ضمان نيسان مع مين

**aboelshea** · 14-05-2010 02:17 AM

السلام عليكم
انا النهارده اتصلت باوتو ايجيبت وسالتهم على تقسيط مباشر قاللى مفيش
قولتله طيب لو اشتريتها من مكان تانى هيكون ضملنها عندكم قاللى معرفش هو اللى اداهالك يتصرف فى الضمان
انا دلوقتى مش فاهم
هو مش المفروض اى عربيه نيسان اجيبها من اي حته تكون بضمان التوكيل ولا حسب اللى بشتري منه انا مش فاهم ياريت تفهمونى يا جماعه
وشكرا

**K_Morsy** · 14-05-2010 05:42 AM

انت بتاخد كتيب الضمان والصيانة من المعرض اللي بتشتري منه - وتتابع الصيانات الدورية مع اي مركز من مراكز الصيانة المعتمدة هيقولوا لك عليها لما تشترى العربية ودايما موجودة في ملحق اخبار اليوم للسيارات يوم السبت ..ولو فيه اي حاجة مش طبيعية لاحظتها بتروح للمركز وهو يشوفها لك.. ده التزام على جميع مراكز الصيانة اللي معتمداها نيسان ايجيبت نحو العملاء طالما السيارة في الضمان وبتواظب على الصيانات الدورية طبقا للوارد بالكتيب

**fady_anis** · 14-05-2010 10:28 AM

حضرتك بتستلم كتاب الضمان من المعرض اللى انت اشتريت العربية منه مختوم بختمه وبعد كده بتعمل الصيانة الدورية فى اى مركز صيانة معتمد لنيسان

**aboelshea** · 14-05-2010 10:30 AM

يعنى لو اشتريت العربيه من غير الموزعين المعتمدين لنيسان بس معاها الضمان من التوكيل يبقى كله تمام
وهو ممكن تكون العربيه مضمونه من حد غير التوكيل
معلش استحملونى انا لسه جديد فى عالم السيارات

**aboelshea** · 14-05-2010 10:33 AM

شكرا يا جماعه على الاهتمام
يعنى اشتري العربيه من اي حته فى مصر وانا مطمن ان شاء الله سواء من الموزعين ولا لا

**mohamedhamam** · 14-05-2010 03:20 PM

أهلاً بحضرتك بقسم نيسان و فى المنتدى أما بالنسبة للنيسان وكيل نيسان فى مصر د/ عبد المنعم سعودى و هو مالك مجموعة سعودى و له باع طويل فى مجال و سوق السيارات فى مصر و من ضمن شركات المجموعة مودرن موتورز المختصة بوكالة نيسان و سوزوكى فى مصر و مصنع نيسان موتورز إيجبت الموجود فى مدينة 6 أكتوبر و هو على فكرة رأس ماله يابانى 100 % فتعتبر مودرن موتورز الوكيل و الموزع الرئيسى لنيسان فى مصر و هناك بعض الموزعين المعتمدين فى مصر و لهم مراكز خدمة وصيانة معتمدة مثل العالمية أحمد مرعى عندنا فى الإسكندرية و السبع فى القاهرة و غيره ، مودرن موتورز يوجد لها العديد من الفروع فى مختلف محافظات و ليس كلها و أى موزع معتمد سيسلمك ضمان العربية مختوم بختمه و إذا لم يكن معتمداً سيكون الضمان غالباً فى معظم الحالات مختوم بختم مودرن موتورز الوكيل الرئيسى و إذا لم يكن فسيكون مختوم بختم أحد الموزعين المعتمدين الأخرين و يمكنك إجراء الصيانة فى أى مركز خدمة وصيانة معتمد لنيسان فى مختلف أنحاء الجمهورية

**khela** · 14-05-2010 04:09 PM

المشاركة الأصلية كتبت بواسطة mohamedhamam

أهلاً بحضرتك بقسم نيسان و فى المنتدى أما بالنسبة للنيسان وكيل نيسان فى مصر د/ عبد المنعم سعودى و هو مالك مجموعة سعودى و له باع طويل فى مجال و سوق السيارات فى مصر و من ضمن شركات المجموعة مودرن موتورز المختصة بوكالة نيسان و سوزوكى فى مصر و مصنع نيسان موتورز إيجبت الموجود فى مدينة 6 أكتوبر و هو على فكرة رأس ماله يابانى 100 % فتعتبر مودرن موتورز الوكيل و الموزع الرئيسى لنيسان فى مصر و هناك بعض الموزعين المعتمدين فى مصر و لهم مراكز خدمة وصيانة معتمدة مثل العالمية أحمد مرعى عندنا فى الإسكندرية و السبع فى القاهرة و غيره ، مودرن موتورز يوجد لها العديد من الفروع فى مختلف محافظات و ليس كلها و أى موزع معتمد سيسلمك ضمان العربية مختوم بختمه و إذا لم يكن معتمداً سيكون الضمان غالباً فى معظم الحالات مختوم بختم مودرن موتورز الوكيل الرئيسى و إذا لم يكن فسيكون مختوم بختم أحد الموزعين المعتمدين الأخرين و يمكنك إجراء الصيانة فى أى مركز خدمة وصيانة معتمد لنيسان فى مختلف أنحاء الجمهورية

د/عبد المنعم سعودى ليس وكيل لنيسان فى مصر ...نيسان ليس لها وكيل فى مصر انماتقوم شركة نيسان الام بتصنيع وتجميع السيارة الصنى وتوزيعها على الموزعين المعتمدين .....مهندس محمد ارجو ان تصحح لى معلوماتى اذا كنت قد اخطات

اما بالنسبة للتقسيط المباشر فالشركة العالمية المتحدة "عبد اللطيف جمبل" يقوم بالتقسيط المباشر بدون بنوك وهو موزع معتمد لسيارات نيسان

**mahamedaraby** · 14-05-2010 04:16 PM

هى الفكره كلها ان نيسان الشركه الام فى مصر ودى اللى بتصنع العربيه فى مصر وبيقوم الموزعين بيبعها وهما مودرن والسبع ويونايتد وكتير غيرهم وكل دول تحت اشراف نيسان الام اللى هى فى 6 اكتوبر بعد الصيانه اللى بيتصل بيك ويقولك ايه راى حضرتك فى الصيانه و المشاكل وكده دى نيسان اللى فى 6 اكتوبر واى مشكله تقابلك مع موزع ليهم هما تشتكى ليهم وليه سلطه كبيره علي الموزعين ياريت اكون قدرت اوصل المعلومه اللى عندى وكمان تكون صحيحه

**aboelshea** · 14-05-2010 07:31 PM

بجد انا مش عارف اشكركم ازاي يا احلى منتدي
بس اللى اعرفه ان توكيل نيسان هو شركه اوتو ايجيبت 16666 وانا اتصلت بيهم قالولى ان اللى بيبيعلك هو اللى بيضمنها واحنا مالناش دعوه
هل ده صحيح ولا هو بيقول كده علشان اشتري من عنده

**zeyad_f** · 15-05-2010 12:00 AM

المشاركة الأصلية كتبت بواسطة khela

د/عبد المنعم سعودى ليس وكيل لنيسان فى مصر ...نيسان ليس لها وكيل فى مصر انماتقوم شركة نيسان الام بتصنيع وتجميع السيارة الصنى وتوزيعها على الموزعين المعتمدين .....مهندس محمد ارجو ان تصحح لى معلوماتى اذا كنت قد اخطات

اما بالنسبة للتقسيط المباشر فالشركة العالمية المتحدة "عبد اللطيف جمبل" يقوم بالتقسيط المباشر بدون بنوك وهو موزع معتمد لسيارات نيسان

طيب هية نمرة عبد الطيف جميل اية ؟