بشمهندس Kaza ،، اسجل اعجابي بخبرتك و تعاونك مع الاعضاء
عرض للطباعة
بشمهندس Kaza ،، اسجل اعجابي بخبرتك و تعاونك مع الاعضاء
بش مهندس كاذا
انا معايا تمبرا 1400 رايك حضرتك بما انك حضرتك برفشينال فى المواتير
انا عندى المكنة تعبانة ومن غير تكييف راى حضرتك أعمرها واظبطها
ولا اسقطلها مكانة تانية كاملة
مع العلم حضرتك أن انا بهتم بالسرعة ولو سقطت مثلا ً اسقطت مكانة اية وكام سى سى
ولو مش سقطت اعمرها واظبطها زى محضرتك بتقول وازود القوة الحصنية أزى ولو تعرف حد يبقى تمام
تنصحنى باية حضرتك
شكرا ً جزيرا ً استاذ كاذا
استاذ كاذا انا كنت بعمل شغل فى السلام و إلى هناك نصحنى بـ
ماتور الفيات البرافاء Fiat Bravo ..
1600 سى سى اتنين كـاما
اية راى حضرتك فى الماتور دة ويركب على التمبرا مستريح ولا يبقى فى تعب وكدة
انا اسف علي التاخير بس ظروف المصيف ورمضان ..كل سنة وانت طيب
بالنسبة لافضل الاختيارات للتمبرا افضلها اقتصاديا يبقي الماكينة ال2000 ال2 كامة بنوعيها ال8 صباب وال16
وهتلاقي الاتنين مرميين في شلبي والحرفيين وبسعر لن يتجاوز ال3000 جنية
المحركين عزمهم عالي وبيركبوا بدون تعديلات نهائي عندك غير تركيب الضفيرة الخاصة بدورة الحقن وطلمبة البنزين اللي في التانك
الفرق هتلاقية كبير لان الاتنين قدراتهم120 و150 حصان علي التوالي
ممكن تلاقي ماكينة تربوا بتاعة الكروما او اللانشيا التيما وتبقي محظوظ لانهم اعلي في القدرة 155 و185 وبعضهم 210 حصان وبعزم هائل 22و30 و34 كجم \متر وعند دورات لا تتجاوز ال2350 لفة في الدقيقة
بس مشكلة التربو انة طراز جاريت تي 3 و الاويلات سيل بتاعتة في الغالب بتبقي مفوتةمن الركنة ومالوش قطع اصلاح بديلة في مصر اللهم انك تبعت تجيبة من ايطاليا او فرنسا
عربيتك نوعها اية ..لو تمبرا لا مش هيركب لان كرتير الزيت مختلف وقواعد الموتور هتحتاج تعديل جامد يؤثر علي سعر اعادة البيع للعربية
الموتور دة هو هو بتاع السينا ال1600 ال2 كامة و16 صباب ..حاجتة كتير وناس كتير اشتغلوا فية وبيركب برضة علي البونتو والبرافا والماريا والملتيبلا والانشيا الدلتا والايبسيلون والواي وبرضة هتلاقية متعدل (راس المحرك مختلف)في الالفا146 و145 والموديلات الاولي من 156 و147
محرك كويس والكونترول بتاعة ماريللي وفي بعض الموديلات هيتاشي
بس الاحسن مجموعة المحركات المصاحبة لتوقيت نزول التمبرا وهي 2000 ال16 و8 صباب و1800 ذو الكامة الواحدة وال1600 بكامة واحدة او اتنين
ودول كافيين جدا و قدراتهم ممتازة كفاية بما يرسم ابتسامة علي وجهك
شكرا ً جـدا ً استاذ كـاذا
ايوة انا عربيتى تمبرا 1400
يعنى حضرتك تنصحـى بمكانة التمبرا 2000 سـى سى ,, 2 كـامة هتركب من غير اى تعديل خـالص غير الدفيرة والطرومبـة البنزين
بس دى مش هتـاكل بنزين أوى
طبعا مش هتعدل حاجة تاني لان العفشة والفرامل مناسبة لقوة الموتور ..الا لو هتحرق جامد يبقي هتعدل الديسكات الامامية بديسكات مهواه بتاعة الالفا 155 وبتركب عادي علي التمبرا دون اي تعديل
بالنسبة لاكل البنزين هتلاقي الاستهلاك واحد نظرا لنسبة الوزن للقوة لان وزن العربية نسبتة هتقل بالمقارنة لقوة الموتور
اساذ كازا مساء الفل و الورد يا باشا و طبعا مش ممكن ازود أى شيىء فى العم الفنى بتاعك يا باشا ههههههههههه بس حا اقول حاجة موتور التمبرا ال 1600 كويس جدا لو الموتور سليم حلو و معقول جدا و الموتور سواء 1600 أو 2000 سى سى سعرهم زى بعض ب 2000 جنية تقريبا و الفتيس زود 300 جنية كمان انا طبعا بروح عزبة شلبى كتير جدا و أقولك حاجة و الله لو نزل موتور للتمبرا فية تربو برضو مش حا يزيد عن ال 2000 جنية كتير بس الناس الى هناك ما عندهموش حاجات موتور ال 2000 سى سى قليلة جدا و نصحو بعدم شراءة حا يبقى متعب شوية الا لو كان عندك الوقت و الجهد انك تراعية و تشوف اية الى يتوافق علية لو ما لقيتش قطع استيراد زى الطرمبة و الذى منة