بيتى التانى
انا عضو قديم لكن قليل المشاركات عشان كده مفيش حد كتير يعرفنى فى المنتدى
المهم انا هحاول اقول المشكله باختصار
انا فى انسانه المفروض ارتبط بيها و اخطبها قريبا ان شاء الله و كلمت والدى و هو موافق و مفيش مشاكل
المشكله بقى ان انا و هى الايام دى على خلاف كبييييييييييير جدا و هى عملت حاجات جرحتنى بيها و زعلت منها جدا و انا بطبعى انسان مش متسامح يعنى مش بسامح بسهوله ده لو سامحت اصلا
و لو سامحت عمرى ما بنسى اى حاجه جرحتنى من اى حد
انا دلوقتى مدايق جدا و زعلان من اللى هى عملته و شايف ان الحياه معاها بعد كده هتكون صعبه طول ما انا شايل منها بالشكل ده
و فى نفس الوقت مقدرش اسيبها لاسباب كتير جدا
اعمل ايه ؟؟؟ ايه الحل ؟؟؟

[/gdwl]

**Samah AbdAllah** · 13-05-2010 11:04 PM

مفش حل غير انك تسامحها
الافضل طبعا ان حضرتك تصفى قلبكمن كل اللى مزعلك الاول
وده طبعا بانك تقعد وتتكلم معاها وتقولها على كل اللى مزعلك يعنى عتاب هادى ومحاولة تصفية النفوس وتشوف ايه اللى ممكن يرضيك وتحاول توصل معاها لما يرضيك ويشيل الحزن والغضب والالم من قلبك وربنا يوفقك لما فيه الخير

**hany_mohamed** · 13-05-2010 11:17 PM

المشاركة الأصلية كتبت بواسطة baskota

مفش حل غير انك تسامحها
الافضل طبعا ان حضرتك تصفى قلبكمن كل اللى مزعلك الاول
وده طبعا بانك تقعد وتتكلم معاها وتقولها على كل اللى مزعلك يعنى عتاب هادى ومحاولة تصفية النفوس وتشوف ايه اللى ممكن يرضيك وتحاول توصل معاها لما يرضيك ويشيل الحزن والغضب والالم من قلبك وربنا يوفقك لما فيه الخير

كلام الاستاذه مظبوط
وادى الدليل يا باشمهندس
الله جل وعلا يقول: {واعفوا واصفحوا ألا تحبون أن يغفر الله لكم}.

**hany_mohamed** · 13-05-2010 11:29 PM

المشاركة الأصلية كتبت بواسطة eng/muhamad

انا بطبعى غير متسامح و ده شئ سئ انا عارف كده كويس
و لو الحاجه صغيره بسامح بالعافيه ما بال حضرتك لما تكون حاجه كبيره وصلت لجرح كبييييييير مش قادر اسامح

{ادفع بالتي هي أحسن فإذا الذي بينك وبينه عداوة كانه ولي حميم. وما يلقاها إلا الذين صبروا وما يلقاها إلا ذو حظ عظيم}

الا اذا كنت بتدور على مبرر للخروج من التزامك بكلمتك
المسامحة و العفو مش مرتبطة انك تتجوزها
انما سيادتك تسامح الاول وبعدين ابقى خذ قرارك على مهلك ومش محصور بين قوسى الغضب وعدم التسامح

**hany_mohamed** · 13-05-2010 11:55 PM

المشاركة الأصلية كتبت بواسطة eng/muhamad

ده اللى انا خايف منه و طبعا العيشه بعد الجواز بالشكل ده صعبه جدا

مش فاهم قصد حضرتك كلمه ايه اللى عاوز اخرج منها

"و فى نفس الوقت مقدرش اسيبها لاسباب كتير جدا " هو دا مش كلام سيادتك اللى بيدل على انك ملتزم بموقف أو كلمة اتجاهها
ولى رجاء من حضرتك ياريت متأخذش موقف منى أنا والله عاوز اساعد فلا تتوجس
شيئا سيئا منى

**SHNORY** · 14-05-2010 12:17 AM

بص يا باشا
باختصار وعن تجارب
الراجل والست الي بيحبوا بعض لو قدروا يقعدوا 10 ايام ميكلموش بعض
يبقي الاتنين مش بيحبوا بعض ومينفعلهمش ارتباط مدي الحياه
دا اولا
ثانيا
مينفعش يكون فيه مشكله ومتسامحش او متصفاش فيها
لانها دلوقتي لو بتصالحك وبتاخد علي خاطرك
فالوضع ده لو اتكرر كتير متستناش منها انها تصالحك
يبقي لازم تداوي العيب ده فيك
لانه عيب خطير جدا
وممكن يضيع حاجات كتير حلوه بينكم
--------------------------------
كمان دلوقتي حضرتك بتقول انك مش بتنسي اي جرح
بتراكمات الجروح دي تقدر تهدم بيتك وحياتك بسهوله
لازم تتسامح
وشويه من عندك وشويه من عندها علشان المركب تمشي
انت دلوقتي في حاله حب
بعد الجواز الحب حيقل والعلاقه حريبطها التفاهم والتراحم
هل انت شايف انك حتقدر تستمر بالمواصفات دي ؟؟؟؟
-------------------------------------
نيجي بقي بالموقف الاخير اللي خلاك تفكر في الموضوع
او بمعني تاني تعيد حساباتك
لو انت شايف ان الموقف ميمسكش ولا يمس كرامتك
ولا ياثر علي شخصيتها قدامك
ومجرد موقف عابر حياخد وقته ويعدي
يبقي زيه زي اي مشكله كبيره
لو شايف عكس كده
يبقي متزعلش مني لما اقولك
يضيع سنين الارتباط اللي فاتت
ولا انك تضيع العمر اللي جاي في مشاكل وحياه انت تعبان نفسيا فيها
طبعا كلامي ده علشان واضح ان الموقف جامد وماثر عليك كتير
وهو ممكن يكون حاجه بسيطه بس انت اللي واخدها علي اعصابك نتيجه حبك للانسانه دي
وربنا يوفقك
ومتنساش تعزمني علي الفرح

-

-

-

الموضوع: اريد حلا - اريد رأيا -(ارجو المشاركه)

LinkBack

أدوات الموضوع

عرض

اريد حلا - اريد رأيا -(ارجو المشاركه) - انشر الموضوع فى :

-

المواضيع المتشابهه

اريد توصيات حول المشاركه في احدي المشاريع و شراء اسهم في البورصه و الاستقاله من عملي

اريد شاشه سوني او ماركه وكاميرا ليليه اريد مساعدتكم واخباري اين اجدها

ارجو المساعدة اريد قطع غيار اوبترا

اريد رش العربية ارجو الافادة

اريد شراء هوندا hrv ارجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة