السيارات الصينية..!

**m.salama** · 14-05-2010 04:13 AM

السلام عليكم كنت عايز اتكلم معاكم في موضوع بفكر فيه كتير اوي وهو السيارات الصينية أنا كنت واحد من المعترضين عن السيارة دي أول لما نزلت بس أنا شايف إن السيارة دي موجودة حوالي من 2006 أو 2007 مش متذكر اوي ومش باسمع حد كتير بيشتكي منها بالعكس مريحة ناس كتير واعتقد إن انتشرها ده مأكد كلامي يعني أنا بقيت أشوفها أكتر من سيارات تانية كتير وسؤالي ياترى احنا علشان مجرد إن العربية دي صيني خلاص كده منفكرش فيها؟ ولا أصلا العربية مش كويسة ومش حتعمر؟ مع احترامي الشديد لكل من يمتلك هذه السيارة..أنا عارف إن جودة الصين في حاجات كتير مش كويسة خالص بس العرفتوا إن مثلا سوء الصين في america كويس ومحترم جدا مش بس امريكا بس في دول تانيا كتير وعرفت برضوا إن الصين بتقدر كل دولة في المزنية بتعتها بتقليل أو تزويد ال quality للمنتج..في هذه الحالة تقيمنا يكون إيه عن ال quality لهذه السيارات في مصر؟مع العلم بمزنية دولتنا وحالها.

**eng.octooo** · 14-05-2010 04:22 AM

مفيش عربية بتبان جودتها اقل من 5 : 7 سنين
وانت قبل ما بتجيب عربية انت بتجيب وسيلة نقل المهم تكون امان
شوف اختبارت السلامة الاوروبية وانت تعرف الى انت محتاجة وسيبك من كلام الناس لانة لا بيودى ولا بيجيب لف المنتدى من اولة لاخرة هاتلاقى فية عيوب وتحذيرات من المرسيدس لحد الموتوسيكل الصينى ...يعنى كلة فية عيوب بس عيب عن عيب يفرق

**pedooooo** · 14-05-2010 04:25 AM

انا بفكر زيك بالظبط يا باشا
فعلا العربيات دى وحشه ولا الكل بيقول كده لمجرد انها صينى
انا من فتره فكرة فى عربيه اسمها تيجو
العربيه دى جميله او و منتشره و محدش بيشتكى منها
و عجبانى جدا شكلها و امكانيتها
لدرجة انى فكرة ابيع الفيرنا و اشترى تيجى
بس برضه مقلق مع انى مقتنع ان العربيه كويس
بس فكرة انى هبقى راكب صينى مقلقانى او (مع احترامى الشديد لكل اصحاب السيارات الصينى)

**snakeson2** · 14-05-2010 04:30 AM

العربيات الصيني بلغة السوق بتعجز بسرعة ! ودة واضح جدا . كفاية ان الصينيين نفسهم مبيشتروهات ؟ طب ودة لية ؟
العربيات الصيني مشروع فاشل بكل المقاييس !

**m.salama** · 14-05-2010 04:49 AM

المشاركة الأصلية كتبت بواسطة eng.octooo

مفيش عربية بتبان جودتها اقل من 5 : 7 سنين
وانت قبل ما بتجيب عربية انت بتجيب وسيلة نقل المهم تكون امان
شوف اختبارت السلامة الاوروبية وانت تعرف الى انت محتاجة وسيبك من كلام الناس لانة لا بيودى ولا بيجيب لف المنتدى من اولة لاخرة هاتلاقى فية عيوب وتحذيرات من المرسيدس لحد الموتوسيكل الصينى ...يعنى كلة فية عيوب بس عيب عن عيب يفرق

تمام ساعدتك أنا متابع بـاهمتمام اختبرات euroNCAP بس البينزل مصر غير الإحنا بنشوفه ودا علشان معندناش موصفات خاصة ده بغض النظر عن فئات معينة للسيارات واعتقد إن مثلا speranza a516 فيها ايرباج وفرامل ebd أنا مش فاكر هي مجهزة بـإيه علشان مالغبطش بس أعتقد إنها safety أكتر من verna مثلا أنا معاك في نقطة 5-7 سنين نحكم عالعربية وانا كان قصدي إن لحد 3 سنين أنا شايفها منتشرة بشكل ممتاز..ومعاك أيضًا إن كله في عيوب بس أنا مسمعتش عن مشكلة متعسرة فيها زي ودا في حدود رؤيتي..متشرف بنقاشي معك :)

**m.salama** · 14-05-2010 04:54 AM

المشاركة الأصلية كتبت بواسطة pedooooo

انا بفكر زيك بالظبط يا باشا
فعلا العربيات دى وحشه ولا الكل بيقول كده لمجرد انها صينى
انا من فتره فكرة فى عربيه اسمها تيجو
العربيه دى جميله او و منتشره و محدش بيشتكى منها
و عجبانى جدا شكلها و امكانيتها
لدرجة انى فكرة ابيع الفيرنا و اشترى تيجى
بس برضه مقلق مع انى مقتنع ان العربيه كويس
بس فكرة انى هبقى راكب صينى مقلقانى او (مع احترامى الشديد لكل اصحاب السيارات الصينى)

هو مع مرور الوقت حنعرف

**m.salama** · 14-05-2010 05:12 AM

المشاركة الأصلية كتبت بواسطة snakeson2

العربيات الصيني بلغة السوق بتعجز بسرعة ! ودة واضح جدا . كفاية ان الصينيين نفسهم مبيشتروهات ؟ طب ودة لية ؟
العربيات الصيني مشروع فاشل بكل المقاييس !

ما هو زي قال eng.octoooمافيش عربية بتثبت حالتها إلى بعد 5-7 سنين واعتقد أيضًا إن معدش عليها المدة دي مش معنا كده إنها عربية تورث بس في تخيولي إنها حتفضل مدة كويسة يبقى مينفعش نقول دلوقتي إنها فاشلة ووحشة وحتعجز بسرعة..أنا ماقدرش أرد عليك في موضوع ليه الصين مش بتركب صيني لأني معنديش معلومات هم أصلا بيركبوا إيه..بس حضرتك بتقول إنها بتعجز بسرعة ودة واضح جدا ياريت حضرتك توضحلي إزاي عرفت؟ أصلa516 مع واحد صاحبي من 2007 وماشية حوالي 55.000 سفر كتير ولما بركب معاه بأحس إنها في حالتها!

**د.محمود صلاح** · 14-05-2010 09:03 AM

تجربتي في الصيني : -
اشتريت جيلي CK1 زيرو سنة 2006 من توكيلها المعتمد ناشيونال سايمكس .. العربية كانت شبة المرسيدس سي كلاس بالضبط 1600 سي سي جميع الكماليات فرامل abs ..

الموتور كان صيني بالكامل ( هو موتور واحد في معظم العربيات الصيني ويبدو ان ماعندهومش غير شركة واحدة بتنتج المواتير دي ) ,, والموتور ده شبه مواتير الكرولا الملكة الإنجكشن وكان فيه مكونات المانية زي البوبينة - بوش -

وباقي اجزاء العربية كان صيني مختوم بشركة جيلي

أول ما اخذت العربية حسيت بسوء التقفيل والعزل وضعف الأداء الشديد والأصوات من كل مكان كأنك راكب شخليله

وروحت بلدي المنيا وبدأت معاناة اكتشاف الأصوات ومحاولة حلها

(يتبع )

**د.محمود صلاح** · 14-05-2010 09:40 AM

وبعد دوخة مع بتوع العفشة لقينا بلاستيكاية من تحت المساعدين بتخبط في السوست وتعمل أصوات

وبعد فترة لقيت الزجاج الأمامي ينزل ولا يطلع بداية من الساعة 12 ظهراً الى الثانية عصراً فقط ( والله العظيم كما أقول بالضبط ) ,, طبعاً روحت لكهربائي عشان انا من المنيا وصعب اروح التوكيل عملنا عدة محاولات لحد ما عرفنا وجود خلل في بوردة التحكم وغير المقاومة البايظة واتحلت المشكلة

ولما روحت التوكيل وسألتهم على البوردة قالوا ب 1100 ج وما بتتصلحش ومارضيتش اغيرها ولقيت الناس هناك تبدي تذمراً شديداّ من السيارة ومشاكلها

وبعد شهر جابت زيت باور من تحت والعلبة الباور باظت .. غيرتها على حساب التوكيل

أقصى سرعة لها كانت 160 بدون تكيف بالطبع ولو شغلت التكييف العربية تسخن

وبعد شهر لقيت مؤشر البنزين بيلعب .. روحت لنفس الكهربائي فكينا التانك ونظفنا العوامة واتصلحت وبعديها بشهر كررنا نفس الحكاية مرتين وسلمتها للمشتري بنفس العيب

وبعد سنة بالتمام والكمال لقيت التوكيل شال اسم الشركة من على الصيانة وبطل يستورد عربيات تاني ومخزون قطع الغيار فضى لدرجة عدم وجود زجاج او فوانيس او اي حاجة

دب الرعب في قلبي بعد ما كنت مصبر نفسي

قررت البيع فوراً

بعتها بعد اعلان في جريدة الاهرام ولم يتصل بي احد نهائي الا بعد اسبوع من الإعلان واحد منن الزقازيق
قال لي انه عارف العربية دي ولها فرع صيانة في الزقازيق
واشتراها مني ب 41 الف يعني خسارة 23 الف جنيه في سنة ونصف ( كانت ب 64 الف ج ) وبعد بيعها ب 9 شهور مسكها توكيل تاني أظن انه محترم شوية عن السابق

وبالتالي لا أنصح بالصيني بتاتاً ,, اشتري أي حاجة من شركة عريقة توكيلها محترم

-

الموضوع: السيارات الصينية..!

LinkBack

أدوات الموضوع

عرض

السيارات الصينية..! - انشر الموضوع فى :

-

-

-

-

-

-

المواضيع المتشابهه

السيارات الصينية ومبيعاتها بالارقام

شوفو السيارات الصينية الكلاسيكية دى

فشل السيارات الصينية

السيارات الصينية ما لها وماعليها

Pininfarina و السيارات الصينية الجميلة !

الكلمات الدلالية لهذا الموضوع

المفضلات

المفضلات

ضوابط المشاركة