كنت بعمل صيانه فى توكيل أبو غالى وشفت السوبارو إمبريزا وركبتها ...... عربيه وهممممممممممممممممممممممم م
المهم أول ما شفت المساحة اللى ورا سألت نفسى هو ليه الهاتش باك دايماً فيها مساحة ورا و السيدان لا؟
حاولت أقول لنفسى يمكن زاوية ميل الإزاز، بس مقتنعتش قولت أسئلكم... تعرفوا ليه؟!!
أعتقد أنه فى حالة الهاتش باك بيكون الزجاج الخلفى قريب من العجل الخلفى فلما بيكون فى أمطار ووحل
الزجاج الخلفى بيتملى وحل وطرطشة وبيكون فى صعوبة فى الرؤية
انا اعتقد عشان الشنطه تتفتح بدون مشاكل ومع ذلك فالأوكتافيا فيها مساحة خلفية (عشان شنطتها بتتفتح بنفس طريقة الهاتشباك)
بالظبط كدة في حالة الشنطة هايحطوا المساحات فين
تتثبت فين
لكن الهاتش باك بيبقى سهل
عشان كدة اي عربية هاتش بالك او ليفت باك سهل يعملولها مساحة زجاج
زي الاوكتافيا كدة
إختلف الحكماء فى تفسير موضوع المساحة الخلفية فى سيارات الباب الخلفى (هاتش بالك)
فمنهم من قال ان سيارات الباب الخلفى مصممة اساسا لاستعمال اوروبا التى تفضل هذا النوع من السيارات ، وعلى ذلك فقد تم وضع هذة المساحة الخفية لتناسب جو اوروبا المطير
ومنهم من قال ان وجود مساحة خلفية فى سيارة السيدان شئ معقد نظرا لعدم وجود دعامات مناسبة تسمع بتركيبها فى هيكل السيدان فى حين توجد فى شنطة الهاتش بالك
ومنهم من قال بأن وجود المساحة الخلفية فى شنطة السيدان سيؤدى الى تراكم مياه المسح داخل الشنطة ويستلزم ذلك نظاما لتصريف المياه المذكورة فى حين لا يوجد ذلك التعقيد فى شنطة الهاتش باك حيث تنزلق المياه خارج الشنطة الى خارج السيارة
ومنهم من رأى ان وجود الشنطة فى السيدان يحول دون تراكم طين الطريق على الزجاج الخلفى بعكس الحال فى زجاج الهاتش باك
ومنهم من رأى ان السبب هو كل ذلك وعليه فقد تحول الأومر الى ما يشبه العرف، السياةر الهاتش باك لها مساحة من الخلف والسيارة السيدان بدون
وقالوا وقال الكثيرون وتناثرت الأقوال وامتلأت الساحة بالإشاعات ، ولكن لا احد يعرف فصل القول فى استئثار سيارات الهاتشباك بالمساحات
ألف شكر ليكم يا جماعة
أعتقد كل اللى إتقال يقنع بس الظاهر إن زى الأستاذ سبعاوى ما قال "لا احد يعرف فصل القول فى استئثار سيارات الهاتشباك بالمساحات" :)
ده كلام سليم و الدليل ان الكلام ده مش بس فى ال hatchback و ال liftbackاقتباس:
المشاركة الأصلية كتبت بواسطة hanyfarrag
لاحظوها فى السيارات ال microbus و شوفوها عامله ازاى فى المطر من الزجاج الخلفى
عدم وجود شنطه خلفيه طويله فعلا بيقرب العجل من الزجاج الخلفى
و يحصل اتساخ شديد للزجاج مما يمنع الرؤيه
و ده شىء غير وارد الحدوث فى حاله السياره ال Sedan
الموضوع زي ما قولتوا ان العربيات اللي مبيبقاش لها شنطه
في المطر والوحل وعلى الطرق السريعه بتبقى من الخلف كلها طينه
واكيد شوفتوا الميكروباصات في الشتاء من الخلف بتبقى عامله ازاي عكس السيدان
وكذلك طبعا الهاتشباك فيها نفس الموضوع ان الترتشه بتاعت المطر بتبقى على الباب الخلفي والزجاج بطريقه كثيفه غير السيدان
واسأل مجرب
هذا السؤال فعلا كان يحيرنى الى ان عرفت الأجابه عن تجربه شخصيه
فعلا المساحه الخلفيه ضروريه جدا فى الهاتشباك لأن فى حاله المطر يتسخ الزجاج الخلفى بشده ويصعب من خلاله الرؤيه الخلفيه
البلونييز عندي فيها مساحة في الازاز الخلفى مع وجود تسخين ورشاش لمياة
مع ان الازاز مايل وجزء من الشنطة ظاهر وكمان الاقصدام عريض جداً وباين
الشنطة باينة في عربية تحت
http://free.of.pl/r/rclio/polonez_tuning.jpg
شكلها جامد قوى البولونيز دية يا باورت - ترويشها هائل
انا حاطط العربية علشان تتفرج على الازاز والمساحة تقولى العربية متروشها هايل
فين الترويش ده , ده هو جنوط وحيد غلبان :eek:
إلا قوللي يا بورت
هو باب السواق بيفتح منيييييييين
واللهي بعد البحث وتفحصص اكتشفت انها تكنولوجيا جديدة على المجتمع في وقتها
حيث ان الباب بيفتح بالريمممممموت وبتدخل من شباك اللي ورا الشنطة يعني
او احتمال ان اصلاً مافيش ازاز في باب السواق فانت بتحط ايدك لوجوه وتفتح الباب
:D:D:D:D:D:D
ها ها و هي دي التقنية المستخدمة في فتح كثير من سيارات التاكسي بس مع تعديل بسيط انك بتحط ايدك لبره و تفتح الباب علشان تنزل
ملحوظة صغيرة انا عربيتي بتفتح زي الناس وبركب زي الناس :):)