افيدوني يا اصحاب الفليشيا ارجوكو

**drhegab** · 14-05-2010 12:15 AM

انا جبت فلشيا 99 ولاحظت ان العربيه شرقت مني اكتر من مره فجأه ما بتسحبش بنزين نهائي مهما ادوس على دواسه البنزين وبعدها تسحب ودا وانا ماشي على سرعه كبيره على طريق سريع وحصل دلوقتي انها وقفت خالص و بطلت واجي ادور ما تدورش وبعديها بدقيقتين دارت تاني
دا ممكن يكون سده ف الكاربتراتير لاني بستخدم بنزين 80 ؟ ولا ايه ؟ واعمل ايه؟
وانا بحس ان العربيه تقيله شويه ف السحب عموما

**hysagm** · 14-05-2010 02:44 AM

البنزين يتقل السحب ويعمل كركره لكن الشرقه دى انا مش عارفه لو العربيه كربرتير افتح العمه ونفض الكربراتير وشوف فلتر الهوا

**amrelsaqqa** · 14-05-2010 02:57 AM

روح لميكانيكى كويس ظبط الكهربا و الكربراتير
وطالما لسه جايب العربية اعمل صيانة وغير كل الفلاتر والبوجيهات وسلوك البوجيهات وظبط الدنيا

وبنزين 80 يمشى معاها عادى لو كهربتها مظبوطة عليه بس بيخنقها شوية في السحب

ومعلش هسألك سؤال جبتها بكام وحالتها ايه؟
ومبروك ياباشا

**drhegab** · 14-05-2010 03:32 PM

جبتها ب 28 وفبريكا دواخل وموتوررها الميكانيكا قال انه كويس جدا وناعم وفيها جنوط وفرش جلد بصراحه هيا جميله
مافهاش غير المشكله دي يعني هو كل ما ف الموضوع اني هنضف الكاربراتير واغير سلوك البوجيهات والبوجيهات والفلاتر

**د.محمود صلاح** · 14-05-2010 10:49 PM

المشكلة دي كانت عندي وكان السبب

السلك اللي طالع من موبينة الإسبيراتير كان ملمس وفكينا الاسبيراتير كله من قاعدته ولحمناها كويس

وأيضأ القطعة الإلكترونية اللي متوصلة بالإسبيراتير ممكن تكون عايزة تتغير

**rock_rech** · 16-05-2010 01:22 PM

لو العربية بتحس انها بعد متشخن شوية ذى متكون بطلت مرة واحدة وبعدين ترجع تاني دي مشكلة كارتة الاسبراتير غيرها امالو السحب لو ضعيف شوية ولما ترفع سلك البوجية وهية دايرة طرف طرف واحد فيهم او اكتر يكهربك يبقى السلك رطب غير طقم السلك