اشتريت بطارية 56 امبير من عند مبروك ممدوح غطاطي صاحب توكيل فارتا الالمانية من يومين و ركبتها في عربيتي اللانسر و بصراحة مستوي آداء العربية اتغير بنسبة كبيرة جدا - خصوصا اني ما بحبش استعمل الحاجة لغاية ما تجيب آخرها خصوصا في البطاريات لاني لاحظت ان العربية بتتأخر في الدوارة خصوصا في الصباح علي غير العادة و اللي لاحظ الموضوع ده في البداية سايس الجراج الكفء
وديتها للكهربائي و كشف علي البطارية و لقي ان فيه ربع ضارب بس قالي ممكن نغيرك الميه و تمشي بيها لغاية ما تجيب آخرها فخليته يغير الميه و بعد يومين وديتها لكهربائي تاني double check يعني فأكد لي ما قاله الكهربائي الاولاني فذهبت علي الفور لتوكيل فارتا اللي في شارع جمال عبد الناصر قبل فيكتوريا و انت جاي من شارع محمد نجيب و خدوا القديمة و دفعت 420 جنيه و اشتريت 56 جافة و عليها ضمان سنة
فيا ريت لو حد مجربها من قبل كده يخبرنا اكثر عن آدائها و هل فعلا بتقعد 4 سنين؟