الموضوع: نداء لمالكى الشارك اتوماتيك

المشاركة الأصلية كتبت بواسطة aliyehia

السلام عليكم
مراتى جابت عربيه شارك مو 2009 زيرو اتوماتيك و لما سقتها لاحظت صوت من تحت العربيه زى هسه او تصفيره تظهر فقط فى التسارع مع الضغط على دواسه السرعه
ساعه الصيانه المهندس افاد ان ده صوت حاجه اسمها زى تربيولنس على ما انا فاكر و ان الصوت بيبان لان مكان الحاجه دى فى الشارك مكانها ورا المحرك بينما فى البوما قدام المحرك
انا عايز حد يكون فاهم يطمنى او يقول لى اعمل ايه
و شكرا

أخى العزيز الفاضل Aliyehia السلام عليكم ارجو الا تنزعج من هذ الصوت فهذا الصوت طبيعى فى الشارك وهو ناتج عن التجميع فى الجير وهو موجود فى كل السيارات الشارك على فكرة انا معايا شارك 2010 1500cc gls خليجى اتومتيك وأول مشترتها لفت نظرى الصوت ده لكن لما رحت الصيانة فى الحبتور المهندس قاللى ان الصوت ده normal ولما سألت ناس تانين معاهم نفس السيارة قالو ان الصوت ده عادى وموجود فى سيارتهم

المشاركة الأصلية كتبت بواسطة مصراوي جدا

باذن الله اسأل في الموضوع ده واجيب الرد



حضرتك مقيم في الامارات
كنت عاوز اسئل ليه جبت 1500 مش 2000 سي سي هل علشان ناوي تنزل بيها مصر بعد كده
لأني اعرف ان فرق السعر مش كبير بين ال 1500 وال 2000 سي سي رغم ان الكماليات تفرق كتير
ويا ريت تقول لنا اسعارها ايه في الامارات خاصة ال GT 2000 c.c

ومعلش سؤال تاني مهم .. ايه موقف انتشار العربية الشارك عموما في الامارات ورأي اهل البلد والمقيمين فيها ايه

السلام عليكم يابشمهندس طارق
انا والله ال2000 سى سى طالعة من عينى لكن انا اخترت ال1500 سى سى علشان هنزلها مصر وحضرتك عارف ان الجمارك بتاعة ال2000 سى سى عاملة ازاى
بس ال1500 سى سى اللى معايا كمالياتها كويسة جدا gls اتوماتيك رنجات 16 انش سبويلر وعتب وفتحة سقف ومصابيح تفريغ عالى الكثافة زينون ومصابيح التوافقية AFS ومصابيح ضباب و ABS و نظام دخول وتشغيل السيارة بدون مفتاح و مكيف اوتو وكاسيت 6 سى دى زجاج ومرايات كهربا اعتقد من وجه نظرى انها مقنعة جداوتمنها كان 69000 درهم يعنى حوالى 100000 مصرى ال 2000 سى سى اعتقد انها اغلى ب5000 الى 7000 درهم
اما بالنسبة لإنتشار السيارة فى تزايد مستمر ويكفى انى اقولك انى من 10 ايام كنت فى الحبتور بعمل صيانة ال5000 كيلو وعرفت من منفذ المبيعات اللى هناك ان مفيش ولا سيارة شارك 2010 فى وكالة الحبتور على مستوى دولة الإمارات الإستوكات اللى فى ميناء جبل على فى دبى كلها اتباعت انهم طلبين استوك 2010 تانى بس انا فى رأى الشخصى ان لازم شركة ميتسوبيشى توقف انتاج البومة علشان الشارك تاخذ مكانها الحقيقى فى الشرق الأوسط لان زى محضرتك عارف ان البومة غير موجودة فى اوروبا وامريكا واسيا بينتجوها بس علشان الشرق الوسط .
سعيد بالحوار مع حضرتك.......

شكرا ياأستاذ كينج على المعلومات الهايلة ديه
واتمنى من الله ان الجمارك تتلغى عندنا زى بقيت البلاد المحترمة
ليا سؤال هل زجاج عربيتك عادى ولا لونه اسود؟