الموضوع: يا أنا يا الراسنج بايك بقى , عاوز اتعلم اسوق الشيء ده

المشاركة الأصلية كتبت بواسطة أحمد كمال

بص بالنسبة للرخصة كوسها و خلاص

بالنسبة للشراء انا فعلا مع فكرة الصيني ....... هاته و امشي بيه شوية و اقلبه

و العملية كلها شوية maneuvering و ازاي تنقل up and down و ازاي تحود من غير ما تقع و بتاع

انا اول مرة سقت خالص ...... كان الطلعة الاولانية صعبة و عمال يميل مني يمين و شمال

صاحبي قال لي لأ شد شوية قبل ما ترفع رجليك من عالارض ..... و قد كان

و حصل .....

و مشيت زي الفل

تاني مرة من غير نصايح و لا بتاع عرفت اجري و انقل و اعمل maneuvering .... بس طبعا لسه محتاج تدريب كتير

يعني تدريب مش اقل من 10 مرات في ساحة فاضية (ساحة باركنج فاضي مثلا) ..... بعد كده انزل شارع فاضي ..... بعد كده شارع فيه عربيات هادي ..... و هكذا .....

اشتري موتوسيكل خفيف و رخيص ...... و اما تتعلم بيعه و هات غيره

المشاركة الأصلية كتبت بواسطة أحمد كمال

او ممكن اعلمك انا اما اجيب الشادو و الحصة ب 200 جنيه

هي كل المشكلة إني مش عاوز أشتري وابيع . تاني حاجة الموتوسيكل الصيني مش هيديني وضعية ولا تكنيك الريس بايك زيه زي العجلة العادية بالاضافة إنه فضيحة قوي
مايغلاش عليك ال 200 جنيه في الحصة كفاية إنك ذوق بس

المشاركة الأصلية كتبت بواسطة د.محمود صلاح

انفلونزا ركوب البايكات تجتاح المنتدى ... !!

هي بالنسبالي مش انفلونزا هي أصلا مركونة في العقل الباطن من فترة بس علشان أنا مقضيها عربيات فمكنتش مهتم لكن دلوقتي قلت لازم اتعلم و اركب الريس ده

المشاركة الأصلية كتبت بواسطة just_Welah

حاسس اني كروت اخر حته
بمعني انا بصيت تحتي المكنه اتحركت مشوفتش هي رايحه فين بصيت لقيت نفسي هروح يمين شويه رحت يمين لا كده كتير وببص تحت كل شويه
انا كده هعمل حادثه لاني خايف اقع ومش بفكر في طريقي ولا شايفه
وبعدين معامله المتوسيكل مش حركات وتشنجات لاء دي واحده واحده وبانسيابيه يبقي ركب علي الموتوسكل يبقي هو بقي رجليا مبصش لرجليا لاقع مهمتي اني اوجهم

معلش بقي انا ردودي كتير وبرد بكذا كمنت ورا بعض بس والله بحاول افيد زي ما الباشمهندس علمنا وبخاف انسي اقول علي حاجه تغلطوا فيها والغلطات كتير
وعشان كده بنسي حاجات كتير وبكتب في كذا رد

أنا بقى مشكلتي مع الريس حاجة اخطر من كده وعلى فكرة أنا جربتها في هوندا قبل كده
أنا لفيت مقبض البنزين من هنا البايك كملت على طول وأنا قعدت علي الارض . مهزلة يا مان والله

المشاركة الأصلية كتبت بواسطة kasten

عليك وعلى حمدى مكنه وعزوز
وسمعت ان تامر لوت بيقفل جهاز يعلم الرفع تقريبا والله اعلم

بص هو من اساميهم أساسا أنا اخاف أروح لهم بصراحة

هما مين دول ؟

المشاركة الأصلية كتبت بواسطة QaTaR

انا عندي الي يعلمك

بس لو اغريته يعني لو اديته 100 في الحصه

اسمه ياسر في القلعه

ده عنده كذا بايك 250 بعضهم من غير فايبر وقله لو وقعت حصلحها على حسابي وان شاء الله مش حتقع وديه نمرته

ياسر : 0165058577

هيا بالظبط 4 حصص وتبقى بروفشنال

وده هيعلمني بنفسه ولا هيديني البايك ويقولي تعامل إنت ؟ والحصة دي وقتها ساعة ولا قد إيه ؟

المشاركة الأصلية كتبت بواسطة otefa

لأ حقيقي هو فيه طفل مالفتش نظره العجل والموتوسيكلات واتمني يسوق واحد........بس معظم الأهل بيشكلوا ضغط غير عادي لمنعه من الموتسيكلات ولو وصلت انه يكرهوه فيها.......لما بتيجي الفرصة ومكنش وصل لدرجة الكره مابيترددش انه يشبع الهواية الي كان طول عمره نفسه فيها بس الظروف كانت مانعاه.......والموضوع فعلا ليه متعة تانية.......عايزين نقعك يادكتور محمود تنضم للجروب بقي.

فعلا هو حوار المتعة ده بس يا خوفي لا المتعة لتقلب غم . ربنا يستر
بس وأنا طفل كنت بحب العربيات مكنتش بفكر في البايكس عربيات وبس.


ويا جماعة مقولتوليش إيه رايكو في السوزوكي . هو لسة جديد وماشي 5000 كم بس فمعتقدش إنه هيحتاج قطع غيار قبل فترة .